Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବଜେଟ୍ ଅଧିବେଶନ: ଜାନୁଆରୀ ୩୧ରେ ରାଷ୍ଟ୍ରପତିଙ୍କ ଅଭିଭାଷଣ, ଫେବୃଆରୀ ୧ରେ ଉପସ୍ଥାପନ ହେବ ବଜେଟ୍
  • ||
  • IPL 2022: ନିଜ ଟିମ୍‌ର ନାମ ଘୋଷଣା କଲା ଲକ୍ଷ୍ନୌ ଫ୍ରାଞ୍ଚାଇଜି, ରଖିଲା ଲକ୍ଷ୍ନୌ ସୁପର ଜିଆଣ୍ଟ୍ସ
  • ||
  • ରାଜ୍ୟରେ ସୁସ୍ଥହେଲେ ଆଉ ୧୦,୩୦୯ କରୋନା ଆକ୍ରାନ୍ତ, ଖୋର୍ଦ୍ଧାରୁ ସର୍ବାଧିକ ୩୧୧୫ଜଣ ଡିସଚାର୍ଜ
  • ||
  • ରବିଚନ୍ଦ୍ରନ ଅଶ୍ବିନ ନିରାଶ, ଏହି ଖେଳାଳି ହେଲେ ‘ଟେଷ୍ଟ କ୍ରିକେଟର୍ ଅଫ୍‌ ଦି ଇୟର’
  • ||
  • ରାଜ୍ୟରେ ଆଉ ୫ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୨୫କୁ ବୃଦ୍ଧି
  • ||
  • ରାଜ୍ୟରେ ଖସୁଛି ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୭୨୯୧ କୋଭିଡ୍ ପଜିଟିଭ୍, ୧୨୧୧୯୫୧ରେ ପହଞ୍ଚିଲା ସଂଖ୍ୟା
  • ||
  • ଖଲ୍ଲିକୋଟ : ଅଟୋକୁ ପଛ ପଟୁ ଧକ୍କା ଦେଲା ଟ୍ରକ, ଜଣେ ମୃତ
  • ||
  • ଭୁବନେଶ୍ୱର : ୨୬ ଯାଏଁ ରାଜ୍ୟର କିଛି ସ୍ଥାନରେ କୋହଲା ପାଗ ସହ ବର୍ଷା, ସତର୍କ କଲା ପାଣିପାଗ ବିଭାଗ
  • ||
  • ଲମତାପୁଟ : ପାଡୁଆ ପୋଲିସକୁ ସଫଳତା, ୨୦ ଲକ୍ଷ ଟଙ୍କାର ଗଞ୍ଜେଇ ଜବତ
  • ||

ଆଇନ୍‌କୁ ହାତକୁ ନେଲେ ଆନ୍ଦୋଳନକାରୀ: ବିନା କାରଣରେ ଯୁବକଙ୍କୁ ପିଟିଲେ, ପୋଲିସ୍ ସାମ୍ନାରେ ବି ଦାଦାଗିରି

9/03/2020 at 5:16 PM

ବଲାଙ୍ଗୀର୯/୩: ଆନ୍ଦୋଳନକାରୀଙ୍କ ଉତ୍ପାତ। ରାସ୍ତା ରୋକବେଳେ ସେହି ରାସ୍ତା ଯାଉଥିବା ସାଧାରଣ ଯାତ୍ରୀଙ୍କୁ ମାଡ଼ ମାରିଲେ ଆନ୍ଦୋଳନକାରୀ ବଣିକ ସଂଘ ସଦସ୍ୟ। ସେତିକିରେ କଥା ସରିଲା ନାହିଁ। ମାଡ଼ ଖାଇଥିବା ଯୁବକ ପୋଲିସ୍‌ରେ ଅଭିଯୋଗ ପରେ ପୁଣି ବଣିକ ସଂଘ ସଦସ୍ୟଙ୍କଠାରୁ ମାଡ଼ ଖାଇଲେ। ତାହା ପୁଣି ପୋଲିସ୍‌ ସାମ୍ନାରେ। ବଲାଙ୍ଗୀରରେ ଘଟିଛି ଏହି ଘଟଣା। ଏହାକୁ ନେଇ ସାରା ଜିଲ୍ଲାରେ ଆଲୋଡ଼ନ।

ରାଜ ରାସ୍ତାରେ ପଡ଼ିଲା କଥା। ଶେଷରେ ନିରୀହ ଯୁବକ ବଳି ପଡିଗଲେ। ବେଆଇନ ଭାବେ ରାସ୍ତା ରୋକ କରିଥିବା ବେଳେ ଯୁବକଙ୍କୁ  ଅଟକାଇ ମାଡ ମାରିଲେ ବଣିକ ସଂଘ। ଯାହା ଏବେ ବଲାଙ୍ଗୀର ଜିଲ୍ଲାରେ ଚର୍ଚ୍ଚାର ବିଷୟ ପାଲଟିଛି। ବଲାଙ୍ଗୀର ସହରରେ ବିଭିନ୍ନ ଦୋକାନର ମାଲ ଲୋଡ, ଅନଲୋଡ କରୁଥିବା ଶ୍ରମିକମାନେ ମଜୁରି ବୃଦ୍ଧି ନେଇ ୫ ଦିନ ହେଲା କାମ ବନ୍ଦ ଆନ୍ଦୋଳନ କରିଥିଲେ।

ଏ ନେଇ ଜଣେ ବ୍ୟବସାୟୀଙ୍କ ଗାଡି ସହରରେ ପହଞ୍ଚିଥିଲା। ଶ୍ରମିକମାନେ ଆନ୍ଦୋଳନ ଜାରି ରଖିଥିବାରୁ ବ୍ୟବସାୟୀ ଜଣଙ୍କ  ରିସ୍କା ବାଲାଙ୍କ ହାତରେ ଅନଲୋଡ କାମ କରାଇଥିଲେ। ହେଲେ ଆନ୍ଦୋଳନ ରତ ଶ୍ରମିକମାନେ ଏହାକୁ ବିରୋଧ କରିଥିଲେ। ଏ ନେଇ ବ୍ୟବସାୟୀ ଓ ଶ୍ରମିକଙ୍କ ମଧ୍ୟରେ ଗଣ୍ଡଗୋଳ ଆରମ୍ଭ ହୋଇଯାଇଥିଲା। ଏ ନେଇ ଟାଉନ ଥାନା ପିସିଆର ଭ୍ୟାନରେ ଜଣେ ଶ୍ରମିକଙ୍କୁ ଉଠାଇ ନେଇଥିବା ଶ୍ରମିକମାନେ ଅଭିଯୋଗ କରିଥିଲେ।

ସେପଟେ ଏ ନେଇ ଆଇଆଇସି ଓ ଜଣେ ବ୍ୟବସାୟୀଙ୍କ ମଧ୍ୟରେ ଯୁକ୍ତିତର୍କ ହୋଇଥିଲା। ବ୍ୟବସାୟୀ ଜଣଙ୍କୁ ଆଇଆଇସି ଦୁର୍ବ୍ୟବହାର କରିଥିବା ଅଭିଯୋଗ ହୋଇଥିଲା। ଏ ନେଇ ଜିଲ୍ଲା ବଣିକ ସଂଙ୍ଘ ସମସ୍ତ ଦୋକାନ ବଜାର ବନ୍ଦ କରିବା ସହ ଥାନା ଘେରାଉ ଓ ରାଜରାସ୍ତାକୁ ବେଆଇନ ଭାବେ ଅବରୋଧ କରିଥିଲେ। ଏ ନେଇ ଯାତାୟତ କରୁଥିବା ଲୋକଙ୍କୁ ବହୁ ହଇରାଣ ହେବାକୁ ପଡିଥିଲା। ଧାରଣା ଦେବା ଓ ରାସ୍ତା ରୋକ କରିଥିବା ବ୍ୟବସାୟୀ ଲୋକଙ୍କୁ ଦୁର୍ବ୍ୟବହାର କରିବା ସହ ଉତ୍ତ୍ୟକ୍ତ ହୋଇଥିଲେ।

 ଏ ନେଇ କଚେରି ଛକ ଦେଇ ଜଣେ ସହର ବାସିନ୍ଦା ଦେବାନ୍ଦ ସାହୁ ଯାଉଥିବା ବେଳେ ତାଙ୍କୁ ଅଟକାଇଥିଲେ ରାସ୍ତାରେ ଯାଇପାରିବେ ନାହିଁ ବୋଲି କହିଥିଲେ। ଏ ନେଇ ଉଭୟଙ୍କ ମଧ୍ୟରେ ପାଟିତୁଣ୍ଡ ସହ ଗାଳି ଗୁଲଜ ମଧ୍ୟ ହୋଇଥିଲା। ଏନେଇ ଯୁବକଙ୍କୁ କିଛି ବ୍ୟବସାୟୀ ମାଡ ମାରିଥିଲେ। ଗୁରତର ଅବସ୍ଥାରେ ଥାନାରେ ପହଞ୍ଚିଥିଲେ।

ଆକ୍ରମଣରେ ଶିକାର ହୋଇଥିବା ଯୁବକଙ୍କ ସାଙ୍ଗ ଧରି ଏସଡିପିଓ  ଆନ୍ଦୋଳନ ସ୍ଥଳରେ ପହଞ୍ଚିଥିଲେ। କିଏ ମାରିଲା ବୋଲି ଏସ୍‌ଡିପିଓ ପ୍ରଶ୍ନ କରିଥିଲେ। ପୁଣି ବଣିକ ସଂଘର ସଭାପତି ତ୍ରିପୁରାଣି ପାଣିଗ୍ରାହି ଯୁବକଙ୍କୁ ମାଡ ମାରିଥିବା ସୂଚନା ମିଳିଥିଲା। ଏହା ପରେ ପୁଣି  ଏସଡିପିଓଙ୍କ ସାମ୍ନାରେ ଯୁବକଙ୍କୁ ମରଣାନ୍ତକ ଆକ୍ରମଣ କରିଥିଲେ। ଏହି ଘଟଣାକୁ ପୋଲିସ୍‌ ଓ ପ୍ରଶାସନ ହାଲୁକା ଭାବେ ନେଇଥିବା ବିଭିନ୍ନ ମହଲରେ ଏହାକୁ ତୀବ୍ର ନିନ୍ଦା କରାଯାଇଛି।

   Related Posts