Prameya News7

Prameya News7, News7 Odia, Odisha Latest News, Odisha Current Headlines, Odisha News Online

‘କୋଭିଡ୍ ପୁରା ମିଛ, ଗୁଜବର ଷଡଯନ୍ତ୍ରକାରୀ ବିଲ୍ ଗେଟସ୍’ : ଲଣ୍ଡନରେ ୧୦ ହଜାର ଲୋକଙ୍କ ବିକ୍ଷୋଭ, ତୁରନ୍ତ ସବୁ କଟକଣା ହଟାଇବାକୁ ସରକାରଙ୍କ ନିକଟରେ ଦାବି

29/08/2020 at 10:16 PM

ଲଣ୍ଡନ, ୨୯|୦୮:  କରୋନା ଭାଇରସ ମିଛ । ଏପରି କିଛି ନାହିଁ ।  ବିଲ୍ ଗେଟସଙ୍କ ପାଇଁ ଏପରି ମିଛ କରୋନା ଭୟ ବାବଦରେ ପ୍ରଚାର କରାଯାଉଛି ବୋଲି ଅଭିଯୋଗ କରିଛନ୍ତି ଆନ୍ଦୋଳନକାରୀ । ଏହାସହ ହଜାର ହଜାର ସଂଖ୍ୟାରେ ଲଣ୍ଡନର ଟ୍ରାଫାଲଗରରେ ରୁଣ୍ଡ ହୋଇ ଧାରଣା ଦେଇଛନ୍ତି । ଏପରିକି ଟିକାକରଣ ଓ ଲକଡାଉନ୍ ବିରୋଧରେ ବିକ୍ଷୋଭ ପ୍ରଦର୍ଶନ କରିଛନ୍ତି ।

ୟୁନାଇଟ୍ ଫର୍ ଫ୍ରିଡମ୍ ନାମରେ ଏହି ରାଲି ଶନିବାର ଦ୍ୱିପ୍ରହରରେ ଆରମ୍ଭ ହୋଇଥିଲା । ଏହାସର ସ୍ଲୋଗାନ ରହିଛି ସରକାରଙ୍କ ମିଛକୁ ଶେଷ କରିବା । ପ୍ରାୟ ୧୦ ହଜାର ଆନ୍ଦୋଳନକାରୀ ଏହି ପ୍ରଦର୍ଶନରେ ସାମିଲ ହୋଇଥିଲେ ।

ସେମାନେ ଅଭିଯୋଗ କରିଛନ୍ତି ଯେ, ମାସ୍କ ପିନ୍ଧିବା ଦ୍ୱାରା ରୋଗପ୍ରତିରୋଧକ ଶକ୍ତି କମିଯାଉଛି । ପିଲାମାନେ ନାନା ଅସୁବିଧାର ସମ୍ମୁଖୀନ ହେଉଛନ୍ତି । ସହରର ଡାଉନିଂ ଷ୍ଟ୍ରିଟରୁ ହାଉସ୍ ଅଫ୍ ପାର୍ଲାମେଣ୍ଚ ଯାଏଁ ଏହି ରାଲି ବାହାରିଥିଲା ।

କିଛି ଆନ୍ଦୋଳନକାରୀ କହିଛନ୍ତି ଯେ, ସରକାର ନିର୍ବାଚନ ଘୁଞ୍ଚାଇବାକୁ ଏପରି କରୁଛନ୍ତି । ଏପରିକି ଲକଡାଉନକୁ ବିରୋଧ କରୁଛନ୍ତି । ତେବେ ଇକେ ନାମକ ଜଣେ ବ୍ୟକ୍ତି ଯିଏ ଏହି ରାଲିର ନେତୃତ୍ୱ ନେଉଥିଲେ ତାଙ୍କ ସୋସିଆଲ ମିଡିଆ ଆକାଉଣ୍ଟକୁ ଫେସବୁକ ଓ ଟ୍ୱିଟର ଡିଲିଟ୍ କରିଦେଇଛି । କରୋନା ବାବଦରେ ମିଛ ଖବର ପ୍ରସାର ଅଭିଯୋଗରେ ତାଙ୍କ ଆକାଉଣ୍ଟ ଡିଲିଟ୍ କରାଯାଇଛି ।

   Related Posts