Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଜାନୁଆରୀ ୨୭, ସକାଳେ ଜେଲ୍‌ରୁ ମୁକୁଳିପାରନ୍ତି ଭି.କେ. ଶଶିକଳା
  • ||
  • ନେତାଜୀ ଜନ୍ମସ୍ଥାନ ସଂଗ୍ରହାଳୟ ଖୋଲିଵାକୁ ସରକାରଙ୍କ ନିଷ୍ପତ୍ତି
  • ||
  • କଟକ:କାଲିଠାରୁ ଖୋଲିଵ ନେତାଜୀ ସଂଗ୍ରହାଳୟ
  • ||
  • ରାଇରଙ୍ଗପୁର: ଗୋରୁମହିଷାଣି ପୋଲିସର ସଡକ ସୁରକ୍ଷା ସଚେତନ କାର୍ଯ୍ୟକ୍ରମ, ସାମିଲ ଥିଲେ ସ୍ଥାନୀୟ ଲୋକେ
  • ||
  • ବଲାଙ୍ଗୀର: ପୁଣି ରକ୍ତ ରଞ୍ଜିତ ହେଲା ଶୁଲିଆ ପୀଠ, ଗଡିଲା ଶହ ଶହ ପଶୁ-ପକ୍ଷୀଙ୍କ ମୁଣ୍ଡ
  • ||
  • ଭୁବନେଶ୍ବରରେ ପହଞ୍ଚିଲା ୨ୟ ପର୍ଯ୍ୟାୟ କୋଭିଡ ଟିକା: ସ୍ପାଇସ୍ ଜେଟ୍‌ରେ ଆସିଲା ଟିକା
  • ||
  • ଭାଙ୍ଗିଲା ୩୩ ବର୍ଷର ରେକର୍ଡ୍‌ : ବ୍ରିସବେନ ଟେଷ୍ଟରେ ଭାରତର ଐତିହାସିକ ବିଜୟ, ଅଷ୍ଟ୍ରେଲିଆକୁ ୩ ଓ୍ବିକେଟ୍‌ରେ ହରାଇ ସିରିଜ କବଜା କଲା ଟିମ୍ ଇଣ୍ଡିଆ
  • ||
  • ମାଲକାନଗିରି : ସୀମାନ୍ତରେ ଏନ୍‌କାଉଣ୍ଟର, ୧୦ରୁ ଅଧିକ ମାଓ କ୍ୟାମ୍ପ ଧ୍ୱଂସ
  • ||
  • ସମ୍ବଲପୁର : ଫୋକସ୍‌ରେ ପଶ୍ଚିମ ଓଡିଶା, ମା’ ସମଲେଶ୍ବରୀଙ୍କ ମନ୍ଦିର ବୁଲି ସମୀକ୍ଷା କଲେ 5-T ସଚିବ
  • ||
  • ଭାଙ୍ଗିଲା ୩୩ ବର୍ଷର ରେକର୍ଡ୍‌ : ବ୍ରିସବେନ ଟେଷ୍ଟରେ ଅଷ୍ଟ୍ରେଲିଆକୁ ୩ ଓ୍ବିକେଟ୍‌ରେ ହରାଇ ସିରିଜ କବଜା କଲା ଟିମ୍ ଇଣ୍ଡିଆ
  • ||

ମନ୍ଦିର ଖୋଲିବା ପାଇଁ ଦାବି ବେଳେ ଲିଙ୍ଗରାଜ ଆଗରେ ସ୍ବେଛାସେବୀ-ସେବାୟତ ଠେଲାପେଲା : ସେପଟେ ସବୁ ଧର୍ମାନୁଷ୍ଠାନ ଖୋଲିବାକୁ ବଢୁଛି ସ୍ୱର

14/12/2020 at 6:22 PM

ଭୁବନେଶ୍ୱର ୧୪/୧୨ : ୯ମାସ ହେଲାଣି ମନ୍ଦିର ବନ୍ଦ। ଅଧୀର ହେଲେଣି ଭକ୍ତଓ ଶ୍ରଦ୍ଧାଳୁ। ଏହାକୁ ନେଇ ଲିଙ୍ଗରାଜ ମନ୍ଦିର ଆଗରେ ଘଟିଛି ଅଘଟଣ। ମନ୍ଦିର ଖୋଲିବା ଦାବିରେ ଧାରଣା ଦେଇଥିବା ସ୍ବେଛାସେବୀ ସଙ୍ଗଠନ ସହ ସେବାୟତମାନେ ମୁହାଁମୁହିଁ ହୋଇଛନ୍ତି । ଚର୍ଚ୍ଚ ଓ ମସଜିଦ ଖୋଲିବାକୁ ମଧ୍ୟ ଦାବି ଜୋର ଧରିଲାଣି। ଏପଟେ ମନ୍ଦିର ଖୋଲିବା ନେଇ ଗାଇଡଲାଇନ୍ ପ୍ରସ୍ତୁତ କରି ରାଜ୍ୟସରକାରଙ୍କୁ ଦେଇଛନ୍ତି ଦେବୋତ୍ତର କମିଶନ ।

କେ​ବେ ଖୋଲିବ ମନ୍ଦିର। କେବେ ଦର୍ଶନ କରିବେ ଭକ୍ତ?  ଧୈର୍ଯ୍ୟହରା ହୋଇଗଲେଣି ଶ୍ରଦ୍ଧାଳୁ । ଏପରି ସ୍ଥିତିରେ ମନ୍ଦିର ଖୋଲିବାକୁ ନେଇ ଆଜି ଲିଙ୍ଗରାଜ ମନ୍ଦିର ଆଗରେ ଠେଲାପେଲା ହୋଇଛି । ମନ୍ଦିର ଖୋଲିବା ଦାବିରେ  ଧାରଣା ଦେଇଥିଲେ କିଛି ସ୍ବେଛାସେବୀ ସଙ୍ଗଠନ। ଏଣେ  ସେବାୟତମାନେ କହିଥିଲେ ଆମକୁ ନପଚାରି ମନ୍ଦିର ଆଗରେ ଧାରଣା ଦେବାକୁ ତୁମେ କିଏ । ଯାହାକୁ ନେଇ ଆରମ୍ଭ  ହୋଇଥିଲା ଠେଲାପେଲା।

ଚର୍ଚ୍ଚ ଓ ମସଜିଦ ଖୋଲିବାକୁ ବି ଦାବି ଜୋର ହେଲାଣି  ।  ସରକାରଙ୍କ ନିର୍ଦ୍ଦେଶକୁ ଅପେକ୍ଷା କରାଯାଇଛି । ବଡ ଦିନରେ ଚର୍ଚ୍ଚ ଖାଲିବାକୁ ଖ୍ରୀଷ୍ଟିଆନ ସମ୍ପ୍ରଦାୟ ଚାହିଁ ବସିଛନ୍ତି।  କିନ୍ତୁ ଏହି ଦିନ ପ୍ରବଳ ଭିଡ ହେଉଥିବାରୁ  ନିୟନ୍ତ୍ରଣ କରିବା ସମ୍ଭବ ନୁହେଁ।   ତେଣୁ ସରକାର  ଅନୁମତି ଦେଲେ ବି ଚର୍ଚ୍ଚ ପକ୍ଷରୁ ତର୍ଜମା କରାଯିବ। ସେପଟେ  କୋଭିଡ୍ ଗାଇଡଲାଇନ୍ ଭିତରେ ତୁରନ୍ତ ମସଜିଦ ଖୋଲିବାକୁ ଦାବି କରିଛନ୍ତି ମୁସଲିମ ସମ୍ପ୍ରଦାୟ ଲୋକେ।

ବିଭିନ୍ନ ଜିଲ୍ଲାର ଧର୍ମପୀଠଗୁଡ଼ିକ ଖୋଲିବା ନେଇ ପ୍ରକ୍ରିୟା ଆରମ୍ଭ ହୋଇ୍‌ଥିବା  ସୂଚନା ଦେଇଛନ୍ତି ମୁଖ୍ୟ ଶାସନ ସଚିବ।  ରାଜ୍ୟରେ  ଦେବୋତ୍ତର କମିଶନ ଅଧୀନରେ ୧୮ ହଜାର ମନ୍ଦିର ରହିଛି। ଏସବୁ ମନ୍ଦିର ଖୋଲିବା ନେଇ  ହାଇକୋର୍ଟଙ୍କ ନିର୍ଦ୍ଦେଶ ଅନୁସାରେ  ଦେବୋତ୍ତର କମିଶନର ମୋଡାଲିଟି ପ୍ରସ୍ତୁତ କରି ସରକାରଙ୍କୁ ଦେଇଛନ୍ତି।  ଏହି ଅନୁଯାୟୀ, ମନ୍ଦିର ଭିତରକୁ ଏକକାଳୀନ  ଭକ୍ତଙ୍କ ପ୍ରବେଶ ଉପରେ ବାରଣ ରହିବ । ସାମାଜିକ ଦୁରତ୍ବ ରକ୍ଷା କରି ଭକ୍ତଙ୍କୁ ଛଡାଯିବ । ମନ୍ଦିରରେ ଭକ୍ତ କେବଳ ଦର୍ଶନ କରିବେ, ବଡ ପୂଜା କରିପାରିବେ ନାହିଁ। ମନ୍ଦିର ପରିସରକୁ ବାରମ୍ବାର ବିଶୋଧନ କରିବାକୁ କମିଶନ ସରକାରଙ୍କୁ ପ୍ରସ୍ତାବ ଦେଇଛନ୍ତି।

ମନ୍ଦିର ଓ ଅନ୍ୟ ଧର୍ମାନୁଷ୍ଠାନଗୁଡ଼ିକୁ ଖୋଲିବାକୁ ଜିଲ୍ଲାପାଳମାନଙ୍କୁ  କ୍ଷମତା ଦିଆଯାଇଛି । ତେବେ କିଭଳି SOP ଜାରି ହେବ ଏବଂ ଧର୍ମାନୁଷ୍ଠାନ ଖୋଲିବ ତାହା ଉପରେ ନଜର ରହିଛି ।

   Related Posts