Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଗୋପାଳପୁର ବିଧାୟକ ପ୍ରଦୀପ ପାଣିଗ୍ରାହୀ ଗିରଫ
  • ||
  • ମିର୍ଜାପୁରରେ କଂଗ୍ରେସ ନେତା ଦିଗ୍‌ବିଜୟ ସିଂହଙ୍କ ବଡ଼ ବୟାନ, କହିଲେ- ପାକିସ୍ତାନ ଯିବାକୁ ଚାହୁଁଛି
  • ||
  • ରାଜନୀତିରେ ପ୍ରବେଶ କଲେ ସୁପରଷ୍ଟାର୍ ରଜନୀକାନ୍ତ
  • ||
  • ବଢିଲା LPG ସିଲିଣ୍ଡର ଦର ଏବେ ବିନା ସବସିଡି ଉପଭୋକ୍ତାଙ୍କୁ ଦେବାକୁ ପଡିବ ଅଧିକ ୫୦ଟଙ୍କା
  • ||
  • ସାଲେପୁର : ଆମ୍ବୁଲାନ୍ସକୁ ପିଟିଲା କାର୍, ଡ୍ରାଇଭର ଆହତ
  • ||
  • କଟକ : ସି-ସୋର ଘାଟରୁ ଅଜଣା ମୃତଦେହ ଉଦ୍ଧାର, ଭାସି ଆସିଥିବା ସନ୍ଦେହ
  • ||
  • ଚଣ୍ଡିଗଡ : ପଦ୍ମ ବିଭୂଷଣ ଫେରାଇଲେ ପଞ୍ଜାବର ପୂର୍ବତନ ମୁଖ୍ୟମନ୍ତ୍ରୀ ପ୍ରକାଶ ସିଂହ ବାଦଲ
  • ||
  • ନୂଆଦିଲ୍ଲୀ : ଅନଲାଇନ୍‌ରେ ହେବନାହିଁ CBSE ବୋର୍ଡ ପରୀକ୍ଷା, ପୂର୍ବଭଳି ପରୀକ୍ଷା ଦେବେ ଛାତ୍ରଛାତ୍ରୀ
  • ||
  • ଝାରସୁଗୁଡା : ବାପା ନା’ ରାକ୍ଷସ, ନିଶାଶକ୍ତ ଅବସ୍ଥାରେ ୧୧ ବର୍ଷର ଝିଅ ସହ କଲା ଦୁଷ୍କର୍ମ !
  • ||
  • କନ୍ଧମାଳ : ହଜିଗଲା ମା’ର ମମତା, ୪ ବର୍ଷ ଝିଅର ଗାଲ କାଟିଦେଲା ସାବତ ମା’ !
  • ||

ଆବାସିକ ସ୍କୁଲ ଉଚ୍ଛେଦକୁ ବିରୋଧ, ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ଭିନ୍ନକ୍ଷମ କଲ୍ୟାଣ ମହାସଂଘର ଆମରଣ ଅନଶନ

5/10/2020 at 4:56 PM

ଖଲ୍ଲିକୋଟ ୫।୧୦: ଗଞ୍ଜାମ ଜିଲ୍ଲା ଭିନ୍ନକ୍ଷମ କଲ୍ୟାଣ ମହାସଂଘ ପକ୍ଷରୁ ଦିବ୍ୟାଙ୍ଗମାନଙ୍କ ପାଇଁ ଉଦ୍ଧିଷ୍ଟ ସମର୍ଥ ଆବାସିକ ସ୍କୁଲ ଉଚ୍ଛେଦକୁ ବିରୋଧ କରି ଗଞ୍ଜାମ ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ଦିବ୍ୟାଙ୍ଗମାନେ ଆମରଣ ଅନଶନରେ ବସିଛନ୍ତି ।

ଗଞ୍ଜାମ ଜିଲ୍ଲା ଭିନ୍ନକ୍ଷମ କଲ୍ୟାଣ ମହାସଂଘ ୧୯୮୬ ମସିହାରୁ ଜିଲ୍ଲାର ଅଗଣିତ ଭିନ୍ନକ୍ଷମ ପିଲାମାନଙ୍କୁ ଶିକ୍ଷା ଓ ଥଇଥାନ କରି ଆସୁଥିଲେ । ୨୦୦୦ ମସିହାରେ ତତ୍କାଳୀନ ଜିଲ୍ଲାପାଳ ଓ ଏସପିଙ୍କ ଦ୍ବାରା ପ୍ରଦାନ କରିଥିବା ଏକ କୋଠାରେ ସମର୍ଥ ନାମକ ଏକ ଆବାସିକ ଶିକ୍ଷାକେନ୍ଦ୍ର ଚାଲିଛି । ଯେଉଁଥିରେ ପ୍ରାୟ ୧୧୪ଜଣ ମାନସିକ ଅନଗ୍ରସର ଓ ମସ୍ତିଷ୍କ ପକ୍ଷାଘାତ ପିଲାମାନେ ଶିକ୍ଷାଲାଭ ସାଙ୍ଗକୁ ସମସ୍ତ ପ୍ରକାର ଆନୁସଙ୍ଗୀକ ବ୍ୟବସ୍ଥା ପାଇପାରୁଛନ୍ତି ।

ତେବେ ସଂପୃକ୍ତ ବିଦ୍ୟାଳୟଟି ଭାଙ୍ଗିରୁଜି ଯାଇଥିବା ଓ ଏଠାରେ ଏକ ଅତ୍ୟାଧୁନିକ ପାର୍କ ନିର୍ମାଣ କରିବା ପାଇଁ ଜିଲ୍ଲା ପ୍ରଶାସନ ପକ୍ଷରୁ ୩ ଦିନ ମଧ୍ୟରେ ଖାଲି କରିବାକୁ ନୋଟିସ ଜାରି କରାଯାଇଛି । ୩ ଦିନ ମଧ୍ୟରେ ବିଦ୍ୟାଳୟ ଖାଲି କରିବା ସହ ଏହାକୁ ଭାଙ୍ଗିବା ପାଇଁ ଜିଲ୍ଲାପାଳଙ୍କ ନିର୍ଦ୍ଦେଶ ରହିଥିବାରୁ ସଂଘ ଏହାର ତୀବ୍ର ବିରୋଧ କରିଛି । ଏପରିକି ଗତ ୧୫ ଦିନ ପୂର୍ବରୁ ଉକ୍ତ ସ୍କୁଲର ବିଦ୍ୟୁତ ଓ ପାଣି ସଂଯୋଗ ପ୍ରଶାସନ ପକ୍ଷରୁ କାଟି ଦିଆଯାଇଛି । ଯେତେବେଳେ ଜିଲ୍ଲାପାଳ ନିଜ ସ୍ବାର୍ଥ ପାଇଁ ସରକାରୀ କୋଠାକୁ ବେସରକାରୀ ସ୍କୁଲ ପାଇଁ ଦେଇପାରୁଛନ୍ତି । ସେପରି ସ୍ଥଳେ ଗୋଟିଏ ସରକାରୀ ଅନୁଦାନ ପ୍ରାପ୍ତ ଭିନ୍ନକ୍ଷମ ଅନୁଷ୍ଠାନକୁ ଅଣଦେଖା କରିବା କେତେଦୂର ଠିକ୍ ବୋଲି ପ୍ରଶ୍ନ କରିଛନ୍ତି ସଂଘର ସଂପାଦକ କେ.ଆନନ୍ଦ ରାଓ  ।

ବହୁବାର ଏନେଇ କାକୁତି ମିନତି କରିବା ସହ ଗୁହାରୀ କଲେ ବି ସୁଦ୍ଧା କୌଣସି ନ୍ୟାୟ ନମିଳିବାରୁ ଆଜିଠାରୁ ଦାବି ପୂରଣ ନହେବା ଯାଏଁ ଅନସନ ଜାରି ରହିବ ବୋଲି ପ୍ରକାଶ କରିଛନ୍ତି ସଂଘର ସମ୍ପାଦକ । ତେବେ ସମ୍ପ୍ରତି ୨୦ବର୍ଷରୁ ଅଧିକ ହୋଇଥିବା ବେଳେ କୋଠାଟି ବିପଦ ସଙ୍କୁଳ ଅବସ୍ଥାକୁ ଦୃଷ୍ଟିରେ ରଖି ଅନୁଷ୍ଠାନକୁ ଅନ୍ୟତ୍ର ସ୍ଥାନାନ୍ତର କରିବାର ବ୍ୟବସ୍ଥା କରାଯିବ ବୋଲି ସୂଚନା ଦେଇଛନ୍ତି ଗଞ୍ଜାମ ଜିଲ୍ଲାପାଳ ବିଜୟ ଅମୃତା କୁଲାଙ୍ଗେ ।

   Related Posts