ଢେଙ୍କାନାଳ, ୦୫।୧୦: କେଉଁ ଆବବାହନ କାଳରୁ ଗଛ ଲଗାଇ ଜଙ୍ଗଲ ସୃଷ୍ଟି କରିଥିଲେ ଗ୍ରାମବାସୀ । ଆଉ କିଛି ଲୋକ ଉକ୍ତ ଜଙ୍ଗଲରୁ ମୂଲ୍ୟବାନ ଗଛ ସବୁକୁ କାଟି ପଦା କରିବାରେ ଲାଗିଛନ୍ତି । ଏପରିକି ଏହାକୁ ଜବର ଦଖଲ କରିବାକୁ ତୀଵ୍ର ବିରୋଧ ସହ ଅଭିଯୋଗ କରି ଆସୁଛନ୍ତି ଅଞ୍ଚଳବାସୀ । ମାତ୍ର ବିଭାଗୀୟ ଅଧିକାରୀ ପଦକ୍ଷେପ ତ ଦୂରେ ଥାଉ ଗ୍ରାମବାସୀଙ୍କ କାଠ ଶୁଣୁନାହାନ୍ତି । ଏପରି ସ୍ଥଳେ ଗ୍ରାମବାସୀଙ୍କ ମହଲରେ ଅସନ୍ତୋଷ ପ୍ରକାଶ ପାଇଛି । ଏପରି ପରିସ୍ଥିତି ସୃଷ୍ଟି ହୋଇଛି ଢେଙ୍କାନାଳ ଜିଲ୍ଲା ପରାଜଙ୍ଗ ବ୍ଲକର କୁଟୁରିଆ ପଂଚାୟତର ମଦରଙ୍ଗା ମୁଣ୍ଡା ଗ୍ରାମରେ । ଫଳରେ ଆଜି ହଜାର ହଜାର ଗ୍ରାମବାସୀ ଜିଲ୍ଲାପାଳଙ୍କ କାର୍ଯ୍ୟାଳୟ ଘେରାଉ କରିଛନ୍ତି ।
ଗ୍ରାମକୁ ଲାଗି ଟସର ତୈଲା ନାମକ ୩୦୦ ଏକର ଜାଗା ଜଙ୍ଗଲ କିଶମ ଥିବାବେଳେ ଏହି ଜାଗାକୁ ମଦରଙ୍ଗା ମୁଣ୍ଡା ଗ୍ରାମବାସୀ ଜଗି ରହିଥିଲେ। ଫଳରେ ଏହି ଜାଗାରେ ବହୁ ମୂଲ୍ୟବାନ ଗଛ ଲଗାଇ ଜଙ୍ଗଲ ସୃଷ୍ଟି କରିଥିଲେ । ମାତ୍ର ତାଙ୍କ ଗାଁ ପାଖ ଗ୍ରାମର କିଛି ଅସାମାଜିକ ଲୋକ ଜବରଦସ୍ତ ଏହି ଜଙ୍ଗଲରେ ପଶି ବହୁ ମୂଲ୍ଯବାନ ଗଛ ସବୁକୁ କାଟି ଜବର ଦଖଲ କରୁଛନ୍ତି । ଏ ସମ୍ପର୍କରେ ପୂର୍ବରୁ ଗ୍ରାମବାସୀ ସ୍ଥାନୀୟ ବନପାଳ ଓ ତହସିଲଦାରଙ୍କୁ ଅଭିଯୋଗ କରିଥିଲେ ମଧ୍ୟ ସୁଫଳ ପାଇନଥିବା ପ୍ରକାଶ କରିଛନ୍ତି । ତେବେ ଜିଲ୍ଲାପାଳ ତୁରନ୍ତ ପଦକ୍ଷେପ ନନେଲେ ଆଗାମୀ ସମୟରେ ଭୟଙ୍କର ଆନ୍ଦୋଳନ ହେବ ବୋଲି ଚେତାବନୀ ଦେଇଛନ୍ତି ଗ୍ରାମବାସୀ ।।