ଜୋର ଧରିବାରେ ଲାଗିଛି ମଦ ଦୋକାନ ଉଚ୍ଛେଦ ପ୍ରତିବାଦ । ଗତକାଲି ମାର୍ଶାଘାଇ ଅଙ୍ଗୁଳାଇ ପଞ୍ଚାୟତରେ ମଦ ଦୋକାନ ଉଚ୍ଛେଦ ହୋଇଥିବା ଆନ୍ଦୋଳନ ଆଜି ଉଗ୍ର ରୂପ ନେଇଛି । ପ୍ରଶାସନ ପ୍ରତିଶୃତି ପାଳନ ହୋଇନଥିବାରୁ ମଦ ଦୋକାନ ଭଙ୍ଗାରୁଜା କରିବା ସହ ଏକ ବାଇକ୍ ଜାଳି ଦେଇଛନ୍ତି ଉତ୍ତ୍ୟକ୍ତ ଲୋକେ । ଏହାସହ ମଦ ଦୋକାନ କର୍ମଚାରୀଙ୍କୁ ଆକ୍ରମଣ କରି ତାଙ୍କୁ ଲହୁ ଲୁହାଣ କରିଦେଇଛନ୍ତି । ଗଣ୍ଡଗୋଳରେ ମୋଟ ୫ ଜଣ ଆହତ ହୋଇଛନ୍ତି । ମଦ ଦୋକାନ ଖୋଳାଯିବନି ବୋଲି ଗତକାଲି ପ୍ରଶାସନ ପ୍ରତିୃଶୃତି ଦେଇଥିଲା । ହେଲେ ଆଜି ସକାଳୁ ପୁଣି ଥରେ ମଦ ଦୋକାନ ଖୋଲିବାରୁ ଉତ୍ତେଜନା ଦେଖାଦେଇଥିଲା । ମଦ ଦୋକାନ ଉଚ୍ଛେଦ ଦାବିରେ ଗତକାଲି ଅଙ୍ଗୁଳାଇ ପଞ୍ଚାୟତବାସୀ ରାସ୍ତାରେ ଧାରଣା ଦେଇଥିବା ବେଳେ ମଦ ଦୋକାନ ନଖୋଲିବାକୁ ନେଇ ପ୍ରଶାସନର ପ୍ରତିଶୃତି ପରେ ଘଟଣାସ୍ଥଳରୁ ଉଠିଥିଲେ ।