Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଟିକା ବଣ୍ଟନ ପାଇଁ ୨୧ ଜଣିଆ ପରିଚାଳନା କମିଟି ଗଠନ, ସ୍ଵାସ୍ଥ୍ୟ ବିଭାଗର ନିର୍ଦ୍ଦେଶକ ହେଲେ ଅଧ୍ୟକ୍ଷ
  • ||
  • ୯୦ ପ୍ରତିଶତ ନଷ୍ଟ ହୋଇ ସାରିଥିଲା କରୋନା ସଂକ୍ରମିତ ବ୍ୟକ୍ତିଙ୍କ ଫୁସ୍‌ଫୁସ୍, ଇକମୋ ପଦ୍ଧତିରେ ସୁସ୍ଥ କଲେ ସମ୍ ଡାକ୍ତର
  • ||
  • ଦ୍ଵିତୀୟ ଲହର ସଂକ୍ରମଣର ଆଶଙ୍କା ନାହିଁ, ସୁସ୍ଥ ହୋଇ ଘରକୁ ଫେରିଲେ ୬୦୫ ଆକ୍ରାନ୍ତ
  • ||
  • ଡିସେମ୍ବର ୮ରେ କୃଷକଙ୍କ ଭାରତ ବନ୍ଦ ଡାକରା, ରାଜ୍ୟ କଂଗ୍ରେସର ସମର୍ଥନ ଘୋଷଣା
  • ||
  • ପଞ୍ଚମ ପର୍ଯ୍ୟାୟ କୃଷକ-ସରକାରଙ୍କ ଆଲୋଚନା ବିଫଳ, ଡିସେମ୍ବର ୯’ରେ ପୁଣି ବୈଠକ
  • ||
  • ସାଲେପୁର : ଷଣ୍ଢକୁ ଧକ୍କା ଦେବା ପରେ ହୁତୁ ହୁତୁ ହୋଇ ଜଳିଲା କାର୍, ଅଳ୍ପକେ ବର୍ତ୍ତିଲେ ୪ ଜଣ
  • ||
  • ଭୁବନେଶ୍ବର : ‘ପରୀ’ ହତ୍ୟାକାରୀକୁ ଧରାଇଦେଲେ ମିଳିବ ଲକ୍ଷେ ଟଙ୍କା
  • ||
  • ନୟାଗଡ : ଘର ବାଡିପଟୁ ମିଳିଲା ବୃଦ୍ଧଙ୍କ ମୃତଦେହ, ମୁଣ୍ଡ ଏବଂ ମୁହଁରେ ରହିଛି କ୍ଷତଚିହ୍ନ, ହତ୍ୟା ସନ୍ଦେହ
  • ||
  • ଯାଜପୁର : ଭୟାବହ ଅଗ୍ନିକାଣ୍ଡ, ୧୨ ବଖରା ଘର ସହ ଜଳିଗଲା ଲକ୍ଷାଧିକ ଟଙ୍କାର ସୁନା ଗହଣା
  • ||
  • ଢେଙ୍କାନାଳ : ବାଇକ୍‌କୁ ଧକ୍କା ଦେଲା କାର୍, ଆରୋହୀ ପିଟିହେଲେ ଟ୍ରକ୍‌ରେ, ଚାଲିଗଲା ଜୀବନ
  • ||

ନେପାଳରେ ଚୀନ୍‌ର ମନମୁଖି କାର୍ଯ୍ୟ ବିରୋଧରେ ତାତିଲେ ଜନତା, ବେଆଇନ ନିର୍ମାଣକୁ ବିରୋଧ କରି ବିକ୍ଷୋଭ ପ୍ରଦର୍ଶନ

23/09/2020 at 4:19 PM

କାଠମାଣ୍ଡୁ, ୨୩ ।୦୯:  ଚୀନ୍ ବିଭିନ୍ନ ଷଡଯନ୍ତ୍ର କରି ନେପାଳର ଅନେକ ଅଞ୍ଚଳକୁ କବଜା କରିବାକୁ ବସିଲାଣି । ନେପାଳ ସରକାର ଏହା ଦେଖି ମଧ୍ୟ ଚୁପ୍ ରହୁଛନ୍ତି । କୌଣସି ପ୍ରତିକ୍ରିୟା କିମ୍ବା ବିରୋଧ କରୁନାହାଁନ୍ତି । ତେବେ ଚୀନ୍‌ର ଏପରି ମନମୁଖୀ କାର୍ଯ୍ୟ ବିରୋଧରେ କାଠମାଣ୍ଡୁରେ ରାସ୍ତାକୁ ଓହ୍ଲାଇଛନ୍ତି ସାଧାରଣ ଲୋକେ । ଏହାସହ ଚୀନ ବିରୋଧରେ ନାରାବାଜି କରିଛନ୍ତି ।

ନେପାଳର ସାଧାରଣ ଜନତା  କାଠମାଣ୍ଡୁରେ ଥିବା ଚୀନ୍ ଦୂତାବାସ ଆଗରେ ବିରୋଧ ପ୍ରଦର୍ଶନ କରିଛନ୍ତି । ସୂଚନାଯୋଗ୍ୟ, ଚୀନ ନେପାଳର ହୁମଲା ଜିଲ୍ଲାରେ ବେଆଇନ ନିର୍ମାଣ କରୁଛି । ଏପରିକି ସୈନିକ ଭବନ ମଧ୍ୟ ତିଆରି କରୁଛି । ଏପରିକି ନେପାଳ ନାଗରିକଙ୍କ ପ୍ରବେଶ ଉପରେ ମଧ୍ୟ ରୋକ୍ ଲଗାଇଛି ।

ଏହି ଖବର ସାମ୍ନାକୁ ଆସିବା ପରେ ଲୋକଦେଖାଣିଆ ଭାବେ ନେପାଳ ସରକାର କିଛି କର୍ମଚାରୀଙ୍କୁ ସେଠାକୁ ପଠାଇଥିଲେ । ସେମାନେ ମଧ୍ୟ ଚୀନର ବେଆଇନ୍ ନିର୍ମାଣ କଥା ସରକାରଙ୍କୁ ଜଣାଇଥିଲେ ।

ତେବେ ଚୀନ୍ ଦାବି କରୁଛି ଯେ, ଯେଉଁ ସ୍ଥାନରେ ନିର୍ମାଣ କାର୍ଯ୍ୟ ଚାଲିଛି ତାହା ନିଜସ୍ୱ ଅଞ୍ଚଳ । କିନ୍ତୁ ସ୍ଥାନୀୟ ପ୍ରଶାସନ ଏହାକୁ ନେପାଳ ଅଞ୍ଚଳ ବୋଲି କହିଛି । ନେପାଳର କିଛି ଅଧିକାରୀ ସେହି ବେଆଇନ ନିର୍ମାଣସ୍ଥଳୀରେ ପହଁଚିବା ସହ ବନ୍ଦ କରିବାକୁ କହିଥିଲେ । କିନ୍ତୁ ଚୀନ୍ ସୈନ୍ୟ ଅଧିକାରୀ ଏହାକୁ ମାନି ନଥିଲେ । ଓଲଟା ନାଲିଆଖି ଦେଖାଇଥିଲେ । ଏପରିକି ନେପାଳରେ ଅବସ୍ଥାପିତ ଚୀନ ଦୂତାବାସ ମଧ୍ୟ ବେଆଇନ ନିର୍ମାଣକୁ ଖଣ୍ଡନ କରିଥିଲା ।

କିନ୍ତୁ ଚୀନର ବୟାନ ପରେ ନେପାଳୀ ଅସନ୍ତୁଷ୍ଟ ହୋଇ ପଡିଛନ୍ତି । ସେମାନେ ଚୀନର ଏପରି କାର୍ଯ୍ୟକଳାପକୁ କଡା ବିରୋଧ କରିବା ସହ ବିକ୍ଷୋଭ ପ୍ରଦର୍ଶନ ମଧ୍ୟ କରିଛନ୍ତି ।

   Related Posts