Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଚଣ୍ଡିଖୋଲ : ଅଜଣା ଗାଡି ଧକ୍କାରେ ହୋମ୍‌ଗାର୍ଡଙ୍କ ମୃତ୍ୟୁ
  • ||
  • କଳାହାଣ୍ଡି : ଏକତରଫା ପ୍ରେମରୁ ଗଲା ଜୀବନ, ଯୁବତୀଙ୍କ ଗଳା କାଟିଦେଲା ପ୍ରେମିକ, ଆକ୍ରମଣରେ ଯୁବତୀଙ୍କ ମା’ ମୃତ
  • ||
  • ଢେଙ୍କାନାଳ : ୩ଦିନ ହେଲା ଜଳୁଛି ଜଙ୍ଗଲ, ଲକ୍ଷ ଲକ୍ଷ ଗଛ ପୋଡି ପାଉଁଶ, ଭୟରେ ଜଙ୍ଗଲ ଛାଡି ପଳାଉଛନ୍ତି ବନ୍ୟଜନ୍ତୁ
  • ||
  • ଢେଙ୍କାନାଳ : କପିଳାଶ, ସପ୍ତଶଯ୍ୟା ଓ ମହିମା ଗାଦି ସମେତ ୬ଟି ପର୍ଯ୍ୟଟନସ୍ଥଳୀର ହେବ ସଂଯୋଗୀକରଣ
  • ||
  • ସ୍ୱିଜରଲାଣ୍ଡରେ ସର୍ବସାଧାରଣ ସ୍ଥାନରେ ବୁର୍ଖା ପିନ୍ଧିବା ମନା ! ମତଦାନ ଦ୍ୱାରା ନିଆଗଲା ନିଷ୍ପତ୍ତି
  • ||
  • ରାଫେଲ୍ ତିଆରି କରିଥିବା କମ୍ପାନୀର ମାଲିକ ମୃତ, ହେଲିକପ୍ଟର ଦୁର୍ଘଟଣାରେ ହାରିଲେ ଜୀବନ
  • ||
  • ଆଜିଠୁ ବଢିବ ତାତି, ଆଭ୍ୟନ୍ତରୀଣ ଓଡିଶାରେ ଅନୁଭୂତ ହେବ ଅସହ୍ୟ ଗରମ
  • ||
  • ଟିକା ନେବା ପରେ କୋଭିଡ୍ ପଜିଟିଭ୍ ହେଲେ ଭିଜିଲାନ୍ସ ଏସପି
  • ||

ଏଥର ରାଜ୍ୟର ବିବାହ ଭୋଜି ଓ ଉତ୍ସବରେ ମିଳିବ ମଦ-ଖୋଲିବ ଅସ୍ଥାୟୀ ମଦ କାଉଣ୍ଟର !

13/11/2019 at 8:24 PM

ଭୁବନେଶ୍ୱର ୧୩।୧୧ – ଅବକାରୀ କ୍ଷେତ୍ରରୁ ଅଧିକ ଟିକସ ନେବାକୁ ସରକାର ବାଟ ଫିଟାଇଛନ୍ତି। କିପରି ଓ କେଉଁ ବାଟରେ ରାଜସ୍ବ ବୃଦ୍ଧି କରାଯିବ ସେନେଇ ଯେମିତି ପୁରା କଳ ଲାଗିପଡିଛି। ଗୋଟିଏ ସପ୍ତାହରେ ଦୁଇ ଦୁଇଟି ଚିଠି ହିଁ ଏହା ପ୍ରମାଣିତ କରୁଛି।

ବିବାହ ଭୋଜିରେ ମକ୍‌ ଟେଲ୍‌ ପାର୍ଟି ଦେଖି କିଛି ଲୋକ ଅଲଗା ଅଲଗା ଚାହାଣିରେ ଚାହାନ୍ତି । ଆଉ କିଛି ଅନ୍ଦର ମହଲରେ ମାଲ ମହୁ ସେବନ କରିନ୍ତି। ଏବେ  ବିବାହ ଭୋଜି ହେଉକି ଉତ୍ସବ ମହୋତ୍ସବ ସେଠି ଖୋଲିବ ଟେମ୍ପରାରି ମଦ କାଉଣ୍ଟର। ଏହାକୁ ସରକାର ଦେବେ ପରମିଟ। ୭ ରେ ହୋଇଥିବା ଚିଠିରେ ନୂଆ ମଦ ଦୋକାନ ପାଇଁ ପ୍ରସ୍ତାବ ମାଗିଲେ । ଆଉ ଏହାର ଠିକ  ଦିନକ ପରେ ଅର୍ଥାତ ୮ ତାରିଖରେ ଆଉ ଏକ ଚିଠି ଲେଖାଯାଇଛି, ଯେଉଁଥିରେ ଉଲ୍ଲେଖ ରହିଛି କି, ଏବେ ମେଳା ମହୋତ୍ସବରେ ବି ଖୋଲିବ ମଦ କାଉଣ୍ଟର। ଏମିତି ନିର୍ଦ୍ଦେଶ ଦେଇଛି ଅବକାରୀ ବିଭାଗ। ସବୁ ଜିଲ୍ଲାପାଳଙ୍କ ନିକଟକୁ ଏନେଇ ଚିଠି ଲେଖିଛି ବିଭାଗ।

ରାଜ୍ୟରେ ମଦ ଦୋକାନ ବନ୍ଦ କରିବାକୁ ଦାବି କରୁଥିବା ସଙ୍ଗଠନଗୁଡ଼ିକ ଆଶ୍ଚର୍ଯ୍ୟ । ଯେଉଁଠି ଆନ୍ଧ୍ରପ୍ରଦେଶ ମଦ ଦୋକାନରୁ ଆଖିଦୃଶିଆ ରାଜସ୍ବ ପାଉଥିବା ସତ୍ତ୍ବେ ଏବେ ଧିରେ ଧିରେ ସେଗୁଡ଼ିକୁ ବନ୍ଦ କରିବାରେ ଲାଗିଛନ୍ତି, ଓଡ଼ିଶା ସରକାର ମଦକୁ ସାମାଜିକ ଚଳଣିରେ ଭର୍ତ୍ତି କରିବାକୁ ଚାହୁଁଛନ୍ତି ।  ଆସନ୍ତା କାଲି ଅବକାରୀ ମନ୍ତ୍ରୀଙ୍କ ବାସଭବନ ଘେରାଓ କରିବାକୁ ନିଷ୍ପତ୍ତି ନେଇଛନ୍ତି କିଛି ସଂଗଠନ ।ରାଜରାସ୍ତାକୁ ଓହ୍ଲାଇବାକୁ ଚେତାବନୀ ଦେଇଛନ୍ତି।

-ଏପଟେ ବିରୋଧୀ ସରାକରଙ୍କୁ ସମାଲୋଚନା କରିଛନ୍ତି। ବିଧାନସଭାରେ ଏ ପ୍ରସଙ୍ଗ ଉଠାଇବେ ବୋଲି କହିଛନ୍ତି ବିରୋଧୀ ଦଳ ଉପନେତା ବିଷ୍ଣୁ ସେଠୀ ଏହାକୁ ସମାଲୋଚନା କରିଛନ୍ତି। କଂଗ୍ରେସ ବିଧାୟକ ତାରା ପ୍ରସାଦ ବାହିନୀପତି ବି ଏହାକୁ ନାପସନ୍ଦ କରିଛନ୍ତି।

୫ ତାରିଖରେ ୨୦୧୯-୨୦ ବର୍ଷରେ ସବୁ ଜିଲ୍ଲାପାଳଙ୍କୁ ଠିପି ବନ୍ଦ ବିଦେଶୀ ମଦ ଦୋକାନ ଖୋଲିବାକୁ  ପ୍ରପୋଜାଲ ଦେବା ଲାଗି ସରକାର ନିର୍ଦ୍ଦେଶ ଦେଇଛନ୍ତି । କେଉଁ ଗାଁ, ଛକ, କେଉଁ ଓ୍ବାର୍ଡ, କେଉଁ ମ୍ୟୁନିସିପାଲଟିରେ ମଦ ଦୋକାନ ଖୋଲି ହେବ ତାର ପ୍ରସ୍ତାବ ଦେବାକୁ କୁହାଯାଇଛି।  ତେଣୁ ଏବେ ଆଉ ଲୁଚାଇବାକୁ କିଛି ନାହିଁ । ଆଗକୁ କେଉଁଠି କେଉଁଠି କାଉଁଟର ଖୋଲିବ ଆପଣ ଭାବିନିଅନ୍ତୁ ।

   Related Posts