Monday, April 22, 2019

News7

Prameya News7, News7 Odia, Odisha Latest News, Odisha Current Headlines, Odisha News Online

ଭାଲେଣ୍ଟାଇନ୍ ଡେ’ ବିବାଦ : ସୀମା ଡେଇଁଲେ ଭଲ ହେବନି-କଳିଙ୍ଗ ସେନା, ଆଇନ ହାତକୁ ନେଲେ ଭଲ ହେବନି-ପୋଲିସ

ଭୁବନେଶ୍ବର ୧୧|୨: ଚାଲିଛି ଭାଲେଣ୍ଟାଇନ ଡେ ସପ୍ତାହ । ଯୁବପିଢି ଲାଗିଛନ୍ତି ଏହି ଉତ୍ସବ ପାଳନରେ । ପ୍ରଥମେ  ରୋଜ ଡେ ତାପରେ ପ୍ରପୋଜ ଏହାପରେ ଚକୋଲେଟ୍ ଓ ଟେଡି ଡେ’ ଆଜି ହେଉଛି ପ୍ରମିସ ଡେ । ଆଗକୁ ଆସୁଛି ଭାଲେଣ୍ଟାଇନ ଡେ । ଯାହାକୁ ବିରୋଧ କରିଛି କଳିଙ୍ଗ ସେନା ।

ସମସ୍ତଙ୍କୁ ଭଲ ପାଇବା କିଛି ଖରାପ ନୁହେଁ କିନ୍ତୁ ଭଲପାଇବାରେ ନଗ୍ନତା ଓ ଅଶ୍ଳିଳତା ରହିଲେ ତାହା ସମାଜ ପାଇଁ କ୍ଷତିକାରକ । ପାଶ୍ଚାତ ସଭ୍ୟତା ଅନୁସରଣରେ ଏବେ ଚାଲିଛି ଭାଲେଣ୍ଟାଇନ ସପ୍ତାହ । ରୋଜ ଡେରୁ ଆରମ୍ଭ ହୋଇଥିବା ଏହି ପର୍ବ ପ୍ରମିସ ଡେ ରେ ପହଁଚିଛି । ଯାହାକୁ ବିରୋଧ କରିଛି କଳିଙ୍ଗ ସେନା । ରାଜଧାନୀରେ ବହୁ ଯୁବକ ଯୁବତୀ ଏହି ପ୍ରଥାକୁ ଆପଣେଇ ନେଇ ଜଣେ ଅନ୍ୟ ଜଣକୁ ଗିଫ୍ଟ ଦେବାକୁ ଭୁଲୁନାହିଁ । କଳିଙ୍ଗ ସେନାର କହିବା କଥା ସୀମା ମଧ୍ୟରେ ରହି ଏହାକୁ ପାଳନ କଲେ କିଛି କ୍ଷତି ନାହିଁ । କିନ୍ତୁ ଉତ୍ସୃଙ୍ଖଳ ହୋଇ ଯୁବ ପିଢି ଯେଉଁଭଳି ଭାଲେଣ୍ଟାଇନ ସପ୍ତାହ ପାଳନ କରୁଛନ୍ତି ତାହାକୁ ବିରୋଧ କରୁଛି କଳିଙ୍ଗ ସେନା ।

ସେପଟେ ଏଭଳି ଧମକ ଦେଉଥିବା ସଂଗଠନ ଉପରେ କଡା ନଜର ରଖିଛି  କମିସନରେଟ ପୋଲିସ । କୌଣସି ସଂଙ୍ଗଠନ ଶାନ୍ତିପୂର୍ଣ୍ଣ ଭାବେ ବିରୋଧ ପ୍ରଦର୍ଶନ କରନ୍ତି ତାହାଲେ କିଛି ଅସୁବିଧା ନାହିଁ । କିନ୍ତୁ କୌଣସି ସଙ୍ଗଠନ ଯଦି ଆଇନକୁ ହାତକୁ ନେଇ ଭଙ୍ଗାରୁଜା କିମ୍ବା କୌଣସି ଲୋକଙ୍କ କ୍ଷତି କରନ୍ତି ତେବେ ସେମାନଙ୍କ ବିରୁଦ୍ଧରେ ଆଇନ ଅନୁଯାଇ କାର୍ଯ୍ୟାନୁଷ୍ଟାନ ହେବ ବୋଲି କହିଛନ୍ତି ପୋଲିସ କମିଶନର ସତ୍ୟଜିତ ମହାନ୍ତି ।

ଆସନ୍ତା ୧୪ ତାରିଖରେ ଭାଲେଣ୍ଟାଇନ ଡେ । ଏହା ପୁର୍ବରୁ ହଗ ଡେ ଓ କିସଡେ ମଧ୍ୟ ପାଳନ କରାଯିବ । ଏହା ଉପରେ ନଜର ରଖିଛି କଳିଙ୍ଗ ସେନା ।

208 Views

   ସମ୍ବନ୍ଧିତ ଖବର