Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୯୦୧ ଛୁଇଁଲା ମୃତକଙ୍କ ସଂଖ୍ୟା
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୩୪ କୋଭିଡ୍ ସଂକ୍ରମିତ, ୩୩୩୪୪୪ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଲକ୍ଷ୍ନୌ : ଟ୍ରାକ୍‌ରୁ ଖସିଲା ଟ୍ରେନ୍‌, ଶହିଦ ଏକ୍ସପ୍ରେସ୍‌ର ୨ଟି ବଗି ଲାଇନ୍‌ଚ୍ୟୁତ
  • ||
  • କେନ୍ଦୁଝର : ସ୍ତ୍ରୀକୁ ପିଟିପିଟି ମାରିଦେଲା ସ୍ବାମୀ, ଅଭିଯୁକ୍ତ ଅଟକ
  • ||
  • ଖସୁଛି କରୋନା ଗ୍ରାଫ୍‌, ଦେଶରେ ଗତ ୨୪ଘଣ୍ଟାରେ ୧୩,୭୮୮ କୋଭିଡ଼ ସଂକ୍ରମିତ ଚିହ୍ନଟ
  • ||
  • ଭୁବନେଶ୍ୱର : ବିଶିଷ୍ଟ ଶ୍ରମିକ ନେତା ଲଳିତ ନାୟକଙ୍କ ପରଲୋକ
  • ||
  • କେନ୍ଦୁଗୁଡ଼ା ଘାଟିରେ ଓଲଟିଲା ଟୁରିଷ୍ଟ ବସ୍ : ଜଣେ ମୃତ , ୧୦ ରୁ ଅଧିକ ଆହତ
  • ||

ରାଜ୍ୟସଭା ପ୍ରାର୍ଥୀ ଚର୍ଚ୍ଚାକୁ ସିଧାସିଧା ଖଣ୍ଡନ କଲେ ପ୍ରଫେସର ମନୋଜ ରଞ୍ଜନ ନାୟକ : କହିଲେ, ‘ରାଜନୀତିରେ ପ୍ରବେଶ କରିବାର ପ୍ରଶ୍ନ ଉଠୁନାହିଁ’

6/03/2020 at 1:44 PM

ଭୁବନେଶ୍ବର ୦୬।୦୩: ରାଜ୍ୟସଭା ରେସ୍‌ରେ ନାହାନ୍ତି ଶିକ୍ଷା ଅନୁସନ୍ଧାନ ଡିମ୍‌ଡ ବିଶ୍ବବିଦ୍ୟାଳୟ ତଥା ସମ୍‌ ହସ୍ପିଟାଲ ପ୍ରତିଷ୍ଠାତା ବିଶିଷ୍ଟ ଶିକ୍ଷାବିତ୍ ପ୍ରଫେସର ମନୋଜରଞ୍ଜନ ନାୟକ । କିଛି ଗଣମାଧ୍ୟମରେ ପ୍ରକାଶିତ ଏସଂପର୍କିତ ଖବର ଉପରେ ଖୋଦ୍‌ ପ୍ରଫେସର ମନୋଜ ରଞ୍ଜନ ନାୟକ ଟାଣିଛନ୍ତି ପୂର୍ଣ୍ଣଚ୍ଛେଦ ।

ଶୁକ୍ରବାର ରାଜ୍ୟର ୪ଟି ରାଜ୍ୟସଭା ଆସନ ଲାଗି ବିଜ୍ଞପ୍ତି ଜାରି ହେବାର ଯଥେଷ୍ଟ ପୂର୍ବରୁ ଗଣମାଧ୍ୟମରେ ପାରମ୍ପରିକ ଭାବେ ସାମ୍ଭବ୍ୟ ରାଜ୍ୟସଭା ପ୍ରାର୍ଥିଙ୍କ ନେଇ ଖବର ବାହାରୁଛି । ତେବେ କିଛି ନିର୍ଦ୍ଦିଷ୍ଟ ଗଣମାଧ୍ୟମରେ ପ୍ରଫେସର ମନୋଜରଞ୍ଜନ ନାୟକ ରାଜ୍ୟସଭା ପ୍ରାର୍ଥୀ ହେଉଥିବା ପ୍ରକାଶ ପାଇଥିଲା ବେଳେ ସ୍ବାଭାବିକ ଭାବେ ଚର୍ଚ୍ଚା ବି ବଢିଥିଲା । କିନ୍ତୁ ପ୍ରଫେସର ମନୋଜ ରଞ୍ଜନ ନାୟକ ଏଭଳି ଖବରକୁ ଭିତ୍ତିହୀନ ଓ ଅମୂଳକ ତଥା ମନଗଢା ବୋଲି କହି ଖଣ୍ଡନ କରିଛନ୍ତି । ଏହାସହ ସେ ସ୍ପଷ୍ଟ  କରି ଦେଇଛନ୍ତି ଯେ, “ ରାଜନୀତି ପ୍ରତି ତାଙ୍କର କେବେ ଆଗ୍ରହ ନଥିଲା କିମ୍ବା ଏବେ ମଧ୍ୟ ନାହିଁ । ”  ତେଣୁ ରାଜ୍ୟସଭା ପ୍ରାର୍ଥି ହେବା ଚିନ୍ତା ସେ କିପରି କରିବେ ବୋଲି ଓଲଟା ପ୍ରଶ୍ନ ମଧ୍ୟ କରିଛନ୍ତି ।

ରାଜନୀତି ପ୍ରତି ସଂପୂର୍ଣ୍ଣ ଅନାଗ୍ରହୀ ପ୍ରଫେସର ମନୋଜ ରଞ୍ଜନ ନାୟକ ଆହୁରି କହିଛନ୍ତି , “ ମୋର ଲକ୍ଷ୍ୟ ହେଲା ଶିକ୍ଷା ଓ ଅନୁସନ୍ଧାନ (ସୋଆ) ବିଶ୍ବବିଦ୍ୟାଳୟର ଛାତ୍ରଛାତ୍ରୀଙ୍କ ଉଜ୍ବଳ ଓ ସୁରକ୍ଷିତ ଭବିଷ୍ୟତ ଏବଂ ରାଜ୍ୟବାସୀଙ୍କ ଲାଗି ଉତ୍ତମ ସ୍ବାସ୍ଥ୍ୟସେବା ତଥା ଚିକିତ୍ସା ବ୍ୟବସ୍ଥା ” ।

ଗଣମାଧ୍ୟମ ବିଶେଷକରି ସାମାଜିକ ଗଣାମଧ୍ୟମରେ ପ୍ରଫେସର ମନୋଜ ରଞ୍ଜନ ନାୟକ ରାଜ୍ୟସଭା ପ୍ରାର୍ଥୀ ହେଉଥିବା ବା ଆଶାୟୀ ତାଲିକାରେ ଥିବା ପ୍ରକାଶ ପାଇଆସୁଥିଲା । ଏପିରିକି ରାଜ୍ୟସଭାର ୪ର୍ଥ ଆସନ ପାଇଁ ପ୍ରଫେସର ନାୟକ ବିଜେଡି ଏବଂ ବିଜେପିର ମିଳିତ ପ୍ରାର୍ଥି ହେଉଥିବା ଚର୍ଚ୍ଚା  ହେଉଥିଲା । ଗତ ଫେବୃଆରୀ ୨୯ତାରିଖରେ ଅନୁଷ୍ଠିତ ଅତ୍ୟାଧୁନିକ ତଥା ସୁପରସ୍ପେସିଆଲିଟି ହସ୍ପିଚାଲ “ସମ୍ ଅଲଟିମେଟ୍ ମେଡିକେୟାର (SUMUM)”ର ଲୋକର୍ପଣ ଉତ୍ସବ । ସେହି ଉତ୍ସବରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ, କେନ୍ଦ୍ର ସ୍ବରାଷ୍ଟ୍ର ମନ୍ତ୍ରୀ ଅମିତ ଶାହା , ପେଟ୍ରୋଲିୟମ୍ , ପ୍ରାକୃତିକ ଗ୍ୟାସ୍‌ ଓ ଇସ୍ପାତ ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଅତିଥି ହୋଇଥିଲେ । ଶାସକ ବିଜେଡି ସହ ବିଜେପିର ତୁଙ୍ଗନେତା ଏହି ଉତ୍ସବରେ ସାମିଲ ହୋଇଥିବାରୁ ଉଭୟ ଦଳ ସହ ପ୍ରଫେସର ନାୟକଙ୍କ ସୁସଂପର୍କର ଯୁକ୍ତି ରଖି କିଛି ଗଣମାଧ୍ୟମ ରାଜ୍ୟସଭା ନିର୍ବାଚନର ପ୍ରାର୍ଥୀତ୍ବକୁ ଯୋଡିଥିଲେ । ମାର୍ଚ୍ଚ ୨୬ରେ ରାଜ୍ୟସଭା  ନିର୍ବାଚନରେ ପ୍ରଫେସର ମନୋଜ ରଞ୍ଜନ ନାୟକ ପ୍ରାର୍ଥି ହେବେ ବୋଲି ଖବର ପ୍ରକାଶ କରିଥିଲେ । ତେବେ ପ୍ରଫେସର ନାୟକ ଏହାକୁ ରୋକ୍‌ଠୋକ୍‌ ନା କହିବା ସହ ରାଜନୀତିରେ ଯୋଗଦେବାର ପ୍ରଶ୍ନ ଉଠୁନାହିଁ ବୋଲି କହିଛନ୍ତି ।  

   Related Posts