Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • JEE ମେନ୍ ରେଜଲ୍ଟ ପ୍ରକାଶିତ
  • ||
  • ଦେଶର ୪ଟି ସ୍ଥାନରେ ପ୍ରତିଷ୍ଠା ହେବ ଜାତୀୟ ଭୂତାଣୁ ବିଜ୍ଞାନ ସଂସ୍ଥାନ, ଭୁବନେଶ୍ଵରରେ ପ୍ରତିଷ୍ଠା କରିବାକୁ ସ୍ଵାସ୍ଥ୍ୟ ମନ୍ତ୍ରୀଙ୍କୁ ଚିଠି ଲେଖିଲେ ଧର୍ମେନ୍ଦ୍ର
  • ||
  • ବଦଳିଲେ ପୋଲିସ କମିଶନର, ସୁଧାଂଶୁଙ୍କ ଜାଗା ନେଲେ ସୌମେନ୍ଦ୍ର ପ୍ରିୟଦର୍ଶୀ
  • ||
  • ବ୍ରହ୍ମପୁର : ଜମିଜମା ବିବାଦରୁ ବିଧବା ମହିଳାଙ୍କୁ ବୀଭତ୍ସ ହତ୍ୟା
  • ||
  • କଟକ : SCBରେ ମହିଳା ରୋଗୀଙ୍କ ଉପରେ ଖସିପଡିଲା ଫ୍ୟାନ୍, ଆଇସିୟୁରେ ଭର୍ତ୍ତି
  • ||
  • ଭୁବନେଶ୍ବର : ଆନ୍ତର୍ଜାତୀୟ ମହିଳା ଦିବସରେ ବିଜେଡିର ମହିଳା ସମାବେଶ, ମୁଖ୍ୟମନ୍ତ୍ରୀ କହିଲେ ମା’ମାନେ ଆଜନ୍ମ ନେତ୍ରୀ
  • ||
  • ଭୁବନେଶ୍ବର : ଗଠନ ହେଲା ୯ଜଣିଆ ଟାସ୍କ ଫୋର୍ସ, ଆୟତ୍ତ କରିବେ ନିଆଁ
  • ||
  • ବଲାଙ୍ଗିର : ରକ୍ତ ପାଇଁ ଗଲା ଜୀବନ ! ରୋଗୀ ମୃତ୍ୟୁକୁ ନେଇ ମେଡିକାଲରେ ଉତ୍ତେଜନା
  • ||
  • ସମ୍ବଲପୁର : ଜଙ୍ଗଲକୁ ଗଲେ ଠିକଣା ରଖିବ ବନ ବିଭାଗ, ନିଆଁ ଲଗାଇଥିବା ବ୍ୟକ୍ତିଙ୍କ ସମ୍ପର୍କରେ ସୂଚନା ଦେଲେ ମିଳିବ ୫ହଜାର
  • ||
  • ସୁନ୍ଦରଗଡ : ବାଲି ଗଦାରୁ ମହିଳାଙ୍କ ମୃତଦେହ ଉଦ୍ଧାର, ହତ୍ୟା କରି ଫିଙ୍ଗି ଦେଇଥିବା ସନ୍ଦେହ
  • ||

ବିଦ୍ୟୁତ ଦର ବଢ଼ାଇବାକୁ କସରତ୍ : ୟୁନିଟ୍ ପିଛା ୭ ପଇସା ବୃଦ୍ଧି ପାଇଁ ଓଏଚ୍‌ପିସିର ଦାବି, ଯୁକ୍ତି ସହ ବିରୋଧ କଲେ ଉପଭୋକ୍ତ ସଂଘ ଓ ଯନ୍ତ୍ରୀ

3/02/2020 at 7:27 PM

ଭୁବନେଶ୍ବର୩/୨: ବିଜୁଳି ବିଭ୍ରାଟ ଥମୁନି। ଅସନ୍ତୋଷ ବି ଯାଉନି। ତଥାପି ଉପଭୋକ୍ତାଙ୍କ ଉପରେ ବିଜୁଳି ବୋଝ ବଢ଼ିବା ଆଶଙ୍କା ଟଳୁ ନାହିଁ। କାରଣ ଲୋକଙ୍କୁ ୨୪ ଘଣ୍ଟା ନିରନ୍ତର ବିଜୁଳି ମିଳୁକି ନ ମିଳୁ, କିନ୍ତୁ କମ୍ପାନୀ ବିଜୁଳି ଦର ବୃଦ୍ଧି ଲାଗି ଦାବି କରୁଛି। ଓଇଆରସି ଶୁଣାଣିର  ପ୍ରଥମ ଦିନରେ ଓଏଚ୍‌ପିସି ୟୁନିଟ ପିଛା ୭ ପଇସା ବଢ଼ାଇବାକୁ ଦାବି କରିଛି। କିନ୍ତୁ ଉପଭୋକ୍ତା ସଂଘ ଏବଂ ପୂର୍ବତନ ଯନ୍ତ୍ରୀ ମାନେ ଏହି ଦରବୃଦ୍ଧିକୁ ବିରୋଧ କରିଛନ୍ତି । ଏହି ଶୁଣାଣି ୧୪ ତାରିଖ ଯାଏଁ ଚାଲିବ।

ଉତ୍ପାଦନ ଖର୍ଚ୍ଚ ବଢ଼ିଲାଣି ତେଣୁ ବିଜୁଳି ଦର ବଢ଼ାଅ । ବିଜୁଳି ଶୁଣାଣିର ପ୍ରଥମ ଦିନରେ ଓଡ଼ିଶା ଜଳ ବିଦ୍ୟୁତ ନିଗମ- ଓଏଚ୍‌ପିସି ଦରବୃଦ୍ଧି ନେଇ ତାର ପକ୍ଷ ରଖିଛି । ଯୁକ୍ତି ବାଢ଼ିଛି ଯେ, ବିଦ୍ୟୁତ ଉତ୍ପାଦନ ଜନିତ ଖର୍ଚ୍ଚ ବଢ଼ିବାରେ ଲାଗିଛି । ଚଳିତ ବର୍ଷ ଓଏଚ୍‌ପିସି ୫୬୦୨ ୟୁନିଟ ବିଦ୍ୟୁତ ଶକ୍ତି ଉତ୍ପାଦନ କରି ସରକାରଙ୍କୁ ବିକ୍ରି କରିବ। ସେଥିପାଇଁ ଖର୍ଚ୍ଚ ହେବ ୫୩୬କୋଟି ଟଙ୍କ​‌। । ଏବେ ଓଏଚ୍‌ପିସି ୟୁନିଟ ପିଛା ୮୮ପଇସାରେ ବିଜୁଳି ବିକୁଥିବା ବେଳେ ବର୍ତ୍ତମାନ ୯୫ ପଇସାକୁ ବୃଦ୍ଧି କରିବାକୁ ଦାବି କରିଛି ।

ଓଏଚ୍‌ପିସିର ଯୁକ୍ତିକୁ କିନ୍ତୁ ଉପଭୋକ୍ତା ସଂଘ ତୀବ୍ର ବିରୋଧ କରିଛି । ରାଜ୍ୟ ସରକାରଙ୍କ ଅଧୀନରେ ଥିବା ଓଏଚ୍‌ପିସି ଲାଭଜନକ ସଂସ୍ଥା । ଓଏଚ୍‌ପିସି ଲାଭ ବାବଦରେ ଗତ ବର୍ଷ ୩୩ କୋଟି ଟଙ୍କା ପ୍ରଦାନ କରିଥିଲା । ଏପରିକି ଏବେ ୬୬୬କୋଟି ଟଙ୍କା ବ୍ୟାଙ୍କରେ ଜମା ରହିଛି ।

ଏହାସହ ଓଏଚ୍‌ପିସି ୨ହଜାର ମେଗାୱାଟ୍‌ ବିଦ୍ୟୁତ୍‌ ଶକ୍ତି ଉତ୍ପାଦନ କରିବା କ୍ଷମତା ଥିଲେ ମଧ୍ୟ ଏବେ ମାତ୍ର ୪୭୦ ମେଗାୱାଟ୍‌ ଉତ୍ପାଦନ କରୁଛି । ଏପଟେ ଖରାପ ହୋଇପଡିଥିବା ୟୁନିଟ୍‌ ଗୁଡିକୁ ଓଏଚ୍‌ପିସି  ନ ସଜାଡି ଓପଜିସି ସହ ମିଶି ଥର୍ମାଲ ପାଓ୍ବାର୍‌ ୟୁନିଟ ଖୋଲିବାକୁ ଯୋଜନା କରୁଛି । ତେଣୁ ଓଏଚ୍‌ପିସି ୟୁନିଟ ପିଛା ୮ ପଇସା କମାଇବା ପାଇଁ ଯୁକ୍ତି ବାଢ଼ିଛି ବିଦ୍ୟୁତ ଉପଭୋକ୍ତା ସଂଘ

 ଦୁଇବର୍ଷ ଧରି ରାଜ୍ୟରେ ବିଦ୍ୟୁତ୍‌ ଦର ବଢ଼ିନାହିଁ । ଚଳିତ ବର୍ଷ ଦରବୃଦ୍ଧି କରିବାକୁ ସରକାର ଚିନ୍ତା କରୁଛନ୍ତି । ଏବେ ସରକାର ଗ୍ରାହକଙ୍କ ଠାରୁ ବିଦ୍ୟୁତ ଶୁଳ୍କ ବାବଦରେ ୧୩ଶହ କୋଟି ଟଙ୍କା ଆଦାୟ କରୁଥିବାରୁ ଗ୍ରାହକମାନଙ୍କୁ ୨ଶହ ୟୁନିଟ୍‌ ବିଦ୍ୟୁତ ମାଗଣାରେ ଯୋଗାଇ ଦେବାକୁ ଦାବି ଜୋର ଧରିଲାଣି।

   Related Posts