Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ୱର : ରାଜ୍ୟରେ ଆଉ ୫ କରୋନା ସଂକ୍ରମିତ ପ୍ରାଣ ହରାଇଲେ, ୧୭୩୯ରେ ପହଞ୍ଚିଲା ମୃତକଙ୍କ ସଂଖ୍ୟା
  • ||
  • ଭୁବନେଶ୍ୱର : ରାଜ୍ୟରେ ଚିହ୍ନଟ ହେଲେ ୪୧୮ କରୋନା ସଂକ୍ରମିତ, ୩୧୮୭୨୫ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଆଜି ପ୍ରଧାନମନ୍ତ୍ରୀଙ୍କ ‘ଟିକା’ ସମୀକ୍ଷା, ଭ୍ୟାକସିନ୍ ବିକାଶରେ ଲାଗିଥିବା ୩ କମ୍ପାନୀ ସହ ଆଲୋଚନା
  • ||
  • ଆସନ୍ତାକାଲିଠୁ ପ୍ରସିଦ୍ଧ କୋଣାର୍କ ମହୋତ୍ସବ: କୋଭିଡ଼ କଟକଣା ମଧ୍ୟରେ ପାଳିତ ହେବ ଉତ୍ସବ
  • ||
  • ଆଜି ପବିତ୍ର କାର୍ତ୍ତିକ ପୂର୍ଣ୍ଣିମା : ଡଙ୍ଗା ଭସା ଉପରେ ରୋକ , କୋଭିଡ କଟକଣା ଯୋଗୁଁ ଉତ୍ସବ ଫିକା
  • ||
  • କମିବାରେ ଲାଗିଛି କରୋନା ପ୍ରଭାବ, ସୁସ୍ଥ ହୋଇ ଘରକୁ ଫେରିଲେ ଆଉ ୭୦୭ ଆକ୍ରାନ୍ତ
  • ||

ବିଶ୍ବ ଐତିହ୍ୟ ସହର ହେବ ଶ୍ରୀକ୍ଷେତ୍ର, ଶ୍ରୀ ସେତୁ ପାଇଁ ଆରମ୍ଭ ହେଲା ପ୍ରକ୍ରିୟା

23/12/2019 at 6:54 PM

ପୁରୀ ୨୩।୧: ଶ୍ରୀକ୍ଷେତ୍ର ବିଶ୍ବ ଐତିହ୍ୟ ସହର ହେବ । ଏଥିପାଇଁ ପୁରୀରେ ଉଛେଦ ପ୍ରକ୍ରିୟା ଜାରି ରହିଛି । ସେହିପରି ଶ୍ରୀ ସେତୁ ପାଇଁ ପ୍ରଶାସନ ପକ୍ଷରୁ ଆରମ୍ଭ ହୋଇଛି ପ୍ରକ୍ରିୟା । ଜମି ଅଧିଗ୍ରହଣ ପ୍ରକ୍ରିୟାକୁ ନେଇ ଜାରି ହୋଇଛି ବିଜ୍ଞପ୍ତି । ଏହାସହ ଏସଆଇଏ ସର୍ବେକ୍ଷଣ ଆରମ୍ଭ କରାଯାଇଛି ।

ଶ୍ରଦ୍ଧାଳୁ ମାନେ ଆଉ ଗାଡ଼ି ଧରି ଶ୍ରୀକ୍ଷେତ୍ର ଭିତରକୁ ପ୍ରବେଶ କରିବେ ନାହିଁ। ଶ୍ରୀସେତୁ ଦେଇ ସିଧାସଳଖ ମଙ୍ଗଳାଘାଟ ଛକରୁ ଜଗନ୍ନାଥ ବଲ୍ଲଭରେ ପହଞ୍ଚିବେ। ତେଣୁ ଏବେ ଶ୍ରୀସେତୁ ପାଇଁ ପ୍ରଶାସନ ପକ୍ଷରୁ ପ୍ରକ୍ରିୟା ଆରମ୍ଭ ହୋଇଛି । ରାଜ୍ୟ ସରକାର ଅବଢ଼ାର ଯୋଜନାରେ ୧୯ କୋଟି ଟଙ୍କା ଆର୍ଥିକ ଅନୁଦାନ ଦେଇ ସାରିଛନ୍ତି।

ସେହିପରି ରାଜ୍ୟ ସରକାରଙ୍କ ପକ୍ଷରୁ ଶ୍ରୀସେତୁ ପ୍ରକଳ୍ପ ପାଇଁ ଜମି ଅଧିଗ୍ରହଣ ପ୍ରକ୍ରିୟାକୁ ନେଇ ଜାରି ହୋଇଛି ବିଜ୍ଞପ୍ତି । ପ୍ରକଳ୍ପ ପାଇଁ ବିଜ୍ଞପ୍ତି ପ୍ରକାଶିତ ଦିବସ ଠାରୁ ୪୫ ଦିନ ମଧ୍ୟରେ ଏସଆଇଏ ସର୍ବେକ୍ଷଣ ଶେଷ କରାଯିବ । କ୍ଷେତ୍ର ପରିଦର୍ଶନ ସହ ପ୍ରଭାବିତ ବ୍ୟକ୍ତଙ୍କ ସହ ଆଲୋଚନା କରାଯିବ । ଏହାସହ ଶତକଡ଼ା ୨୫ ଭାଗ ପ୍ରଭାବିତଙ୍କ ସହ ଗ୍ରାମସଭାରେ ଶୁଣାଣି କରାଯିବ । 

ଶ୍ରୀସେତୁଟି ଟ୍ରମ୍ପେଟ ବ୍ରିଜ ଡ଼ିଜାଇନରେ କରାଯିବ। ସବୁଦାୟ ୩୪ ଏକର ୨୪୬ ଡ଼ିସିମିଲ ବେସରକାରୀ ଏବଂ  ୩ ଏକର ୭୩୮ ଡ଼ିସିମିଲ ସରକାରୀ ଜମି ଅଧିଗ୍ରହଣ ପାଇଁ ବିଜ୍ଞପ୍ତି ଲଗାଯାଇଛି । ତେବେ ଏହି ପ୍ରକଳ୍ପ ପାଇଁ ବିସ୍ଥାପିତ ହେଉଥିବା ଲୋକେ କିଭଳି ଥଇଥାନ ହେବେ ଓ ସେମାନଙ୍କୁ ସରକାର କଣ ଆର୍ଥିକ ଅନୁଦାନ ଦେବେ ତାକୁ ନେଇ ଚିନ୍ତାରେ ସମସ୍ତେ । ସରକାରଙ୍କ ଏହି ବିକାଶମୂଳକ କାର୍ଯ୍ୟକୁ ବିସ୍ଥାପିତମାନେ ସ୍ବାଗତ କରିଥିବା ବେଳେ ଆଗ ଥଇଥାନ କରାଯାଉ ବୋଲି ଦାବି ଜଣାଇଛନ୍ତି ।

ଗୋଟିଏ ପରେ ଗୋଟିଏ ପ୍ରକଳ୍ପ ଆରମ୍ଭ କରିବାକୁ ଚାଲିଛି ଉଛେଦ । ଏବେ ସହର ଭିତରୁ ଉଛେଦ ପରେ ସହର ବାହାରେ ଶ୍ରୀସେତୁ ପ୍ରକଳ୍ପକୁ ନେଇ ହେବ ଉଚ୍ଛେଦ ।

   Related Posts