ପାଟନା, ୧୬|୧୧: ବିହାରରେ ରାଜନୈତିକ ବାତାବରଣ ସରଗରମ ରହିଛି । ଗୋଟିଏ ପଟେ ନୀତିଶ କୁମାରଙ୍କ ନେତୃତ୍ୱରେ ଏନଡିଏ ସରକାର ଗଠନ କରିବାକୁ ଯାଉଛି । ଅନ୍ୟପଟେ କଂଗ୍ରେସ-ଆରଜେଡି-ସିପିଏମକୁ ନେଇ ଗଠିତ ମହାମେଣ୍ଟରେ କନ୍ଦଳ ଆରମ୍ଭ ହୋଇଯାଇଛି । ଆରଜେଡିର ବରିଷ୍ଠ ନେତା ଶିବାନନ୍ଦ ତିଓ୍ୱାରୀ ଏବେ କଂଗ୍ରେସକୁ କଡା ଭାଷାରେ ସମାଲୋଚନା କରିଛନ୍ତି । ସେ କହିଛନ୍ତି ଯେ, ରାହୁଲ ଗାନ୍ଧୀଙ୍କ କାର୍ଯ୍ୟଶୈଳୀ ପାଇଁ ବିଜେପିକୁ ଫାଇଦା ମିଳିଛି ।
ଶିବାନନ୍ଦ ତିଓ୍ୱାରୀ କହିଛନ୍ତି ଯେ, କଂଗ୍ରେସ ମହାମେଣ୍ଟ ପାଇଁ ଅଡୁଆ ବଢାଇଥିଲା । ଦଳ ତରଫରୁ ୭୦ ଜଣ ପ୍ରାର୍ଥୀ ମଇଦାନକୁ ଓହ୍ଲାଇଥିଲେ । କିନ୍ତୁ ୭୦ଟି ରାଲି ମଧ୍ୟ ହୋଇନଥିଲା । ରାହୁଲ ଗାନ୍ଧୀ ବିହାରକୁ କେବଳ ତିନି ଦିନ ପାଇଁ ଆସିଥିଲେ । ପ୍ରିୟଙ୍କା ଗାନ୍ଧୀ ଆସିନଥିଲେ କାରଣ ସେ ବିହାରରେ ସେତେ ମାତ୍ରାରେ ପରିଚିତ ନୁହଁନ୍ତି ।
wp:html/wp:html#WATCH: RJD leader Shivanand Tiwari speaks on #BiharResults, says "...elections were in full swing & Rahul Gandhi was on picnic at Priyanka ji's place in Shimla. Is party run like that? Allegations can be levelled that manner in which Congress is being run, it's benefitting BJP." pic.twitter.com/ZZXmndMJFh
— ANI (@ANI) November 15, 2020
ସେ ଆହୁରି କହିଛନ୍ତି ଯେ, ବିହାରରେ ନିର୍ବାଚନ ଉଷ୍ମତା ଜୋର୍ ଧରିଥିବା ବେଳେ ରାହୁଲ ଗାନ୍ଧୀ ସିମଲାରେ ପ୍ରିୟଙ୍କା ଗାନ୍ଧୀଙ୍କ ଘରେ ପିକନିକ୍ କରୁଥିଲେ । ଏପରି ହେଲେ ଦଳ ଚାଲିବ ନାହିଁ । କଂଗ୍ରେସ ଦଳ ଯେପରି ଭାବେ ଚାଲୁଛି, ଏଥିରୁ ବିଜେପିକୁ ଫାଇଦା ମିଳୁଛି । ରାହୁଲ ଗାନ୍ଧୀଙ୍କ ଘରେ ବୈଠକ ହୋଇଥିଲା । ଏଥିରେ କପିଲ ଶିବ୍ବଲ, ଶଶି ଥରୁର, ମନୀଷ ତିଓ୍ୱାରୀ ଆଦି ସମସ୍ତେ ଉପସ୍ଥିତ ଥିଲେ । ସମସ୍ତେ ଜୀବନ ସାରା କଂଗ୍ରେସରେ ରହିବେ ବୋଲି ଏକ ଚିଠିରେ କହିଥିଲେ । ଏପରି ହେଲେ ଦଳ ଆଗକୁ ବଢିପାରିବ ନାହିଁ । କେବଳ ବିହାର ନୁହେଁ ଅନ୍ୟ ରାଜ୍ୟରେ ମଧ୍ୟ କଂଗ୍ରେସ ଅଧିକରୁ ଅଧିକ ଆସନରେ ନିର୍ବାଚନ ଲଢିବା ନେଇ ଜୋର୍ ହେଉଛି । କିନ୍ତୁ ଜିତିବାରେ ବିଫଳ ହେଉଛି । କଂଗ୍ରେସ ଏହାକୁ ନେଇ ଆତ୍ମସମୀକ୍ଷା କରୁ ବୋଲି ସେ କହିଛନ୍ତି ।
