Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଟି-୨୦ ବିଶ୍ବକପର ଧମାକାଦାର ଆରମ୍ଭ : PNGକୁ ୧୦ ଓ୍ବିକେଟରେ ହରାଇଲା ଓମାନ, କମାଲକଲେ ଭାରତୀୟ ବଂଶୋଦ୍ଭବ ଜତୀନ୍ଦର ସିଂହ
  • ||
  • ବିଧାୟକ ପ୍ରଦୀପ ପାଣିଗ୍ରାହୀଙ୍କ ସହଯୋଗୀଙ୍କ ଘରେ ଭିଜିଲାନ୍ସ ଚଢ଼ାଉ, ଜବତ ହେଲା ୨୦ ଲକ୍ଷ
  • ||
  • ଜାମ୍ମୁ କାଶ୍ମୀରରେ ଆତଙ୍କବାଦୀଙ୍କ ଉତପାତ୍‌ ଜାରି, ୨ ଅଣ-କାଶ୍ମୀରୀଙ୍କୁ ନିର୍ମମ ହତ୍ୟା
  • ||
  • ବିସିସିଆଇ ନୂତନ କୋଚ୍ ଏବଂ ସପୋର୍ଟିଂ ଷ୍ଟାଫ ପାଇଁ ମଗାଇଲା ଆବେଦନ, ଏମିତି ରହିଛି ସର୍ତ୍ତ
  • ||
  • ରାଜ୍ୟରେ ଆସନ୍ତା ୨୪ ଘଣ୍ଟା ମଧ୍ୟରେ ହେବ ବଜ୍ରପାତ, ୧୭ ଜିଲ୍ଲାକୁ ସତର୍କ ସୂଚନା
  • ||
  • ରାଜ୍ୟରେ କମୁଛି କରୋନା ଗ୍ରାଫ୍: କୋଭିଡ୍ ନେଲା ଆଉ ୩ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୪୪୩ କୋଭିଡ୍ ପଜିଟିଭ୍
  • ||
  • ବୋହୂକୁ ପଥରରେ ଛେଚି ଦେଲା ଶାଶୂ, ପାରିବାରିକ କଳହରୁ ଜଘନ୍ୟ ହତ୍ୟାକାଣ୍ଡ…
  • ||
  • ପ୍ରବଳ ବର୍ଷା ପରେ ଭୂସ୍ଖଳନ: ୧୮ ମୃତ ଓ ଅନେକ ନିଖୋଜ, ମୁଖ୍ୟମନ୍ତ୍ରୀ ଲୋଡିଲେ ସେନା ସହାୟତା
  • ||
  • ଆଜିଠୁ ଓଜେଇଇ କାଉନସେଲିଂ, ପଞ୍ଜୀକରଣ ଓ ଚଏସ ଲକିଂ କରିପାରିବେ ଛାତ୍ରଛାତ୍ରୀ
  • ||

CBSE ଦ୍ୱାଦଶ ପରୀକ୍ଷା ମଧ୍ୟ ବାତିଲ ହେଉ, ଛାତ୍ରଛାତ୍ରୀଙ୍କୁ ଜୁନ ପର୍ଯ୍ୟନ୍ତ ଚାପରେ ରଖିହେବନି କହିଲେ ପ୍ରିୟଙ୍କା ଭଦ୍ରା

14/04/2021 at 7:43 PM

ନୂଆଦିଲ୍ଲୀ ୧୪।୪:  କରୋନା ଭାଇରସ ମହାମାରୀ ଦ୍ୱିତୀୟ ଲହର ପ୍ରକୋପକୁ ଦେଖି କେନ୍ଦ୍ର ସରକାର ବୁଧବାର ସିବିଏସଇ ୧୦ମ ଶ୍ରେଣୀ ପରୀକ୍ଷା ବାତିଲ କରିଦେଇଛନ୍ତି। ତେବେ ଦ୍ୱାଦଶ ଶ୍ରେଣୀ ପରୀକ୍ଷାକୁ ସ୍ଥଗିତ ଘୋଷଣା କରିଛନ୍ତି। ଜୁନ ପହିଲାରେ ପରିସ୍ଥିତିର ସମୀକ୍ଷା ପରେ ଏ ନେଇ ଚୂଡାନ୍ତ ନିଷପତ୍ତି ନିଆଯିବ ବୋଲି କେନ୍ଦ୍ର ସରକାର କହିଛନ୍ତି। ତେବେ ସେ ପର୍ଯ୍ୟନ୍ତ ଛାତ୍ରଛାତ୍ରୀଙ୍କୁ ଚାପରେ ରଖି ହେବନି ବୋଲି କଂଗ୍ରେସ ସାଧାରଣ ସମ୍ପାଦକ ପ୍ରିୟଙ୍କା ଭଦ୍ରା କହିଛନ୍ତି।

ସେ କହିଛନ୍ତି ଯେ କରୋନା ପରିପ୍ରେକ୍ଷୀରେ ୧୦ମ ଶ୍ରେଣୀ ପରୀକ୍ଷା ବାତିଲ ଲାଗି କେନ୍ଦ୍ର ସରକାରଙ୍କ ନିଷ୍ପତ୍ତି ସ୍ୱାଗତଯୋଗ୍ୟ, ତେବେ ଦ୍ୱାଦଶ ପରୀକ୍ଷା ମଧ୍ୟ ବାତିଲ କରିବା କଥା। ଛାତ୍ରଛାତ୍ରୀଙ୍କୁ ଜୁନ ପର୍ଯ୍ୟନ୍ତ ଚାପରେ ରଖିବାର କୌଣସି ଯଥାର୍ଥତା ନାହିଁ। ଏହା ‘ଅନୁଚିତ’  ବୋଲି ମଧ୍ୟ ସେ କହିଛନ୍ତି। ଏ ନେଇ ସରକାର ଉପଯୁକ୍ତ ପଦକ୍ଷେପ ନେବେ ବୋଲି ସେ ଆଶାବ୍ୟକ୍ତ କରିଛନ୍ତି।

ଏ ନେଇ ପ୍ରିୟଙ୍କା ବୁଧବାର ତାଙ୍କ ଟ୍ୱିଟ୍‌ ହ୍ୟାଣ୍ଡଲରେ ଏକ ପୋଷ୍ଟ କରିଛନ୍ତି। ଏଥିରେ ସରକାରଙ୍କ ନିଷ୍ପତ୍ତି ଜାଣି ଖୁସି ଲାଗିଲା ବୋଲି  ଲେଖିଛନ୍ତି। ତେବେ କେନ୍ଦ୍ର ସରକାରଙ୍କୁ ଦ୍ୱାଦଶ ପରୀକ୍ଷା ଲାଗି ମଧ୍ୟ ନିଷ୍ପତ୍ତି ନେବାର ଆବଶ୍ୟକତା ଥିବା ଉଲ୍ଲେଖ କରିଛନ୍ତି। ଏହା ପୂର୍ବରୁ ପ୍ରିୟଙ୍କା ଟ୍ୱିଟ୍‌ ମାଧ୍ୟମରେ କୋଭିଡ-୧୯ ମହାମାରୀର ପ୍ରସାରଣକୁ ଦୃଷ୍ଟିରେ ରଖି ଚଳିତବର୍ଷ ୧୦ମ ଓ ଦ୍ୱାଦଶ ପରୀକ୍ଷା ବାତିଲ କରିବା ଲାଗି କେନ୍ଦ୍ର ଶିକ୍ଷାମନ୍ତ୍ରୀ ରମେଶ ପୋଖରିୟାଲ ନିଶଙ୍କଙ୍କୁ ଏକ ପତ୍ର ଲେଖିଥିଲେ।

ମାମଲାରେ ବୁଧବାର ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଅଧ୍ୟକ୍ଷତାରେ ଅନୁଷ୍ଠିତ ବୈଠକରେ କେନ୍ଦ୍ର ଶିକ୍ଷାମନ୍ତ୍ରୀ ନିଶଙ୍କ, କେନ୍ଦ୍ର ଶିକ୍ଷା ସଚିବ ଓ ଅନ୍ୟ ଉଚ୍ଚଅଧିକାରୀମାନେ ଯୋଗ ଦେଇଥିବା ବେଳେ ୧୦ମ ଶ୍ରେଣୀ ବୋର୍ଡ ପରୀକ୍ଷା ବାତିଲ କରିଦେବାକୁ ନିଷ୍ପତ୍ତି ନେଇଛନ୍ତି। ସେହିପରି ବୈଠକରେ ଦ୍ୱାଦଶ ପରୀକ୍ଷାକୁ ଏଥିରେ ସ୍ଥଗିତ କରାଯାଇଛି। ଉଭୟ ପରୀକ୍ଷା ଆସନ୍ତା ମେ ୪ ତାରିଖରୁ ଦେଶରେ ଅନୁଷ୍ଠିତ ହେବାକୁ ଥିଲା।

ତେବେ କେବଳ ପ୍ରିୟଙ୍କା  ନୁହନ୍ତି ବରିଷ୍ଠ କଂଗ୍ରେସ ସାଂସଦ ରାହୁଲ ଗାନ୍ଧି, ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜରୀୱାଲ ମଧ୍ୟ ପ୍ରସଙ୍ଗରେ ଉଦବେଗ ପ୍ରକାଶ କରିଥିଲେ। ହୁଏତ ପରୀକ୍ଷା ଅନୁଷ୍ଠିତ ହେଲେ ପରୀକ୍ଷା କେନ୍ଦ୍ରଗୁଡିକ କରୋନା ହଟସ୍ପଟ୍‌ରେ ପରିଣତ ହୋଇପାରେ ବୋଲି କେଜରିୱାଲ ଆଶଙ୍କା ପ୍ରକାଶ କରିବା ସହ କେନ୍ଦ୍ର ସରକାରଙ୍କ ଉପରେ ନିଷ୍ପତ୍ତି ଛାଡିଥିଲେ। କେବଳ ରାଜଧାନୀ ଦିଲ୍ଲୀରେ ଚଳିତବର୍ଷ ୬ଲକ୍ଷ ଛାତ୍ରଛାତ୍ରୀ ସିବିଏସଇ ପରୀକ୍ଷା ଦେବାର ଥିଲା। ପରୀକ୍ଷା ପରିଚାଳନା ଲାଗି ସିବିଏସଇଙ୍କ ୧ଲକ୍ଷରୁ ଊର୍ଦ୍ଧ୍ୱ କର୍ମଚାରୀ ମଧ୍ୟ ନିୟୋଜିତ ହୋଇଥାନ୍ତେ।

   Related Posts