Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଆଜିଠୁ ବଢିବ ବର୍ଷା, ୧୧ ଜିଲ୍ଲାରେ ପ୍ରବଳ ଛେଚିବ
  • ||
  • ୨୮୬ ବସ୍ତା ପିଡିଏସ ଚାଉଳ ଜବତ, ଚୋରାରେ ବିକ୍ରି ପାଇଁ ଯାଉଥିବା ବେଳେ ଧରିଲେ ଲୋକେ
  • ||
  • ଭୟ ବଢାଉଛି ମୃତ୍ୟୁସଂଖ୍ୟା : ରାଜ୍ୟରେ ଗତ ୨୪ଘଣ୍ଟାରେ କରୋନା ନେଲା ୪୩ ଜଣଙ୍କ ଜୀବନ
  • ||
  • କମୁଛି ସଂକ୍ରମଣ, ରାଜ୍ୟରେ ୨୪ ଘଣ୍ଟାରେ ୩୦୩୧ କୋଭିଡ୍ ପଜିଟିଭ୍ ଚିହ୍ନଟ
  • ||
  • ଜାମ୍ମୁ କାଶ୍ମୀର ସପୋରରେ ଏନକାଉଣ୍ଟର: ଲସ୍କର କମାଣ୍ଡର ସମେତ ୩ ଆତଙ୍କୀ ନିହତ
  • ||
  • ଆମେରିକା-ମେକ୍ସିକୋ ସୀମାରେ ହିଂସାକାଣ୍ଡ, ଦୁର୍ବୃତ୍ତଙ୍କ ଆଖିବୁଜା ଗୁଳିମାଡରେ ୧୮ ମୃତ
  • ||
  • ଆଜି ଅନ୍ତର୍ଜାତୀୟ ଯୋଗ ଦିବସ, ଏବର୍ଷର ଥିମ୍ ‘ୟୋଗା ଫର ୱେଲନେସ୍’
  • ||
  • ଆଜିଠୁ କ୍ୟାମ୍ପେନ୍ ମୋଡ୍‌ରେ ଟିକାକରଣ, ରାଜ୍ୟରେ ଦୈନିକ ୩ ଲକ୍ଷ ଭାକସିନେସନ୍ ଟାର୍ଗେଟ୍
  • ||

ପରଦା ପଛରେ ରହି ଗେମ ଚେଞ୍ଜର ଭଳି କାମ କରନ୍ତି ପ୍ରିୟଙ୍କା; ପ୍ରସ୍ତୁତ କରନ୍ତି କୂଟନୀତି

12/01/2019 at 7:01 PM

ଦିଲ୍ଲୀ ୧୨/୧ : କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀଙ୍କ ଭଉଣୀ ପ୍ରିୟଙ୍କା ଗାନ୍ଧୀଙ୍କର ଆଜି ଜନ୍ମଦିନ | ୧୯୭୨ ମସିହା ଜାନୁଆରୀ ୧୨ ତାରିଖରେ ଜନ୍ମ ହୋଇଥିଲେ ପ୍ରିୟଙ୍କା ଗାନ୍ଧୀ | ଆସନ୍ତୁ ଜାଣିବା ପ୍ରିୟଙ୍କାଙ୍କର କିଛି ଖାସ କଥା |

ପ୍ରିୟଙ୍କା ଗାନ୍ଧୀ ରାଜନୀତିରେ ସାମିଲ ହୋଇନାହାନ୍ତି | କିନ୍ତୁ ନିର୍ବାଚନବେଳେ ପ୍ରଚାରକୁ ନେଇ ଏବଂ କଂଗ୍ରେସର ବିଜୟ ପାଇଁ ସେ ଏକ ପ୍ରମୁଖ ଭୂମିକା ନେଇଛନ୍ତି | ପରଦା ପଛରେ ରହି ମଧ୍ୟ ପ୍ରିୟଙ୍କା ରାଜନେତା ଭଳି କାମ କରିଥାନ୍ତି | ପରଦା ପଛରେ ରହି ସେ ରାଜନେତା ଭଳି କୂଟନୀତି ପ୍ରସ୍ତୁତ କରିଥାନ୍ତି |

ଅତୀତରେ କଂଗ୍ରେସ ନେତା ତଥା ପୂର୍ବତ୍ତନ କେନ୍ଦ୍ରୀୟ ମନ୍ତ୍ରୀ ସଲମାନ ଖୁର୍ସିଦ ପ୍ରିୟଙ୍କା ଗାନ୍ଧୀଙ୍କୁ ଗେମ ଚେଞ୍ଜର ବୋଲି ନାଁ ଦେଇଥିଲେ | ୨୦୧୯ ନିର୍ବାଚନରେ ପ୍ରିୟଙ୍କା ଏକ ଗୁରୁତ୍ୱପୂର୍ଣ୍ଣ ଭୂମିକା ନିର୍ବାହ କରିବେ ବୋଲି ଖୁର୍ସିଦ କହିଥିଲେ | ସେତେବେଳେ ଦଳ ମଧ୍ୟ ସ୍ୱୀକାର କରିଥିଲା ଯେ, ପ୍ରିୟଙ୍କା ଦଳରେ ନରହି ମଧ୍ୟ କଂଗ୍ରେସ ପାଇଁ ଏକ ଗୁରୁତ୍ୱପୂର୍ଣ୍ଣ ଭୂମିକାରେ ରହିଥାନ୍ତି |

୨୦୧୮ ମସିହାରେ କଂଗ୍ରେସ ତରଫରୁ କୁହାଯାଇଥିଲା ଯେ, ପ୍ରିୟଙ୍କା ଗାନ୍ଧୀ ନିର୍ବାଚନ ଲଢ଼ିବେ ବୋଲି ଭାବିବା ଉଚିତ ନୁହେଁ | କଂଗ୍ରେସ ପ୍ରବକ୍ତା ଅଭିଷେକ ମନୁ ସିଂଘଭି କହିଥିଲେ ଯେ, ପ୍ରିୟଙ୍କା ଗାନ୍ଧୀ ନିଜ କାମ ନିଜେ ସଠିକଭାବେ କରିଥାନ୍ତି |

ସୋନିଆ ଏବଂ ରାହୁଲଙ୍କ ସଂସଦୀୟ କ୍ଷେତ୍ର ରାୟବରେଲୀ ଏବଂ ଅମେଠିରେ ମଧ୍ୟ ପ୍ରିୟଙ୍କା ଗାନ୍ଧୀ ନିର୍ବାଚନ ପ୍ରଚାର କରିବାକୁ ଯାଇଥାନ୍ତି | ଲୋକଙ୍କ ଉପରେ ପ୍ରିୟଙ୍କା ଗାନ୍ଧୀଙ୍କ ପ୍ରଚାର ଭଲ ପ୍ରଭାବ ପକାଇଥାଏ | ମୁଖ୍ୟତଃ ଗରିବ ଏବଂ ମହିଳାମାନଙ୍କ ପାଖକୁ ଯାଇଥାନ୍ତି ପ୍ରିୟଙ୍କା | ମହିଳାମାନଙ୍କ ସୁବିଧା ଅସୁବିଧା ପଚାରି ବୁଝିଥାନ୍ତି | ଦଳ ଉପରେ ଭରସା କରିବାକୁ ଲୋକଙ୍କୁ ବୁଝାଇଥାନ୍ତି |

୨୦୧୨ ମସିହା ବିଧାନସଭା ନିର୍ବାଚନ ବେଳେ ରାୟବରେଲୀ ଏବଂ ଅମେଠିରେ ମଧ୍ୟ ପ୍ରିୟଙ୍କା ଗାନ୍ଧୀ ନିର୍ବାଚନ ପ୍ରଚାର କରିଥିଲେ | ପ୍ରିୟଙ୍କାଙ୍କ ନିର୍ଵାଚନ ପ୍ରଚାର ଢଙ୍ଗକୁ ଦେଖି ଅନେକ ବିଶିଷ୍ଟ ଲୋକେ ମତ ଦେଇଥାନ୍ତି ଯେ, ପ୍ରିୟଙ୍କାଙ୍କ ଭିତରେ ଜଣେ ଅଭଜ୍ଞ ଲିଡରର ସମ୍ଭାବନା ରହିଛି |

୧୯୯୭ ମସିହାରେ ପ୍ରିୟଙ୍କା ଗାନ୍ଧୀ ରୋବର୍ଟ ବାଡ୍ରାଙ୍କୁ ବିବାହ କରିଥିଲେ | ରୋବର୍ଟ ମଧ୍ୟ ପ୍ରିୟଙ୍କାଙ୍କ ସହ ଅନେକ ନିର୍ବାଚନ ପ୍ରଚାରରେ ଯୋଗ ଦେଇଛନ୍ତି | ପ୍ରିୟଙ୍କାଙ୍କର ଦୁଇଟି ସନ୍ତାନ |

   Related Posts