ori homes
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବେଙ୍ଗାଲୁରୁ: ଶରୀରରୁ ଚର୍ବି ଘଟାଇବା ହେଲା କାଳ, ପ୍ଲାଷ୍ଟିକ ସର୍ଜରୀ ବେଳେ ଅଭିନେତ୍ରୀଙ୍କ ମୃତ୍ୟୁ
  • ||
  • ରାଜ୍ୟରେ ଖସୁଛି କରୋନା, ୨୪ ଘଣ୍ଟାରେ ବାହାରିଲେ ୩ ପଜିଟିଭ୍
  • ||
  • ଦେଶରେ କମୁଛି ସଂକ୍ରମଣ, ୨୪ ଘଣ୍ଟାରେ ବାହାରିଲେ ୧୫୬୯ କରୋନା ପଜିଟିଭ୍
  • ||
  • ଡାଇଭ୍ ମାରି କ୍ୟାଚ୍ ଧରିଲେ ଜନି ବେୟରଷ୍ଟୋ, ହେଲେ ଅମ୍ପାୟାର କହିଲେ ନଟଆଉଟ୍ ! ଜାଣନ୍ତୁ କାହିଁକି…
  • ||
  • ଲମତାପୁଟ : ରାଜ୍ୟ ବାହାରକୁ ଗଞ୍ଜେଇ ଚାଲାଣ ବେଳେ ମାଡିବସିଲା ପୋଲିସ, ୨ ଗିରଫ
  • ||

ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ବିବାହରେ ଯୋଗଦେବା ପାଇଁ ନିମନ୍ତ୍ରଣ କରିବେ ପ୍ରିୟଙ୍କା-ନିକ !

24/11/2018 at 4:38 PM

ମୁମ୍ବାଇ ୨୪/୧୧ : ରଣବୀର ଦୀପିକାଙ୍କ ବିବାହ ପରେ ବିବାହ ବନ୍ଧନରେ ବାନ୍ଧି ହେବାକୁ ଯାଉଛନ୍ତି ପ୍ରିୟଙ୍କା ଚୋପ୍ରା ଏବଂ ନିକ ଜୋନ୍ସ | ଉଭୟଙ୍କ ବିବାହ ପାଇଁ ଯୋଧପୁରରେ ପ୍ରସ୍ତୁତି ଜୋରସୋରରେ ଆରମ୍ଭ ହୋଇସାରିଛି | ପ୍ରିୟଙ୍କା ଏବଂ ନିକ ଉଭୟ ହିନ୍ଦୁ ଏବଂ ଖ୍ରୀଷ୍ଟିଆନ ପରମ୍ପରା ଅନୁସାରେ ବିବାହ କରିବେ |

ସୂଚନା ଅନୁଯାୟୀ ଆସନ୍ତା ୨୯ ତାରିଖରେ ମେହେନ୍ଦି ଏବଂ ୩୦ ତାରିଖରେ ସଂଗୀତ କାର୍ଯ୍ୟକ୍ରମ ହେବ | ଡିସେମ୍ବର ୧ ତାରିଖରେ ଯୋଧପୁର ଉମେଡ଼ ଭବନ ପେଲେସରେ ଉଭୟଙ୍କ ବିବାହ ଅନୁଷ୍ଠିତ ହେବ | ବିବାହରେ ଉପସ୍ଥିତ ହେବ ପାଇଁ ଅତିଥି ତାଲିକା ମଧ୍ୟ ପ୍ରିୟଙ୍କା ପ୍ରସ୍ତୁତ କରି ସାରିଛନ୍ତି | ତେବେ ବିବାହରେ ଯୋଡ଼ା ଦେବା ପାଇଁ ପ୍ରିୟଙ୍କା ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ନିମନ୍ତ୍ରଣ କରିବେ ବୋଲି ଶୁଣିବାକୁ ମିଳିଛି | ପ୍ରିୟଙ୍କା ବର୍ତ୍ତମାନ ଦିଲ୍ଲୀରେ ହିଁ ଅଚାହଁନ୍ତି କିନ୍ତୁ ମୋଦିଙ୍କୁ ସାକ୍ଷାତ କରିବା ପାଇଁ ତାଙ୍କୁ ଅନୁମତି ମିଳିଛି ନା ନାହିଁ ତାହା ଏପର୍ଯ୍ୟନ୍ତ ସ୍ପଷ୍ଟ ହୋଇନାହିଁ | ତେବେ ଦେଖିବା ବାକି ରହିଲା ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ପ୍ରିୟଙ୍କା ଚୋପ୍ରାଙ୍କ ନିମନ୍ତ୍ରଣ ରକ୍ଷା କରୁ ଯୋଧପୁରରେ ବିବାହ ଉତ୍ସବରେ ଯୋଗ ଦେବେ ନା ନାହିଁ |

ଏହା ପୂର୍ବରୁ ବିରାଟ କୋହଲି ଏବଂ ଅନୁଷ୍କା ଶର୍ମା ପ୍ରଧାନମନ୍ତ୍ରୀ ମୋଦିଙ୍କୁ ବିବାହ ରିସେପସନରେ ଯୋଗଦେବା ପାଇଁ ନିମନ୍ତ୍ରଣ କରିଥିଲେ | ମୋଦି ଉଭୟଙ୍କ ରିସେପସନକୁ ମଧ୍ୟ ଯାଇଥିଲେ | ତେବେ ବିରୁସ୍କାଙ୍କ ରିସେପସନ ଦିଲ୍ଲୀରେ ହିଁ ଥିଲା |

ବିବାହରେ ଯୋଗ ଦେବା ପାଇଁ ସଲମାନ ଖାନଙ୍କ ପୁରା ପରିବାରକୁ ପ୍ରିୟଙ୍କା ନିମନ୍ତ୍ରଣ କରିଛନ୍ତି | ସଲମାନ ଖାନଙ୍କ ଭଉଣୀ ଅର୍ପିତା ପ୍ରିୟଙ୍କାଙ୍କ ଅତି ଘନିଷ୍ଠ ବନ୍ଧୁ | ଏହା ଛଡା ରଣବୀର କପୁର, ଆଲିଆ ଭଟ୍ଟ, କାଟ୍ରିନା କୈଫଙ୍କୁ ମଧ୍ୟ ଆମନ୍ତ୍ରିତ କରାଯାଇଛି |

ଶୁଣିବାକୁ ମିଳିଛି ଯେ ପ୍ରିୟଙ୍କା ନିଜ ବିବାହକୁ ଦେଶର ଏହି ବର୍ଷର ସବୁଠାରୁ ବଡ ଏବଂ ସ୍ୱତନ୍ତ୍ର ବିବାହ କାର୍ଯ୍ୟକ୍ରମ ଭାବେ ପ୍ରସ୍ତୁତି କରୁଛନ୍ତି | ତେବେ ପ୍ରିୟଙ୍କାଙ୍କ ବାହାଘର ଦିନ, ଡିସେମ୍ବର ୧ତାରିଖରେ ଦୀପବୀରଙ୍କ ରିସେପସନ ମଧ୍ୟ ରହିଛି |

ନିକଟରେ ପ୍ରିୟଙ୍କା ନିଜ ବିବାହର ଶପିଂ ପ୍ୟାରିସରୁ କରିଛନ୍ତି | ବାହାଘରରେ ପ୍ରିୟଙ୍କାଙ୍କ ଭଉଣୀ ପରିନିତି ଚୋପ୍ରା ଭିଣୋଇଙ୍କ ଠାରୁ ଚପଲ ଚୋରି ପାଇଁ ୫ ମିଲିୟନ ଡଲାର ଦାବି କରି ସାରିଛନ୍ତି | ତେବେ ନିକ ପରିନିତିଙ୍କୁ ଏହାର ଦୁଇଗୁଣ ଦେବେ ବୋଲି କହିଛନ୍ତି, ଯାହାର ଆନୁମାନିକ ମୂଲ୍ୟ ୩୭ କୋଟି ଟଙ୍କା |

   Related Posts