Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ICC ଟି-୨୦ ରାଙ୍କିଂ : ୪ର୍ଥ ସ୍ଥାନରେ ପାକିସ୍ତାନ ବ୍ୟାଟ୍ସମ୍ୟାନ୍‌ ମହମ୍ମଦ ରିଜଓ୍ବାନ, ବିରାଟ କୋହଲି (୫) ଏବଂ ଲୋକେସ ରାହୁଲ (୮) ଖସିଲେ
  • ||
  • କରଞ୍ଜିଆ : ନଭେମ୍ବର ପହିଲାରୁ ଖୋଲିବ ଶିମିଳିପାଳ ଜାତୀୟ ଉଦ୍ୟାନ
  • ||
  • ସୋର : ଭଙ୍ଗା ଘରୁ ମିଳିଲା ପୁଳା ପୁଳା ରାସନ କାର୍ଡ, ଲୋକଙ୍କୁ ଦିଆନଯାଇ ଲୁଚାଇ ରଖାଯାଇଥିଲା କାହିଁକି ?
  • ||
  • ଆନନ୍ଦପୁର : କଣ୍ଡକ୍ଟରଙ୍କ ଭୁଲ୍, ଯାତ୍ରୀଙ୍କ ଗୋଡ ଉପରେ ଚଢିଗଲା ବସ୍
  • ||
  • କୋଣାର୍କ : ବାଇକ୍ ଚୋରି ରାକେଟ୍ ଠାବ : ୮ ବାଇକ୍ ସହ ୪ ଅଭିଯୁକ୍ତ ଗିରଫ
  • ||
  • ତେଲକୋଇ : କାଞ୍ଜିପାଣି ଘାଟିରେ ଭାରସ୍ୟାମ ହରାଇ ଓଲଟିଲା ଅଟୋ, ୫ବର୍ଷର ଶିଶୁ ସମେତ ୩ ଗୁରୁତର
  • ||
  • ଚାନ୍ଦବାଲି : ଅଘୋଷିତ ବିଦ୍ୟୁତ କାଟ୍ : ଦୀର୍ଘ ୧୨ଘଣ୍ଟା ଧରି ଅନ୍ଧାରରେ ରହିଲା ଆଖଣ୍ଡଳମଣୀ ପୀଠ
  • ||
  • ଭୁବନେଶ୍ବର : ନଭେମ୍ବର ୧ରୁ ଯୁକ୍ତ ୩ ପ୍ରଥମ ବର୍ଷ ଏବଂ ୧୫ରୁ ପିଜି ପ୍ରଥମ ବର୍ଷ କ୍ଲାସ୍ ଖୋଲିବ
  • ||
  • ଖୋର୍ଦ୍ଧା : ୩ ଦିନ ହେବ ଚିଲିକା ମଝିରେ ଫସିଥିଲା ଡଙ୍ଗା, ୨ ମତ୍ସ୍ୟଜୀବୀଙ୍କ ସହ ୧୦ବର୍ଷର ଛୁଆ ଉଦ୍ଧାର
  • ||
  • ଭୁବନେଶ୍ବର : ମମିତା ମେହେର ହତ୍ୟା ଘଟଣାରେ ନୀରବତାକୁ ବରଦାସ୍ତ କରାଯିବନି : କଂଗ୍ରେସ
  • ||

ଅସହାୟଙ୍କୁ ସହାୟତାର ହାତ ବଢ଼ାଇଲା ପ୍ରିୟଦର୍ଶନୀ ସେବାସଂସ୍ଥା

14/10/2021 at 2:54 PM

ନୀଳଗିରି,୧୪/୧୦: ବାଲେଶ୍ଵର ଜିଲ୍ଲା ନୀଳଗିରି ବ୍ଲକର କେସିପୁର ପଂଚାୟତ ପରାସିପାଳ ଗ୍ରାମର ଜଣେ ଅସହାୟ ପରିବାର ଙ୍କୁ ସହାୟତାର ହାତ ବଢ଼ାଇଛି ପ୍ରିୟଦର୍ଶନୀ ସେବାସଂସ୍ଥା।ଏହି ଗ୍ରାମର ପୋଖରୀ ହୁଡ଼ାରେ ବାସ କରୁଥିବା ଏହି ଦୁଃଖି ପରିବାରଙ୍କ ପରିବାର ଙ୍କୁ ପ୍ରିୟଦର୍ଶିନୀ ସେବା ସଂସ୍ଥା ଭେଟି ତାଙ୍କ ଦୁଖଃଦୁର୍ଦଶା ବୁଝିଛନ୍ତି । ୮୫ ବର୍ଷ ର ବୃଦ୍ଧା ଜଣଙ୍କ କାନ୍ଦି କାନ୍ଦି ତା ର ଦୁଃଖ କହୁଥିଲା ।

ସ୍ବାଧୀନତାର ୭୦ଵର୍ଷ ପରେ ସରକାର ଙ୍କ ସମସ୍ତ ଯୋଜନା ଥାଇ ମଧ୍ୟ ଦୁଇ ଓଳି ପେଟପୁରା ଖାଇବା ପାଇଁ ପାଉ ନାହାଁନ୍ତି ଏହି ପରିବାର ର ପାଞ୍ଚ ଜଣ ସଦସ୍ୟ। ରୋଜଗାର କରିବା ପାଇଁ ଦେହରେ ବଳନାହିଁ କି ଏହି ପରିବାର କୁ ଦରଦ ଦେଖାଇ ବାକୁ କାହାର ବେଳ ନାହିଁ। ସ୍ବାର୍ଥପର ମଣିଷ ପାଖରେ ଆଉ ମଣିଷ ପଣିଆ ନାହିଁ। ସ୍ବାମି ଆରପାରିକୁ ଚାଲିଗଲା ପରେ ଜଇ ନାଥ ନିଜ ର ଏକମାତ୍ର ଝିଅ ଭାନୁମତୀ ନାଥ ଙ୍କୁ ବିବାହ କରିଦେଇଥିଲେ। ସେ କ’ଣ ଜାଣିଥିଲା ତାର ଜ୍ବାଇଁ ଜଣେ ମଦୁଆ ଓ ଲମ୍ପଟ ବୋଲି।

ମାତ୍ର ଏକ ବର୍ଷ ଭାନୁମତୀ ରହିଥିଲା ସ୍ବାମୀ ଘରେ। ଇତିମଧ୍ୟରେ ଭାନୁମତୀ ଏକ ଝିଅର ମା ହୋଇସାରିଥିଲା।ଏହା ପରେ ଜଣେ ମଦ୍ଯପର ଅକଥନୀୟ ନିର୍ଯାତନା ସହି ନପାରି ଭାନୁମତୀ ଝିଅକୁ ଧରି ପଳାଇ ଆସିଥିଲା। କାମ ଧନ୍ଦା କରି ଚଳିଲେ ମା ଝିଅ। ଇତିମଧ୍ୟରେ ଭାନୁମତୀ ର ଝିଅ ସସ୍ମିତା ବଡ଼ ହୋଇଗଲା। ଏଣୁ ମାଗି ଯାଚି ଝିଅ ସସ୍ମିତା ର ବାହାଘର ସାରିଥିଲେ ମଧ୍ୟ ସସ୍ମିତା ଶାଶୁ ଘର କୁ ଗଲା । ସିଏ ବି ପାଇଥିଲା ଗୋଟିଏ ମଦୁଆ ସ୍ବାମୀ ।

ସସ୍ମିତା ବହୁ କଷ୍ଟରେ ସ୍ବାମୀ ଘରେ ରହି ଥିଲା ମାତ୍ର ୩ଵର୍ଷ ୬ମାସ । ସସ୍ମିତା ର ୩ବର୍ଷର ଝିଅ ଓ ୨ ମାସର ପୁଅ ଟିଏ। ଏବେ ସସ୍ମିତାର ମଦୁଆ ସ୍ବାମୀ ଅନ୍ୟତ୍ର ବିବାହ କରି ରହିଲା।ହେଲେ ସସ୍ମିତା କୁ ଅକଥିନିୟ ନିର୍ଯ୍ୟାତନା ଦେବା ସହ ପିଲାମାନଙ୍କୁ ମଧ୍ୟ ମାରଧର କରିଥିଲା।ସସ୍ମିତା ନିଜର ଓ ପିଲାମାନଙ୍କର ଜୀବନ ଉପରେ ବିପଦ ଥିବା ଜାଣି ଲୁଚି ପଳାଇ ଆସିଥିଲା ମାଆ ଓ ଆଇ ପାଖକୁ। ସେଇଦିନଠାରୁ ଆଇ ,ନାତୁଣୀ ,ଭାନୁମତୀ ଓ ସସ୍ମିତା ର ପୁଅ ଝିଅ ସେହି ପୋଖରୀ ହୁଡ଼ାରେ ପଲିଥିନ ଛାତ ତଳେ ରହିଆସୁଛନ୍ତି।

ଏବେ ଅଣ୍ଟା ଶଳଖି ଚାଲି ପାରୁ ନଥିବା ବେଳେ ଭାନୁମତୀ ତଥା ସସ୍ମିତା ଙ୍କ ଆଖି ରୁ ଲୁହ ଶୁଖୁନି।ଛୋଟ ଛୋଟ ଦୁଇ ପିଲାଙ୍କ ବୋଝ ଧରି ବହୁ କଷ୍ଟରେ ଜୀବନ ବିତାଉଥିବା ବେଳେ ଏହି ସମୟ ଭିତରେ ସହାୟତାର ହାତ ବଢାଇଛି ପ୍ରିୟଦର୍ଶନୀ ସେବାସଂସ୍ଥା। ପ୍ରଶ୍ନ ଉଠିଛି ଏଭଳି ଦୁର୍ଦଶା ପାଇଁ ଦାୟୀ କିଏ? ସରକାର ଙ୍କ ର ମାତ୍ର ୫୦୦ଟଙ୍କା ଭତ୍ତା ଓ ୫କେଜି ଚାଉଳର ଚଳିବା ପାଇଁ ଏହି ପରିବାର କେତେଦୂର ଯଥାର୍ଥ।ସରକାରୀ ବାବୁ ଓ ଲୋକ ପ୍ରତିନିଧି ଙ୍କ ଶୁଭ ଦୃଷ୍ଟି ପଡିଲେ ହୁଏତ ଆଜି ଏଭଳି ପରିବାର ଦୁର୍ଦ୍ଦଶାରୁ ମୁକୁଳି ପାରିବ ବୋଲି ସାଧାରଣରେ ମତ ପ୍ରକାଶ ପାଇଛି।

   Related Posts