ଉଦଳା ୨୬।୧୨: ସରକାରଙ୍କ ତରଫରୁ ବିଭିନ୍ନ ବିଭାଗକୁ ଗାଡି ପ୍ରଦାନ କରାଯାଇଥିବା ବେଳେ ଗାଡି ସରକାରୀ କାର୍ଯ୍ୟରେ ନିୟୋଜିତ ହେବା ନେଇ ପୂର୍ବରୁ ନିର୍ଦ୍ଦେଶ ରହିଛି । ହେଲେ ସରକାରୀ ଗାଡି ଖୁଲମଖୁଲା ଘରୋଇ କାର୍ଯ୍ୟରେ ବ୍ୟବହୃତ ହେଉଛି । ଆଉ ସେହି ଗାଡି କେଉଁ ବିଭାଗର ଜାଣିଲେ ଆପଣ ବି ମୁଣ୍ଡରେ ହାତ ଦେବେ । ଗାଡିଟି ହେଉଛି ପୋଲିସ ବିଭାଗର ବତୀ ଲାଗିଥିବା ଗାଡି ।
{"id":383094,"sizeSlug":"large","linkDestination":"none"}ଶୁକ୍ରବାର ଖ୍ରୀଷ୍ଟମାସ୍ ପାଇଁ ମୟୁରଭଞ୍ଜ ଜିଲ୍ଲା କପ୍ତିପଦା ବ୍ଲକ୍ କାଳଡ୍ୟାମ୍ ପିକନିକ୍ ସ୍ପଟରେ ଲାଗିଥିଲା ପର୍ଯ୍ୟଟକଙ୍କ ଭିଡ । କାଳଡ୍ୟାମ୍ ଗେଟ୍ ନିକଟରେ ଛିଡା ହୋଇଥିବା ଓଡି୦୫ଏଏନ୮୩୮୦ନମ୍ବର ବିଶିଷ୍ଟ ଏକ ବୋଲରୋ ଗାଡି । ସବୁଠାରୁ ବଡ କଥା ହେଲା ଗାଡି ଉପରେ ଲାଗିଥିଲା ହଳଦିଆ ବତୀ । କିଛି ଛୋଟ ପିଲାଙ୍କ ସହିତ ଜଣେ ବ୍ୟକ୍ତି ଆସି ଗାଡିରେ ବସିଥିଲେ ଏବଂ ଗାଡି ସେଠାରୁ ଚାଲି ଯାଇଥିଲା । ଏହି ଗାଡିଟି କମାଣ୍ଡାଣ୍ଟ ୫ମ ବାଟାଲିୟନ ଓଏସଏପି ବାରିପଦାଙ୍କ ମାଲିକାନାରେ ରହିଥିବା ବେଳେ ଏହି ଗାଡିକୁ ବ୍ୟବହାର କରି ବିଭାଗୀୟ ଅଧିକାରୀ ସମସ୍ତ କାର୍ଯ୍ୟ ତୁଲାଇବା କଥା । ଆଉ ଗାଡି ସାମ୍ନାରେ ପୋଲିସ ମଧ୍ୟ ଲେଖା ହୋଇଥିଲା । ହେଲେ ଏହି ଗାଡିଟି କୌଣସି ସରକାରୀ କାର୍ଯ୍ୟରେ ନିୟୋଜିତ ନ ଥିଲା । ବରଂ ସରକାରୀ ଗାଡି ଘରୋଇ ଭାବେ ବ୍ୟବହୃତ ହୋଇଥିଲା । ପରିବାର ଲୋକଙ୍କୁ ବତୀ ଲଗା ଗାଡିରେ ବୁଲାଇବାକୁ ଆଣିଥିଲେ ଅଧିକାରୀ ।
{"id":383095,"sizeSlug":"large","linkDestination":"none"}ଅନ୍ୟପଟେ ସରକାରଙ୍କ ପରିବହନ ବିଭାଗ ଓ୍ବେବସାଇଟରେ ଗାଡି ବାବଦରେ ମିଳିଥିବା ତଥ୍ୟ ଅନୁସାରେ ଗାଡିର ଇନ୍ସ୍ୟୁରାନ୍ସ ମଧ୍ୟ ମାର୍ଚ୍ଚ ମାସରୁ ଶେଷ ହୋଇଯାଇଛି । ତେବେ କ୍ୟାମେରା ଦେଖିବା ପରେ ଗାଡିଟି ସଙ୍ଗେ ସଙ୍ଗେ ଘଟଣାସ୍ଥଳରୁ ଚାଲିଯାଇଥିବା ବେଳେ ଏ ବାବଦରେ କାହାରି ପ୍ରତିକ୍ରିୟା ମିଳିପାରିନାହିଁ ।
{"id":383092,"sizeSlug":"large","linkDestination":"none"}