Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ବସ ମାଲିକ ସଂଘଙ୍କ ନିଷ୍ପତ୍ତି: ଗୁରୁବାରଠୁ ରାଜ୍ୟରେ ଗଡ଼ିବ ଘରୋଇ ବସ

27/05/2020 at 5:06 PM

ଚଣ୍ଡିଖୋଲ୨୭/୫: ଗୁରୁବାରଠୁ ରାଜ୍ୟରେ ଚାଲିବ ଘରୋଇ ବସ୍। ଏ ନେଇ ଚଣ୍ଡିଖୋଲ ଠାରେ ସାଧାରଣ ପରିଷଦ ବୈଠକରେ ନିଷ୍ପତି ନିଆଯାଇଛି। ରାଜ୍ୟ ଘରୋଇ ବସ ମାଲିକ ସଂଘର ସମ୍ପାଦକ, କୋଷାଧ୍ୟକ୍ଷ, ମୁଖପାତ୍ର ଏବଂ ସବୁ ଜିଲ୍ଲାର ବସ ମାଲିକ ସଂଘର କର୍ମକର୍ତ୍ତାମାନେ ଏହି ବୈଠକରେ ଯୋଗ ଦେଇଥିଲେ।

ଗତକାଲି ଏ ନେଇ ସରକାରଙ୍କ ସହ ଆଲୋଚନା ହୋଇଥିଲା। ବସ ମାଲିକମାନଙ୍କ ଯାହା ଦାବି ଥିଲା, ତାହାକୁ ସରକାର ମାନି ନେଇଛନ୍ତି।ସେମାନଙ୍କ ଦାବି ଥିଲା ଯେ ୬ ମାସ ଟ୍ୟାକ୍ସ ଛାଡ଼ କରାଯାଉ। ହେଲେ ୬ ମାସ ବଦଳରେ ୩ ମାସ ଟ୍ୟାକ୍ସ ଛାଡ଼ ହେବ ବୋଲି ସରକାର ନିଷ୍ପତ୍ତି ନେଇଛନ୍ତି। ବସ ମାଲିକ ସଂଘ ରଖିଥିବା ଅନ୍ୟ ଦାବି ଉପରେ ଖୁବ ଶୀଘ୍ର ନିଷ୍ପତ୍ତି ନିଆଯିବ ବୋଲି ସମ୍ପାଦକ ଦେବେନ୍ଦ୍ର ସାହୁ କହିଛନ୍ତି।

ବସ ମାଲିକମାନେ ରଖିଥିବା ଦାବି ଉପରେ କେନ୍ଦ୍ର ସରକାରଙ୍କ ସହ ରାଜ୍ୟ ସରକାର ଆଲୋଚନା କରିବେ ସମ୍ଫାଦକ ଦେବେନ୍ଦ୍ର କହିଛନ୍ତି। ସମାଜିକ ଦୂରତା ନିୟମ ଏବଂ ସାନିଟାଇଜେସନ ଗୁରୁତ୍ବ ଦେବା ଲାଗି କୁହାଯାଇଛି। ଏହା ବ୍ୟତୀତ ବସ୍ ଯାତ୍ରା କରିବା ବେଳେ ମାସ୍କ ପିନ୍ଧିବା ବାଧ୍ୟତା ମୂଳକ। ଆସନ୍ତା ୧୦ ଦିନ ମଧ୍ୟରେ ରାଜ୍ୟରେ ବସ ଚଳାଚଳ ସ୍ବାଭାବିକ ହେବ ବୋଲି ବୈଠକରେ ସୂଚନା ଦିଆଯାଇଛି।  

   Related Posts