Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଜୟପୁର : ପ୍ରବାସୀ ଶ୍ରମିକଙ୍କୁ ଅଧା ରାସ୍ତାରେ ଓହ୍ଲାଇଦେଲା ବସ୍, ଅଭିଯୋଗ ପରେ ବସ୍ ସହ ଡ୍ରାଇଭର ଓ କଣ୍ଡକ୍ଟର ଅଟକ
  • ||
  • ଚାନ୍ଦବାଲି : ୨ ଦିନ ଆଖଣ୍ଡଳମଣୀଙ୍କ ମନ୍ଦିର ବନ୍ଦ, ଜଣେ ସେବାୟତ କରୋନା ପଜିଟିଭ୍ ପରେ ପ୍ରଶାସନର ପଦକ୍ଷେପ
  • ||
  • ଟାଙ୍ଗୀ : ଟ୍ରକ୍-ବସ୍ ମୁହାଁମୁହିଁ ଧକ୍କା, ଟ୍ରକ୍ ହେଲପର ମୃତ, ଡ୍ରାଇଭର ଗୁରୁତର
  • ||
  • ରାଇରଙ୍ଗପୁର : ସ୍କୁଲ ନିକଟ ଗଛରେ ଝୁଲୁଛି ଯୁବକଙ୍କ ମୃତଦେହ, ହତ୍ୟା ନା’ ଆତ୍ମହତ୍ୟା
  • ||
  • ସୋର : ଭୁବନେଶ୍ବର-କୋଲକତା ଜନଶତାବ୍ଦୀ ଟ୍ରେନ୍‌ରେ ନିଆଁ, ଟଳିଲା ବଡ ଦୁର୍ଘଟଣା
  • ||
  • ‘ଚାକିରୀରେ ୬ ବର୍ଷ ପୂରଣ କରିଥିବା କର୍ମଚାରୀଙ୍କୁ ସରକାର ରେଗୁଲାର କରିବାକୁ ବାଧ୍ୟ’, ଗୁରୁତ୍ୱପୂର୍ଣ୍ଣ ରାୟ ଶୁଣାଇଲେ ହାଇକୋର୍ଟ
  • ||
  • ରାଜ୍ୟରେ କରୋନା ନେଲା ଆଉ ୨ଜଣଙ୍କ ଜୀବନ, ୧୯୩୫ରେ ପହଞ୍ଚିଲା ମୃତ୍ୟୁସଂଖ୍ୟା
  • ||
  • ବଡ଼ଗାଁ ପଞ୍ଚାୟତ ୩ ଦିନ ପାଇଁ ଲକ୍‌ଡାଉନ୍‌, ବନ୍ଦ ରହିବ ହାଟ ଓ ବଜାର
  • ||
  • ରାୟଗଡ଼ାରେ ମୃଦୁ ଭୂକମ୍ପ, କ୍ଷୟକ୍ଷତିର ସୂଚନା ନାହିଁ
  • ||
  • ବଢୁଛି ସଂକ୍ରମଣ : ରାଜ୍ୟରେ ୩୦ଜିଲ୍ଲାରୁ ଚିହ୍ନଟ ହେଲେ ସଂକ୍ରମିତ, ୨୪ ଘଣ୍ଟାରେ ୨୯୮୯ ପଜିଟିଭ୍ ଚିହ୍ନଟ
  • ||

ବଜାରରେ ମିଳୁନାହିଁ ମାସ୍କ : ଆଇଟି କମ୍ପାନୀ ପାଇଁ କଏଦୀ ତିଆରି କଲେ ମାସ୍କ

18/03/2020 at 10:24 AM

ହାଇଦ୍ରାବାଦ ୧୮/୦୩ : କରୋନାର ଭୟାବହ ସ୍ଥିତି ଦେଖି ତାକୁ ବ୍ୟାପିବାରେ ରୋକିବା ପାଇଁ ଲୋକେ ସତର୍କ ହୋଇଗଲେଣି | ଭାଇରସକୁ ରୋକିବା ପାଇଁ ଲୋକେ ସରକାର ଜାରି କରିଥିବା ଆଡ଼ଭାଇଜାରୀ ଗ୍ରହଣ କରିଛନ୍ତି | ତେବେ ବଜାରରେ ବର୍ତ୍ତମାନ ମାସ୍କ ଓ ସାନିଟାଇଜରର ଚାହିଦା ଅଧିକ | କିନ୍ତୁ ଲୋକଙ୍କ ଚାହିଦା ଅନୁଯାୟୀ ବଜାରରେ ମାସ୍କ ଉପଲବ୍ଧ ନୁହଁ | ସେଥିପାଇଁ ଏବେ ବିଭିନ୍ନ ସଂସ୍ଥା ମାସ୍କ ତିଆରି କରି ବିଭିନ୍ନ କମ୍ପାନୀକୁ ଯୋଗାଉଛନ୍ତି | ଜେଲରେ ଥିବା କଏଦୀ ମଧ୍ୟ ଏଥିରୁ ପଛାଇ ନାହାନ୍ତି | ଭାଇରସକୁ ବ୍ୟାପିବାରେ ରୋକିବା ପାଇଁ କଏଦୀମାନେ ଏକ ବଡ ପଦକ୍ଷେପ ନେଇଛନ୍ତି | ଚଞ୍ଚଳଗୁଡା ଜେଲର କଏଦୀମାନେ ନିଜେ ମାସ୍କ ତିଆରି କରି ଆଇଟି କମ୍ପାନୀକୁ ଯୋଗାଉଛନ୍ତି |

ଏନେଇ ଜେଲ ଅଧିକାରୀ କହିଛନ୍ତି ଯେ, ୧୪ ଦିନ ପୂର୍ବରୁ ସେ ଏହି ପଦକ୍ଷେପ ନେଇଛନ୍ତି | ମାସ୍କ ତିଆରି କରି ବିଭିନ୍ନ ଆଇଟି କମ୍ପାନୀକୁ ଯୋଗାଉଛନ୍ତି | ଏହି ମାସ୍କ କପଡାରେ ତିଆରି | ଜେଲ ଅଧିକାରୀ କହିଛନ୍ତି, କପଡାରେ ତିଆରି ଏହି ମାସ୍କ ସଫା କରାଯାଇପାରିବ ଏବଂ ପୁଣିଥରେ ବ୍ୟବହାର ଯୋଗ୍ୟ | ଏହା ସିଙ୍ଗଲ ୟୁଜ ମାସ୍କ ନୁହଁ | ସେମାନେ ତିଆରି କରୁଥିବା ମାସ୍କ ସିଙ୍ଗଲ ଲେୟାର, ଡବଲ ଲେୟାର ଓ ଥ୍ରୀ ଲେୟାର ବିଶିଷ୍ଟ | ତେବେ ଏହି ମାସ୍କ କୌଣସି ଦୋକାନରେ ଉପଲବ୍ଧ ନୁହେଁ ବୋଲି ସେ କହିଛନ୍ତି |

କରୋନାର ଭୟାବହତା ପରେ ବଜାରରେ ମାସ୍କ ଉପଲବ୍ଧ ନଥିଲା | ଏପରିକି ଔଷଧ ଦୋକାନରେ ମଧ୍ୟ ଉପଯୁକ୍ତ ପରିମାଣର ମାସ୍କ ଉପଲବ୍ଧ ନୁହଁ | ମାସ୍କର ଚାହିଦା ଦେଖି ଦୋକାନୀ ଏହାକୁ ଚଢା ଦାମରେ ବିକ୍ରି କରିବା ଆରମ୍ଭ କରିଥିଲେ | ଏହିସବୁ ସମସ୍ୟାକୁ ଦୃଷ୍ଟିରେ ରଖି ଜେଲ କର୍ତୃପକ୍ଷ ନିଜେ କଏଦୀମାନଙ୍କ ସହାୟତାରେ ମାସ୍କ ତିଆରି କରିବା ନିଷ୍ପତ୍ତି ନେଇଥିଲେ | କପଡାରେ ତିଆରି ଏହି ମାସ୍କ ଡିସପୋଜେବଲ ମଧ୍ୟ |

ଜେଲ କର୍ତୃପକ୍ଷଙ୍କ କହିବାନୁଯାୟୀ, କମ୍ପାନୀଗୁଡିକୁ ସେ ଏହି କପଡା ତିଆରି ମାସ୍କ ୧୬ ଟଙ୍କା ଲେଖାଏଁରେ ବିକ୍ରି କରୁଛନ୍ତି | କିଛି ଦିନ ପୂର୍ବରୁ କେରଳରେ ମଧ୍ୟ ଜେଲ କର୍ତୃପକ୍ଷ ଏହିଭଳି ପଦକ୍ଷେପ ଗ୍ରହଣ କରିଥିଲେ | କଏଦୀମାନଙ୍କ ଦ୍ୱାରା ମାସ୍କ ତିଆରି କରି ସେ ଯୋଗାଉଥିଲେ | ଥିରୁଅନନ୍ତପୁରମ ଜେଲରେ କଏଦୀମାନେ ୨ ଦିନ ଭିତରେ ୬ ହଜାର ମାସ୍କ ତିଆରି କରିଥିଲେ |  

   Related Posts