ମାଲକାନଗିରି ୨୭।୧୨: ମାଲକାନଗିରି ଜିଲ୍ଲା ସଦର ମହକୁମା ସ୍ଥିତ ଜିଲ୍ଲା କାରାଗାରରେ ଜଣେ କଏଦୀ ଆତ୍ମହତ୍ୟା କରିଛନ୍ତି । ଧାରୁଆ ଅସ୍ତ୍ରରେ ନିଜ ବେକକୁ ନିଜେ କାଟି ଆତ୍ମହତ୍ୟା କରିଥିବା ସୂଚନା ମିଳିଛି । କଏଦୀ ଜଣଙ୍କ ହେଉଛି ଦାନୁ ଗୋଲୋରୀ ଏବଂ ତାଙ୍କ ଘର ମାଲକାନଗିରି ଜିଲ୍ଲା ସ୍ବାଭିମାନ ଅଞ୍ଚଳର ଖଜୁରୀଗୁଡାରେ ବୋଲି ଜଣାପଡିଛି ।
ଶନିବାର ରାତିରେ ଦାନୁ ଏଭଳି କାଣ୍ଡ ଭିଆଇଥିବା ବେଳେ ମାଲକାନଗିରି ପୋଲିସ ମୃତଦେହ ଜବତ କରି ଶବ ବ୍ୟବଚ୍ଛେଦ ପାଇଁ ପଠାଇଛି । ଘଟଣାର ତଦନ୍ତ ଆରମ୍ଭ କରିଛି ପୋଲିସ ।
