Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସୁଶିଲ ମୋଦି ରାଜ୍ୟସଭା ପ୍ରାର୍ଥୀ, ରାମବିଳାସ ପାଶଓ୍ବାନଙ୍କ ସ୍ଥାନରେ ଟିକେଟ୍‌ ଦେଲା ବିଜେପି
  • ||
  • ଡିସେମ୍ବର ୧ରୁ ଖୋଲିବ ରାଜ୍ୟର ସମସ୍ତ ମେଡିକାଲ୍‌ କଲେଜ୍‌, କରୋନା ଗାଇଡ୍‌ଲାଇନ୍‌ ସହ ଏସ୍‌ଓପି ପାଳନ ବାଧ୍ୟତାମୂଳକ
  • ||
  • ବାଜିରାଉତ ବ୍ରିଜ୍‌ ଉପରେ ବସ୍‌ ଉପରକୁ ଗୁଳିମାଡ଼, ଦୁଇ ଯୁବକ ଏବଂ ଜଣେ ଯୁବତୀ ଫେରାର
  • ||
  • ଘୋଷଣା ହେଲା ଧର୍ମପଦ ସମ୍ମାନ, ୨୦୧୬ ରୁ ୨୦ ବର୍ଷ ପାଇଁ ୫ ଜଣଙ୍କୁ ଧର୍ମପଦ ସମ୍ମାନ, ୨୫ ଜଣ ଶିଳ୍ପୀ ହେବେ ସମ୍ବର୍ଦ୍ଧିତ
  • ||
  • ପାଠକ ବାପ-ପୁଅ ଗିରଫ, କୁବେର ଜଙ୍ଗଲ ଅଫିସରଙ୍କ ଅମାପ ସଂପତ୍ତି ଠାବ କରିଛି ଭିଜିଲାନ୍ସ
  • ||
  • ଭୁବନେଶ୍ବର : ରାଜ୍ୟରେ ଆଉ ୧୪ କରୋନା ସଂକ୍ରମିତ ପ୍ରାଣ ହରାଇଲେ, ୧୭୧୮ରେ ପହଞ୍ଚିଲା ମୃତକଙ୍କ ସଂଖ୍ୟା
  • ||
  • ଭୁବନେଶ୍ବର : ରାଜ୍ୟରେ ଚିହ୍ନଟ ହେଲେ ୫୯୪ କରୋନା ସଂକ୍ରମିତ, ୩୧୭୨୩୯ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଭାରତ-ଅଷ୍ଟ୍ରେଲିଆ ଦିନିକିଆ ସିରିଜ୍, ଦଳରେ ସାମିଲ ହେଲେ ଦ୍ରୁତ ବୋଲର ଟି. ନଟରାଜନ
  • ||
  • ଭୁବନେଶ୍ବର : ଦଶମ ଶ୍ରେଣୀ ଛାତ୍ରୀ କଲେ ଆତ୍ମହତ୍ୟା ! ବେକରେ ରଶି ଲଗାଇ ପଙ୍ଖାରେ ଝୁଲି ପଡିଲେ, କାରଣ ଅସ୍ପଷ୍ଟ
  • ||
  • ରାଜକୋଟ : କୋଭିଡ୍ ହସ୍ପିଟାଲରେ ଲାଗିଲା ନିଆଁ, ୬ କରୋନା ସଂକ୍ରମିତଙ୍କ ମୃତ୍ୟୁ
  • ||

PIBର ପ୍ରଧାନ ମହାନିର୍ଦ୍ଦେଶକ କରୋନା ପଜିଟିଭ୍: ତିନି କେନ୍ଦ୍ରମନ୍ତ୍ରୀଙ୍କ ପାଇଁ ସମସ୍ୟା, ଏବେ ଶାସ୍ତ୍ରୀ ଭବନରୁ କାର୍ଯ୍ୟ କରିବ ମନ୍ତ୍ରାଳୟ

8/06/2020 at 9:33 AM

ନୂଆଦିଲ୍ଲୀ ୦୮।୦୬:  ସାରାଦେଶରେ କରୋନା ସଂକ୍ରମଣ ସଂଖ୍ୟା ଦିନକୁ ଦିନ ବଢିବାରେ ଲାଗିଛି । ସ୍ଥିତିକୁ ନିୟନ୍ତଣରେ ରଖିବାକୁ ସରକାର ଅନେକ ପଦକ୍ଷେପ ନେଉଛନ୍ତି । କିନ୍ତୁ ଯେତେ ପଦକ୍ଷେପ ନେଲେ ବି ସଂକ୍ରମିତଙ୍କ ସଂଖ୍ୟା ବଢିବାରେ ଲାଗିଛି । ତେବେ ସୂଚନା ଓ ଲୋକ ସମ୍ପର୍କ ମନ୍ତ୍ରାଳୟ (PIB)ର ପ୍ରଧାନ ମହାନିର୍ଦ୍ଦେଶକ କରୋନା ଭାଇରସରେ ସଂକ୍ରମିତ ହୋଇଛନ୍ତି । PIBର ପ୍ରଧାନ ମହାନିର୍ଦ୍ଦେଶକ କେ.ଏସ୍‌ ଧତବାଲିଆ କରୋନା ଭାଇରସରେ ଆକ୍ରାନ୍ତ ଥିବା ଜଣାପଡିବା ପରେ ସୋମବାର ଦିନ PIBର ମିଡିଆ ସେଣ୍ଟରକୁ ବନ୍ଦ କରାଯାଇଛି । ଆଜି ଏହି ସେଣ୍ଟରକୁ ପୁରା ସାନିଟାଇଜ୍‌ କରାଯିବ । ତେବେ ପ୍ରଧାନ ନିର୍ଦ୍ଦେଶକ କରୋନା ପଜିଟିଭ୍‌ ଜଣାପଡିବା ପରେ ନୀତିନ ଗଡ଼କୀରଙ୍କ ସମେତ ଅନେକ କେନ୍ଦ୍ର ମନ୍ତ୍ରୀଙ୍କ ଉପରେ ମଧ୍ୟ ସଂକ୍ରମଣର ଭୟ ରହିଛି । ସେହିପରି   ଅନେକ ଲୋକଙ୍କ କ୍ୱାରେଣ୍ଟାଇନ୍‌ରେ ରହିବାକୁ ନିର୍ଦ୍ଦେଶ ଦିଆଯାଇଛି ।

ସୂଚନାଯୋଗ୍ୟ ଯେ, ରବିବାର ଦିନ PIB ପ୍ରଧାନ ମହାନିର୍ଦ୍ଦେଶକ କେ.ଏସ୍‌ ଧତବାଲିଆ କରୋନା ସଂକ୍ରମିତ ବୋଲି ଜଣାପଡିଥିଲା । ସେ କରୋନା ପଜିଟିଭ୍‌ ଜଣାପଡିବା ପରେ ତାଙ୍କୁ ଦିଲ୍ଲୀ ସ୍ଥିତି AIIMSରେ ଭର୍ତ୍ତି କରାଯାଇଛି । କିନ୍ତୁ ତାଙ୍କ ସ୍ୱାସ୍ଥ୍ୟ ନେଇ କୌଣସି ଅଧିକାରୀକ ବୟାନ ଜାରି କରାଯାଇନାହିଁ । ସୋମବାର ଦିନ ମିଡିଆ ସେଣ୍ଟର ବନ୍ଦରହିବ ବୋଲି ସୂଚନା ମିଳିଛି । କାରଣ ଏହାଦ୍ୱାରା ପୂରା ସେଣ୍ଟରକୁ ସାନିଟାଇଜ୍‌ କରାଯିବ । ଏବଂ ସଂସ୍ପର୍ଶରେ ଆସିଥିବା ଲୋକଙ୍କୁ ଟ୍ରାକିଂ କରାଯିବ । ଯେପରି ସଂକ୍ରମଣ ନବ୍ୟାପେ , ସେଥିପ୍ରତି ଯଥେଷ୍ଟ ଧ୍ୟାନ ଦିଆଯାଉଥିବାର ସୂଚନା ମିଳିଛି ।

ସୂଚନାନୁସାରେ ନ୍ୟାସନାଲ୍‌ ମିଡିଆ ସେଣ୍ଟରକୁ ସମ୍ପୂର୍ଣ୍ଣ ଭାବେ ସଂକ୍ରମଣମୁକ୍ତ କରାଯିବ । ଏହାପରେ ଯାଇ ଖୋଲିବ ବୋଲି ଅନୁମାନ କରାଯାଉଛି । ତେବେ ଯେପର୍ଯ୍ୟନ୍ତ ନ୍ୟାସ୍‌ନାଲ ମିଡିଆ ସେଣ୍ଟର ସମ୍ପୂର୍ଣ୍ଣ ଭାବେ ସଂକ୍ରମଣ ମୁକ୍ତ ହୋଇନାହିଁ , ସେପର୍ଯ୍ୟନ୍ତ ସମସ୍ତ କାର୍ଯ୍ୟକ୍ରମ ଶାସ୍ତ୍ରୀ ଭବନରେ କରାଯିବାର କାର୍ଯ୍ୟକ୍ରମ ରହିଛି । କେ ,ଏସ୍‌ ଧତବାଲିଆ ସୋମବାର ଓ ବୁଧବାର ଦିନ କେନ୍ଦ୍ରମନ୍ତ୍ରୀ ନୀତିନ ଗଡକରୀ , ନରେନ୍ଦ୍ର ସିଂହ ତୋମାର ଓ ପ୍ରକାଶ ଜାବେଡକରଙ୍କ ସହିତ ଗୋଟିଏ ମଞ୍ଚରେ ବସିଥିଲେ । ଏହି ସମୟରେ ମନ୍ତ୍ରୀମଣ୍ଡଳର ନିଷ୍ପତ୍ତି ସମ୍ପର୍କରେ ପ୍ରେସ୍‌ମିଟି କରିଥିଲେ । କେ.ଏସ୍‌ ଧତବାଲିଆ PIBର ପ୍ରଧାନ ନିର୍ଦ୍ଦେଶକ ହେବା କାରଣରୁ ସେ ମଧ୍ୟ କେନ୍ଦ୍ର ସରକାରଙ୍କ ପ୍ରଧାନ ପ୍ରବକ୍ତା ମଧ୍ୟ ହୋଇଥାନ୍ତି ।  

   Related Posts