Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପାଠକ ବାପ-ପୁଅ ଗିରଫ, କୁବେର ଜଙ୍ଗଲ ଅଫିସରଙ୍କ ଅମାପ ସଂପତ୍ତି ଠାବ କରିଛି ଭିଜିଲାନ୍ସ
  • ||
  • ଭୁବନେଶ୍ବର : ରାଜ୍ୟରେ ଆଉ ୧୪ କରୋନା ସଂକ୍ରମିତ ପ୍ରାଣ ହରାଇଲେ, ୧୭୧୮ରେ ପହଞ୍ଚିଲା ମୃତକଙ୍କ ସଂଖ୍ୟା
  • ||
  • ଭୁବନେଶ୍ବର : ରାଜ୍ୟରେ ଚିହ୍ନଟ ହେଲେ ୫୯୪ କରୋନା ସଂକ୍ରମିତ, ୩୧୭୨୩୯ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଭାରତ-ଅଷ୍ଟ୍ରେଲିଆ ଦିନିକିଆ ସିରିଜ୍, ଦଳରେ ସାମିଲ ହେଲେ ଦ୍ରୁତ ବୋଲର ଟି. ନଟରାଜନ
  • ||
  • ଭୁବନେଶ୍ବର : ଦଶମ ଶ୍ରେଣୀ ଛାତ୍ରୀ କଲେ ଆତ୍ମହତ୍ୟା ! ବେକରେ ରଶି ଲଗାଇ ପଙ୍ଖାରେ ଝୁଲି ପଡିଲେ, କାରଣ ଅସ୍ପଷ୍ଟ
  • ||
  • ରାଜକୋଟ : କୋଭିଡ୍ ହସ୍ପିଟାଲରେ ଲାଗିଲା ନିଆଁ, ୬ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ପୁରୀ : ମହାପ୍ରଭୁଙ୍କ ଦୁର୍ଲଭ ନାଗାର୍ଜୁନ ବେଶ, ସୁରକ୍ଷା ବଳୟରେ ଶ୍ରୀମନ୍ଦିର, ଦର୍ଶନ ପାଇଁ ଭକ୍ତ ବ୍ୟାକୁଳ
  • ||
  • ମହାପ୍ରଭୁଙ୍କ ଦୁର୍ଲଭ ନାଗାର୍ଜୁନ ବେଶ: ସୁରକ୍ଷା ବଳୟରେ ଶ୍ରୀମନ୍ଦିର, ଦର୍ଶନ ପାଇଁ ଭକ୍ତ ବ୍ୟାକୁଳ
  • ||
  • ଭାରତ-ଅଷ୍ଟ୍ରେଲିଆ ପ୍ରଥମ ଦିନିକିଆ : ଟସ୍ ଜିତିଲା ଅଷ୍ଟ୍ରେଲିଆ, ପ୍ରଥମେ କରିବ ବ୍ୟାଟିଂ
  • ||
  • ଚଳିତ ବର୍ଷ ବିନ୍ଦୁସାଗରରେ ଡଙ୍ଗା ଭସା ଉପରେ ରୋକ୍, ନିଷ୍ପତ୍ତି ନେଲା ବିଏମସି
  • ||

ସାଧାରଣ ଜୀବନଯାପନ ଲାଗି ରାଜକୀୟ ଜୀବନ ଶୈଳୀକୁ good bye କହିଲେ ପ୍ରିନ୍ସ ହ୍ୟାରୀ ଓ ମେଗନ୍

10/01/2020 at 9:33 PM

ଲଣ୍ଡନ ୧୦।୧:  ଲୋକେ ରାଜକୀୟ ଜୀବନ ଶୈଳୀ ଲାଗି ଦିନରାତି ଏକ କରିଦେଇଥିବା ବେଳେ ଘଟିଛି ଅଭାବନୀୟ ଘଟଣା। ବ୍ରିଟେନ ରାଜ ପରିବାରର ସଦସ୍ୟ ତଥା ମହାରାଣୀ ଏଲିଜାବେଥଙ୍କ ନାତି ପ୍ରିନ୍ସ ହ୍ୟାରୀ ଓ ତାଙ୍କ ପତ୍ନୀ ମେଗନ ମାର୍କେଲ ରାଜପରିବାର ଛାଡିବାକୁ ନିଷ୍ପତ୍ତି ନେଇଛନ୍ତି। ଡ୍ୟୁକ୍ ଏଣ୍ଡ ଡଚେସ୍ ଅଫ ସସେକ୍ସ ଗତ ବୁଧବାର ଏକ ବୟାନ ଜାରି କରି ଏ ସମ୍ପର୍କରେ ସୂଚନା ଦେଇଥିବା ବେଳେ ବ୍ରିଟିଶ ରାଜ ପରିବାରରେ ଝଡ ସୃଷ୍ଟି ହୋଇଛି।

ସେମାନେ ସାଧାରଣ ଜୀବନ ବଞ୍ଚିବା ଲାଗି ଏଭଳି ନିଷ୍ପତ୍ତି ନେଇଥିବା ବିବୃତ୍ତିରେ ଉଲ୍ଲେଖ କରିଛନ୍ତି। ଏହି ନିଷ୍ପତ୍ତି ପରେ ହ୍ୟାରି ଓ ମେଗନ ଆଉ ବ୍ରିଟିଶ ରାଜ ପରିବାରର ବରିଷ୍ଠତମ ସଦସ୍ୟ ମାନ୍ୟ ହେବେ ନାହିଁ। ଗତ ୧୯ ମେ ୨୦୧୮ରେ ପ୍ରିନ୍ସ ହ୍ୟାରି ମେଗନଙ୍କୁ ରାଜକୀୟ ରିତିରିବାଜରେ ବିବାହ କରିଥିଲେ। ସେମାନଙ୍କର ଏକ ୮ ମାସର ପୁଅ ଆର୍ଚି ବି ଅଛି। ଗତ ବଡଦିନ ଓ ନୂଆବର୍ଷ ପାଳନ ଲାଗି ରାଜପରିବାରର ଏହି ସଦସ୍ୟମାନେ ଉତ୍ତର ଆମେରିକା ଯାଇଥିବା ବେଳେ ଏବେ ସେଠାରେ ଅବସ୍ଥାନ କରିବାକୁ ଏବେ ବିଚାର କରୁଛନ୍ତି।

ତେବେ ପ୍ରିନ୍ସ ହ୍ୟାରି ମେଗନଙ୍କ ଏହି ନିଷ୍ପତ୍ତି ପରେ ବ୍ରିଟିଶ ରାଜପରିବାର ପକ୍ଷରୁ ତୀବ୍ର ପ୍ରତିକ୍ରିୟା ପ୍ରକାଶ ପାଇଛି। ମାମଲାରେ ଡ୍ୟୁକ୍ ଏଣ୍ଡ ଡଚେସ୍‌ଙ୍କ ସହ ଆଲୋଚନା କରାଯାଉଥିବା ବକିଂହମ ପାଲେସ୍ ପକ୍ଷରୁ କୁହାଯାଇଛି। ସେମାନେ ଅନେକ କିଛି ନୂଆ କରିବାକୁ ଚାହୁଁଥିବା ରାଜପରିବାର ପକ୍ଷରୁ କୁହାଯାଇଛି। ତେବେ ଏହା ପାରିବାରିକ ମାମଲା ହୋଇଥିବାରୁ ପ୍ରସଙ୍ଗ ଦୀର୍ଘ ସମୟ ଧରି ଚାଲିପାରେ ବୋଲି କୁହାଯାଇଛି।   

ସେପଟେ ମେଗନ ମାର୍କେଲ ଶୁକ୍ରବାର କାନାଡା ଫେରିଥିବା ଜଣାପଡିଛି। ସେଠାରେ ସେ ତାଙ୍କର ୮ ମାସର ପୁଅ ଆର୍ଚିକୁ ତାଙ୍କର ବାନ୍ଧବୀ ଜେସିକା ମୁଲରୋନୀଙ୍କ ଦେଖରେଖରେ ଛାଡିଯାଇଥିଲେ। ତେବେ ରାଜପରିବାର ଛାଡୁଥିବା ନେଇ ଆଲୋଚନା ଲାଗି ପ୍ରିନ୍ସ ହ୍ୟାରି ଏବେବି ବ୍ରିଟେନରେ ଥିବା ଜଣାପଡିଛି। ପ୍ରିନ୍ସ ହ୍ୟାରି ରଗବି ଲିଗ୍ ୨୦୨୧ ଲାଗି ଆଗାମୀ ସପ୍ତାହ ପର୍ଯ୍ୟନ୍ତ ବ୍ରିଟେନରେ ଅବସ୍ଥାନ କରିବେ ବୋଲି ଜଣାପଡିଛି। ତେବେ ମେଗାନଙ୍କର ଏହା ଏକ ପରିଦର୍ଶନ ବୋଲି କୁହାଯାଉଛି । ପୁଅକୁ ସାଥିରେ ନେବା ଲାଗି ସେ ଭାଙ୍କୋଭର ଆସିଛନ୍ତି।  

ହ୍ୟାରି ଓ ମେଗନଙ୍କ ନିଷ୍ପତ୍ତି କ୍ୱିନ୍ ଏଲିଜାବେଥ ଦ୍ୱିତୀୟଙ୍କୁ ବ୍ୟଥିତ କରିଛି। ଆଗକୁ କେଟ୍ ମିଡିଲଟନଙ୍କ ୩୮ ତମ ଜନ୍ମଦିନ । ତେବେ ରାଜପରିବାର ବିଷାଦଗ୍ରସ୍ତ ହୋଇପଡିଥିବାରୁ ତାଙ୍କ ଜନ୍ନଦିନ ଉତ୍ସବ ଏବେବି ସନ୍ଦେହରେ ରହିଛି।  ହେଲେ ହ୍ୟାରି ଓ ମେଗନ ଆର୍ଥିକ ସ୍ୱାଚ୍ଛନ୍ଦ୍ୟ ଲାଗି ନୂଆ ଜୀବନଶୈଳୀ ଗ୍ରହଣ କରିବାକୁ ଯାଉଥିବା କହିଛନ୍ତି। ଏହା ଦ୍ୱାରା ସେମାନଙ୍କ ପୁଅର ସେମାନେ ଉପଯୁକ୍ତ ଲାଳନପାଳନ ମଧ୍ୟ କରିପାରିବେ ବୋଲି ଆଶାପୋଷଣ କରୁଛନ୍ତି।

   Related Posts