Wednesday, December 11, 2019

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ସ୍କୁଲ ଛାତ୍ରଛାତ୍ରୀଙ୍କ ସହ ତାଜ୍ ହୋଟେଲରେ ୭୧ତମ ଜନ୍ମଦିନ ପାଳିଲେ ପ୍ରିନ୍ସ ଚାର୍ଲସ୍

ମୁମ୍ବାଇ :  ନଭେମ୍ବର ୧୪ କେବଳ ଭାରତର ପ୍ରଥମ ପ୍ରଧାନମନ୍ତ୍ରୀ ଜବାହାର ଲାଲ ନେହେରୁ ନୁହଁନ୍ତି ଦେଶର ପୂର୍ବ ଇଂରେଜ ଶାସକଙ୍କ ଉତ୍ତରାଧିକାରୀ ପ୍ରିନ୍ସ ଚାର୍ଲସଙ୍କ ଜନ୍ମଦିନ ମଧ୍ୟ। ୩ ଦିବସୀୟ ଭାରତ ଗସ୍ତରେ ଆସିଥିବା ପ୍ରିନ୍ସ ଚାର୍ଲସ ଗୁରୁବାର ମୁମ୍ବାଇରେ ତାଙ୍କର ୭୧ତମ ଜନ୍ମଦିନ ପାଳନ କରିଛନ୍ତି। ତାଜ ହୋଟେଲରେ ଅନୁଷ୍ଠିତ ଏକ ସଂକ୍ଷିପ୍ତ କାର୍ଯ୍ୟକ୍ରମରେ ଚାର୍ଲସ ସ୍କୁଲ ପିଲାଙ୍କ ଗହଣରେ କେକ୍ କାଟି ଜନ୍ମଦିନ ପାଳନ କରିଥିବା ବେଳେ ପିଲାମାନେ ତାଳି ବଜାଇ ତାଙ୍କୁ ଜନ୍ମଦିନର ଶୁଭେଚ୍ଛା ଜ୍ଞାପନ କରିଛନ୍ତି।

ତେବେ ଜନ୍ମଦିନ ପାଳନ ପୂର୍ବରୁ ଚାର୍ଲସ୍ ହୋଟେଲରେ ବ୍ୟବସାୟୀଙ୍କ ସହ ସ୍ଥାୟୀ ବଜାର ଶିର୍ଷକ ଏକ ଗୋଲ ଟେବୁଲ ବୈଠକରେ ଯୋଗ ଦେଇଥିଲେ । ପ୍ରିନ୍ସ ଚାର୍ଲସଙ୍କର ଏହା ୧୦ମ ଅଧିକାରୀ ଭାରତ ଗସ୍ତ କାର୍ଯ୍ୟକ୍ରମ। ଏହା ପୂର୍ବରୁ ୨୦୧୭ ମସିହାରେ ପତ୍ନୀ କ୍ୟାମିଲାଙ୍କ ସହ ଭାରତ ଗସ୍ତରେ ଆସିଥିଲେ।

ମୁମ୍ବାଇ ଗସ୍ତ ପୂର୍ବରୁ ଚାର୍ଲସ ବୁଧବାର ଦିଲ୍ଲୀରେ ରାଷ୍ଟ୍ରପତି ରାମନାଥ କୋବିନ୍ଦଙ୍କୁ ଭେଟିଥିଲେ। ପରେ ବଂଗଲାସାହିବ ଗୁରୁଦ୍ୱାର ଯାଇ ସେଠାରେ ମଥାନତ କରିବା ସହ ଶ୍ରଦ୍ଧାଳୁଙ୍କ ଲାଗି ରୁଟି ସେକିଥିଲେ।  ଏହି ଅବସରରେ ସେ ପାଣିପାଗ ବିଭାଗ କାର୍ଯ୍ୟାଳୟ ମଧ୍ୟ ପରିଦର୍ଶନରେ ଯାଇଥିଲେ।

141 Views

   ସମ୍ବନ୍ଧିତ ଖବର