Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମହାପ୍ରଭୁ ଜଗନ୍ନାଥଙ୍କୁ ଦର୍ଶନ କଲେ ମୁଖ୍ୟ ଶାସନ ସଚିବ
  • ||
  • ଜି.ଉଦୟଗିରି: ମିନିବସରେ ଲାଗିଲା ନିଆଁ
  • ||
  • ଟାଙ୍ଗୀ: ବାଲିନାଶିରେ ୨ ଭାଇଙ୍କୁ ଗୋଡ଼େଇ ଗୋଡ଼େଇ ହାଣିଲେ ଦୁର୍ବୃତ୍ତ, ଗୁରୁତର ଅବସ୍ଥାରେ ଏମ୍ସରେ ଭର୍ତ୍ତି
  • ||
  • ବଲାଙ୍ଗୀର: ବେଆଇନ୍ ବାଲି ବୋଝେଇ ଟ୍ରାକ୍ଟର ଜବତ, ମାଲିକଙ୍କ ଉପରେ ୨୦ ହଜାର ଟଙ୍କାର ଫାଇନ୍ ଲଗାଇଲେ ତହସିଲଦାର
  • ||
  • ରାଇରଙ୍ଗପୁର: କଲୋନୀରେ ଅଗ୍ନିକାଣ୍ଡ, ଜଳି ପାଉଁଶ ହୋଇଗଲା ୨ ବଖରା ଘର
  • ||
  • ନବରଙ୍ଗପୁର : ନିଖୋଜ ଯୁବକଙ୍କ ଗଳିତ ମୃତଦେହ ଉଦ୍ଧାର
  • ||
  • କାମାକ୍ଷାନଗର : ବାଇକ୍‌କୁ ଧକ୍କା ଦେଲା ହାଇଓ୍ବା, ଜଣେ ମୃତ, ଜଣେ ଗୁରୁତର
  • ||
  • ବଲାଙ୍ଗୀର: ଆକ୍ସନ ମୋଡ୍‌ରେ ପଶ୍ଚିମ ଓଡିଶା ବିକାଶ ପରିଷଦର ଅଧ୍ୟକ୍ଷ, ଆରମ୍ଭ କଲେ ନୂଆ ପ୍ରକଳ୍ପ
  • ||
  • ବରଗଡ : ବାଲି ବୋଝେଇ ଟ୍ରାକ୍ଟର ଓ ବାଇକ୍ ମୁହାଁମୁହିଁ ଧକ୍କା, ୨ ଜଣ ମୃତ
  • ||
  • ଭୁବନେଶ୍ବର : ମାଟ୍ରିକ୍ ପରୀକ୍ଷାର୍ଥୀଙ୍କୁ ମିଳିବ ‘ପରୀକ୍ଷା ଦର୍ପଣ’, ପରୀକ୍ଷା ପାଇଁ ହେବ ସହାୟକ
  • ||

ପରୀକ୍ଷା ନୁହେଁ ଜୀବନର ସବୁକିଛି-ନରେନ୍ଦ୍ର ମୋଦି

20/01/2020 at 8:21 PM

ନୂଆଦିଲ୍ଲୀ୨୦/୧: ସ୍କୁଲ ପରୀକ୍ଷା ଜୀବନର ସବୁକିଛି ନୁହେଁ । କାରଣ ଜୀବନରେ ବହୁ ବଡ଼ ବଡ଼ ପରୀକ୍ଷା ଆସିବ । କେବଳ ନମ୍ବର ରଖିବା ଜୀବନର ଲକ୍ଷ୍ୟ ନ ହେଉଛି । ଆଗକୁ ପରୀକ୍ଷା ସିଜନ୍‌ ଆସୁଥିବା ବେଳେ  ସାରା ଦେଶର ପିଲାଙ୍କୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏଭଳି  ଟିପ୍ସ ଦେଇଛନ୍ତି । ଦିଲ୍ଲୀର ତାଲକୋଟରା ଷ୍ଟାଡିୟମରେ ସାରା ଦେଶର ଛାତ୍ରଛାତ୍ରୀଙ୍କୁ ନେଇ ପରୀକ୍ଷା ପେ ଚର୍ଚ୍ଚା କାର୍ଯ୍ୟକ୍ରମରେ ପ୍ରଧାନମନ୍ତ୍ରୀ ମୋଦି ବିଭିନ୍ନ ଉପଦେଶ ଦେବା ସହିତ ପିଲାମାନଙ୍କୁ ଉଜ୍ଜଳ ଭବିଷ୍ୟତର କାମନା କରିଛନ୍ତି ।

ନମ୍ବର ନୁହେଁ ମାନଦଣ୍ଡ। ପରୀକ୍ଷା ନୁହେଁ ଜୀବନର ସବୁକିଛି। ପରୀକ୍ଷା ସିଜିନ ଆରମ୍ଭ ହେବା ପୂର୍ବରୁ ଛାତ୍ରଛାତ୍ରୀଙ୍କ ମନୋବଳ ବଢ଼ାଇଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଦିଲ୍ଲୀର ଖଚାଖଚ୍‌ ତାଲକୋଟରା ଷ୍ଟାଡିୟମ । ସାରା ଦେଶରୁ ବଛା ହୋଇ ଆସିଥିବା ୨୦୦୦ ଛାତ୍ରଛାତ୍ରୀଙ୍କୁ ପ୍ରଧାନମନ୍ତ୍ରୀ ମୋଦି ଦେଇଥିଲେ ଟିପ୍ସ । ଜୀବନରେ କିଛି ବନିବା ପାଇଁ ନୁହେଁ ବରଂ କିଛି କରିବା ପାଇଁ ସ୍ବପ୍ନ ଦେଖିଲେ ହିଁ ସଫଳତା ମିଳିଥାଏ ବୋଲି ପ୍ରଧାନମନ୍ତ୍ରୀ ପିଲାମାନଙ୍କୁ କହିଛନ୍ତି ।

ଟେକ୍ନୋଲୋଜିର ବ୍ୟବହାର ନିଜ ହିତରେ କରିବା ଆବଶ୍ୟକ ବୋଲି ମୋଦି କହିଛନ୍ତି । ସ୍ମାର୍ଟ ଫୋନ୍ ଆମର ଦିନର କେତେ ସମୟ ଚୋରି କରୁଛି ସେକଥା ମଧ୍ୟ ଚେତାଇ ଦେଇଥିଲେ ପ୍ରଧାନମନ୍ତ୍ରୀ। ସେହିପରି ବିଫଳତାରୁ ଶିଖିବାକୁ ପରମର୍ଶ ଦେଇଥିଲେ। ଏଥିପାଇଁ ଚନ୍ଦ୍ରଯାନର ଉଦାହରଣ ଦେଇଥିଲେ।

ଭାରତୀୟ ନାଗରିକ ଭାବେ ସମସ୍ତେ କର୍ତ୍ତବ୍ୟ ପାଳନ କରିବା ସହିତ ଲାଇନ୍‌ରେ ରହିବା, ବିଦ୍ୟୁତ୍‌ର କମ୍‌ ବ୍ୟବହାର କରିବା, ଟିକେଟ୍‌ ନେଇ ଯାତାୟତ କରିବା ପାଇଁ ମୋଦି ପରାମର୍ଶ ଦେଇଥିଲେ । ପ୍ରଧାନମନ୍ତ୍ରୀଙ୍କ ଏହି କାର୍ଯ୍ୟକ୍ରମକୁ ଟିଭି ଏବଂ ଇଣ୍ଟରନେଟରେ ଲକ୍ଷ ଲକ୍ଷ ଛାତ୍ରଛାତ୍ରୀ ଦେଖିଥିଲେ। କିଛି ସ୍କୁଲରେ ମଧ୍ୟ ପିଲାଙ୍କ ପାଇଁ ଏହାକୁ ଦେଖିବାର ଆୟୋଜନ କରାଯାଇଥିଲା। ନିଜକୁ ପିଲାମାନଙ୍କର ସାଙ୍ଗ ବୋଲି କହିବା ସହିତ ଆଗକୁ ମଧ୍ୟ ସେମାନଙ୍କର ସହିତ ଯୋଡ଼ି ହୋଇ ରହିବେ ବୋଲି କହିଛନ୍ତି। ପରୀକ୍ଷା ପେ ଚର୍ଚ୍ଚା କାର୍ଯ୍ୟକ୍ରମ ଗତ ୩ ବର୍ଷ ଧରି ଅନୁଷ୍ଠିତ ହୋଇଆସୁଛି ।ଛାତ୍ରଛାତ୍ରୀଙ୍କ ବିଭିନ୍ନ ପ୍ରଶ୍ନର ଉତ୍ତର ଦେଇଥିଲେ ପ୍ରଧାନମନ୍ତ୍ରୀ ।ପିଲାମାନଙ୍କ ଦ୍ବାରା କରାଯାଇଥିବା ପେଣ୍ଟିଂ ପ୍ରଦର୍ଶନୀକୁ ମୋଦି ବୁଲି ଦେଖିଥିଲେ ।

   Related Posts