ori homes
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଆଜି ପବିତ୍ର ଶ୍ରୀକ୍ଷେତ୍ର ଭଉଁରୀ : ଅଖ ଚକ ଡେରା ନୀତି ସଂପନ୍ନ
  • ||
  • କୁତବ ମୀନାର ପରିସରରେ ଖନନ ସହ ଆଇକନୋଗ୍ରାଫି କରିବାକୁ ଏଏସ୍‌ଆଇକୁ ସଂସ୍କୃତି ମନ୍ତ୍ରାଳୟର ନିର୍ଦ୍ଦେଶ
  • ||
  • ସ୍ୱିଜରଲାଣ୍ଡରେ ବିଶ୍ୱ ଅର୍ଥନୈତିକ ମଞ୍ଚର ବାର୍ଷିକ ସମ୍ମିଳନୀ : ମହାମାରୀରୁ ମୁକ୍ତି ପାଇଁ ବାଟ ବାହାର କରିବେ ବିଶ୍ୱନେତା
  • ||
  • ମ୍ୟାଚ୍ ପୂର୍ବରୁ ରନ୍ ଅପ୍ ଯାଞ୍ଚ କଲେ ଅର୍ଜୁନ ତେନ୍ଦୁଲକର : କିନ୍ତୁ ଚୂଡାନ୍ତ ଏକାଦଶରେ ମିଳିଲାନି ଏଣ୍ଟ୍ରି
  • ||

ପ୍ରଧାନମନ୍ତ୍ରୀଙ୍କୁ ହତ୍ୟା ଷଡଯନ୍ତ୍ର: ବରବରା ରାଓ ଗିରଫ

28/08/2018 at 7:02 AM

ହାଇଦ୍ରାବାଦ୨୮|୮: ମୋଦି ହତ୍ୟାଷଡଯନ୍ତ୍ର ମାମଲାରେ ବାମପନ୍ଥୀ ବିଚାରଧାରାର ସମର୍ଥକ ତଥା ଲେଖକ ପି. ବରବରା ରାଓ ଗିରଫ ହୋଇଛନ୍ତି । ପୁନେ ପୋଲିସ ଆଜି ବରବରା ରାଓଙ୍କୁ ତାଙ୍କ ହାଇଦ୍ରାବାଦ ଘରୁ ଗିରଫ କରିଛି । ୭୮ ବର୍ଷୀୟ ବରବରା ରାଓଙ୍କ ଗିରଫ ନେଇ ତାଙ୍କ ପରିବାର ପକ୍ଷରୁ ସୂଚନା ମିଳିଛି । ହାଇଦ୍ରାବାଦର ଗାନ୍ଧିନଗର ଘର ସମେତ ୭ ଜଣଙ୍କ ଘରେ ଆଠ ଘଣ୍ଟାର ଚଢାଉ ପରେ ବରବରା ରାଓଙ୍କୁ ଉଠାଇନେଇଛି ପୋଲିସ । ବରବରା ରାଓଙ୍କ ଘନିଷ୍ଠ ଦୁଇଜଣ ସାମ୍ବାଦିକ ଓ ଜଣେ ପ୍ରାଧ୍ୟାପକଙ୍କ ଘରେ ବି ଚଢାଉ କରିଥିଲା ପୋଲିସ। ତେବେ ସେମାନଙ୍କ ମଧ୍ୟରୁ ସାମ୍ବାଦିକ ଟେକୁଲୁ କାରାନ୍ଥିଙ୍କୁ ପୋଲିସ ଗିରଫ କରିଛି । କାରାନ୍ଥିଙ୍କ ଘରୁ ଜବତ ଏକ ଲ୍ୟାପଟପ୍ ଏବଂ କିଛି ଲିଫଲେଟ୍‌ରୁ ତାଙ୍କର ନିଷିଦ୍ଧ ଘୋଷିତ ମାଓ ଇଷ୍ଟି ପାର୍ଟି ସହ ସଂପର୍କ ଥିବା ସନ୍ଦେହ କରି ତାଙ୍କୁ ଧରି ନେଇଛି ପୋଲିସ । ଆଜି କେବଳ ହାଇଦ୍ରାବାଦ ନୁହେଁ ,ମୋଦି ହତ୍ୟା ଉଦ୍ୟମ ଷଡଯନ୍ତ୍ର ମାମଲାରେ ୫ ରାଜ୍ୟର ବିଭିନ୍ନ ସ୍ଥାନରେ ପୋଲିସ ଚଢାଉ କରିଥିଲା । ଏହି ଘଟଣାରେ ଜୁନ୍ ୬ ତାରିଖରେ ଦିଲ୍ଲୀ, ମୁମ୍ବାଇ ଓ ନାଗପୁରରୁ ୫ ଜଣ ପ୍ରମୂଖ ମାଓବାଦି ସମର୍ଥକଙ୍କୁ ଗିରଫ କରିସାରିଛି ପୋଲିସ। ତେବେ ହାଇଦ୍ରାବାଦରେ ବରବରା ରାଓଙ୍କୁ ଗିରଫ ପରେ ପ୍ରଥମେ ସିକନ୍ଦରାବାଦର ଗାନ୍ଧି ହସପିଟାଲ ନିଆଯାଇଥିଲା । ତାପରେ ତାଙ୍କୁ ପୁନେ ନିଆଯାଇଥିବା ଆଶଙ୍କା କରାଯାଉଛି । ଏପଟେ ବିଭିନ୍ନ ସଂଗଠନ ଓ ହାଇଦ୍ରାବାଦର ବହୁ ବୁଦ୍ଧିଜୀବୀ ବରାବରା ରାଓଙ୍କ ଗିରଫକୁ ନିନ୍ଦା କରିଛନ୍ତି ।

   Related Posts