Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଶଙ୍ଖ ନଦୀରେ ବୁଡ଼ି ଜଣେ ଯୁବକ ନିଖୋଜ, ୪ ଜଣ ହସ୍ପିଟାଲରେ ଭର୍ତ୍ତି
  • ||
  • ତାଳପଦର ବିଜୁ ସେତୁ ଭୁଶୁଡିବା ଘଟଣା: ଗ୍ରାମ୍ୟ ଉନ୍ନୟନ ବିଭାଗ ଏସ୍‌ଡିଓ ଅସିତ ପାତ୍ର ଗିରଫ
  • ||
  • ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୯୦୦ ଛୁଇଁଲା ମୃତକଙ୍କ ସଂଖ୍ୟା
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୮୩ କୋଭିଡ୍ ସଂକ୍ରମିତ, ୩୩୩୩୧୦ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଦେଶରେ କମୁଛି କୋଭିଡ଼ ସଂକ୍ରମଣ, ଗତ ୨୪ଘଣ୍ଟାରେ ୧୫,୧୪୪ କରୋନା ସଂକ୍ରମିତ ଚିହ୍ନଟ
  • ||
  • ଜୟପୁର : ଚଳନ୍ତା ବସ୍‌ରେ ଲାଗିଲା ବିଦ୍ୟୁତ ତାର ; ୬ ମୃତ , ୧୭ ଗୁରୁତର
  • ||
  • ଅପରେସନ ଗ୍ରୀନ କ୍ଲିନ, ପ୍ରାୟ ୧୨ କୋଟି ଟଙ୍କାର ଗଞ୍ଜେଇ ଚାଷ ନଷ୍ଟ
  • ||
  • ଦିଲ୍ଲୀ: କରୋନା ଟିକା ନେବା ପରେ ୫୧ ଜଣଙ୍କ ଠାରେ ଦେଖାଗଲା ପାର୍ଶ୍ବ ପ୍ରତିକ୍ରିୟା
  • ||

ତେଲ ଓ ଡାଲି ସହ ବଢିଲା ଚା ପତି ଦର, ଖାଉଟି ଅସନ୍ତୋଷ

6/12/2020 at 7:53 PM

ନୂଆଦିଲ୍ଲୀ ୬।୧୨: କୋଭିଡ ଲକଡାଉନ୍‌ ପରବର୍ତ୍ତି ପରିସ୍ଥିତି ପରିଚାଳନାରେ ସରକାର ସମ୍ପୂର୍ଣ୍ଣ ବିଫଳ ହୋଇଛନ୍ତି। କୋଭିଡ ଲକଡାଉନ୍‌ ଲୋକଙ୍କ କର୍ମସଂସ୍ଥାନ ଛଡାଇ ନେଇଥିବା ବେଳେ ଅନିୟନ୍ତ୍ରିତ ବଜାର ଦର ଏବେ ବେଡି ଉପରେ କୋରଡା ହୋଇଛି। କିଛି ସମୟ ପୂର୍ବରୁ ଆଳୁ ଦର ଆକାକଶ ଛୁଇଁଥିବା ବେଳେ ପ୍ରସଙ୍ଗରେ ସରକାର ଦୂରର କଥା ପ୍ରଶାସନ ମଧ୍ୟ ମୁହଁ ଖୋଲିନଥିଲା। ଏବେ ଅତ୍ୟାବଶକୀୟ ଖାଦ୍ୟ ସାମଗ୍ରୀ ମହଙ୍ଗା ହେବା ବେଳକୁ ସରକାରଙ୍କ ନୀରବତା ଲୋକଙ୍କ ଅସନ୍ତୋଷର କାରଣ ପାଲଟିଛି। 

ଦିପାବଳୀ ପରେ ଦେଶର ବଜାରରେ ତେଲ ଓ ଡାଲି ମହଙ୍ଗା ହୋଇଯାଇଥିବା ବେଳେ ଏବେ ଚାପତି ମୂଲ୍ୟ ବୃଦ୍ଧି ମଧ୍ୟମବର୍ଗିୟ ପରିବାରଙ୍କୁ ନିଜର ଖର୍ଚ୍ଚକାଟ ଲାଗି ଚିନ୍ତା କରିବାକୁ ବାଧ୍ୟ କରୁଛି। ଖୁଚୁରା ବ୍ୟବସାୟୀଙ୍କ ଅନୁସାରେ ଖାଦ୍ୟସାମଗ୍ରୀ ଦରବୃଦ୍ଧି ଦିପାବଳୀ ପରଠାରୁ ହେବାରେ ଲାଗିଛି। ଏବେ ପରିସ୍ଥିତି ଏପରି ହୋଇଛି ଯେ ତେଲ ଓ ଚା ପତି ଦର ସବୁଦିନ ବଦଳୁଛି।

ଦିପାବଳୀ ପୂର୍ବରୁ ବଜାରରେ ସୋୟାବିନ୍‌ ତେଲ ପ୍ରତି ଲିଟର ୯୦ ଟଙ୍କାରେ ବିକା ଯାଉଥିଲା। ଏବେ ଏହାର ବଜାର ଦର ୧୨୦ ଟଙ୍କାରେ ପହଞ୍ଚିଛି। ସେହିପରି ଲିଟର ପିଛା ୧୩୫ ଟଙ୍କାରେ ବିକ୍ରି ହେଉଥିବା ବାଦାମ ତେଲ ଦର ଏବେ ଦେଢଶହ ଟଙ୍କାରେ ବିକା ହେଉଛି। ୧୦୦ଟଙ୍କା ଲିଟରରେ ବିକ୍ରି ହେଉଥିବା ସୋରିଷ ତେଲ ଦର ଏବେ ୧୩୫ ଟଙ୍କାରେ ବିକା ହେବା ଚିନ୍ତାଜନକ ପରିସ୍ଥିତି ସୃଷ୍ଟି କରିଛି।

ଦିପାବଳୀ ପୂର୍ବ ଓ ଏବେର ବଜାର ପରିସ୍ଥିତି ସମ୍ପୂର୍ଣ୍ଣ ଭିନ୍ନ। ତେବେ ଉତ୍ପାଦନ ହ୍ରାସରେ ବଜାର ଚାହିଦା ଯୋଗୁ ମୂଲ୍ୟ ବୃଦ୍ଧି ହେଉଥିବା ବ୍ୟବସାୟୀ କହୁଛନ୍ତି। ଏହା ମଧ୍ୟ ଏକ ବାସ୍ତବତା। କାରଣ ସାରା ଦେଶର ଚା ଆବଶ୍ୟକତା ଆସାମରୁ ପୁରଣ ହୁଏ। କୋଭିଡ ଲକଡାଉନ ଯୋଗୁ ଉତ୍ପାଦନ ହ୍ରାସ ହୋଇଥିବା ବେଳେ ଅନଲକ୍‌ରେ ମଧ୍ୟ ଚାହିଦା ମୁତାବକ ଉତ୍ପାଦନ ଆରମ୍ଭ ହୋଇପାରିନି।

କେବଳ ଚା ପତି ନୁହେଁ ତୈଳ ବିଜ ଲାଗି ସରକାରଙ୍କ ଆମଦାନୀ ନୀତି ଓ ଫସଲ ହ୍ରାସ ତୈଳ ଦର ବୃଦ୍ଧିର କାରଣ ପାଲଟିଛି। ତେବେ ମୂଲ୍ୟବୃଦ୍ଧିରେ ମଧ୍ୟମବର୍ଗିୟ ପରିବାର ଏବେ ସବୁଠୁ ଅଧିକ ପ୍ରଭାବିତ ହୋଇଛନ୍ତି। ଲକଡଉନ କାରଣରୁ ବୃ୍‌ତ୍ତି ହରାଇବା ଅଥବା ମଜୁରି ହ୍ରାସର ଶିକାର ଲୋକେ ଏବେ ବଜାର ମାନ୍ଦାବସ୍ଥା ଯୋଗୁ ଗୁରୁତର ଆର୍ଥିକ ସଂକଟରେ ଫଶିଯାଇଛନ୍ତି।

   Related Posts