Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ କମୁଛି କରୋନା ଗ୍ରାଫ୍: କୋଭିଡ୍ ନେଲା ଆଉ ୩ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୪୪୩ କୋଭିଡ୍ ପଜିଟିଭ୍
  • ||
  • ବୋହୂକୁ ପଥରରେ ଛେଚି ଦେଲା ଶାଶୂ, ପାରିବାରିକ କଳହରୁ ଜଘନ୍ୟ ହତ୍ୟାକାଣ୍ଡ…
  • ||
  • ପ୍ରବଳ ବର୍ଷା ପରେ ଭୂସ୍ଖଳନ: ୧୮ ମୃତ ଓ ଅନେକ ନିଖୋଜ, ମୁଖ୍ୟମନ୍ତ୍ରୀ ଲୋଡିଲେ ସେନା ସହାୟତା
  • ||
  • ଆଜିଠୁ ଓଜେଇଇ କାଉନସେଲିଂ, ପଞ୍ଜୀକରଣ ଓ ଚଏସ ଲକିଂ କରିପାରିବେ ଛାତ୍ରଛାତ୍ରୀ
  • ||
  • ଆଫଗାନିସ୍ତାନ ପ୍ରସଙ୍ଗରେ ନଭେମ୍ୱରରେ ବସିବ ବୈଠକ : ପାକିସ୍ତାନକୁ ନିମନ୍ତ୍ରଣ କଲା ଭାରତ
  • ||
  • ପଞ୍ଚାୟତ ନିର୍ବାଚନ ପାଇଁ ୩ ଦଳ ପ୍ରସ୍ତୁତ, ସଂରକ୍ଷଣ ତାଲିକା ପ୍ରକାଶ ପରେ ଗଦାଗଦା ଅଭିଯୋଗ
  • ||
  • ମନୀଷ ଅନୁରାଗ ମୃତ୍ୟୁ ମାମଲା : ରବିବାର ୩ ଅଭିଯୁକ୍ତଙ୍କ ରିମାଣ୍ଡ ଆବେଦନର ଶୁଣାଣି
  • ||

ଭାଙ୍ଗିବ ଦୀର୍ଘ ବର୍ଷର ପରମ୍ପରା, ଚର୍ଚ୍ଚାରେ ରାଷ୍ଟ୍ରପତିଙ୍କ ଦଶହରା ପ୍ଲାନ୍‌

13/10/2021 at 8:52 PM

ନୂଆଦିଲ୍ଲୀ ୧୩/୧୦: ବର୍ଷ ବର୍ଷ ଧରି ଚାଲିଆସିଥିବା ପରମ୍ପରା ଭାଙ୍ଗି ରାଷ୍ଟ୍ରପତି ରାମନାଥ କୋବିନ୍ଦ ଚଳିତବର୍ଷ ଲଦାଖର ଦ୍ରାସ ଅଞ୍ଚଳରେ ଯବାନଙ୍କ ସହ ଦଶହରା ମନାଇବେ। ପରମ୍ପରା ଅନୁସାରେ ରାଷ୍ଟ୍ରପତି ଦେଶର ରାଜଧାନୀରେ ଦଶହରା ସମାରୋହରେ ଯୋଗ ଦେଇଆସିଛନ୍ତି । କିନ୍ତୁ ଏଥର  ସେମିତି ହେବ ନାହିଁ । ଶୁକ୍ରବାର ଦେଶରେ ଦଶହରା ପାଳନ କରାଯିବ। ରାଷ୍ଟ୍ରପତି ଭବନ ପକ୍ଷରୁ ମିଳିଥିବା ସୂଚନା ଅନୁସାରେ, ରାଷ୍ଟ୍ରପତି ରାମନାଥ କୋବିନ୍ଦ ଲଦାଖ ଏବଂ ଜାମ୍ମୁ କାଶ୍ମୀରକୁ ଦୁଇ ଦିନିଆ ଗସ୍ତରେ ଯିବେ।

ରାଷ୍ଟ୍ରପତି ଅକ୍ଟୋବର ୧୪ ଏବଂ ୧୫ରେ ଲଦାଖ ଏବଂ ଜାମ୍ମୁକାଶ୍ମୀର ଯାତ୍ରା କରିବେ। ଏହି ସମୟରେ ସେ ଅକ୍ଟୋବର ୧୪ରେ ଲେହର ସିନ୍ଧୁ ଘାଟରେ ସିନ୍ଧୁ ଦର୍ଶନ ପୂଜା କରିବେ। ଏହି ଦିନ ସନ୍ଧ୍ୟାରେ ସେ ଉଧମପୁରରେ ସୈନିକମାନଙ୍କ ସହ ଆଲୋଚନା କରିବେ।  ଏହା ପରେ ଅକ୍ଟୋବର ୧୫ରେ ଦଶହରା ଅବସରରେ ରାଷ୍ଟ୍ରପତି ଦ୍ରାସରେ କାରଗିଲ ଯୁଦ୍ଧ ସ୍ମାରକରେ ସହିଦ ଯବାନଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରିବେ। ଏହି ସମୟରେ ସେ ଯବାନଙ୍କ ସହ ଆଲୋଚନା ବି କରିବେ।

ଏମିତି ମଧ୍ୟ କୁହାଯାଉଛି ଯେ, ଜାମ୍ମୁକାଶ୍ମୀରରେ ଆତଙ୍କବାଦୀ ଗତିବିଧି ବଢ଼ିଥିବା ବେଳେ ରାଷ୍ଟ୍ରପତି ସେଠାକୁ ଯାତ୍ରା କରୁଛନ୍ତି। ଅନ୍ୟପଟେ ପୂର୍ବ ଲଦାଖରେ ଏଲଏସିରେ ଚୀନ ସହ ତିକ୍ତତା ଲାଗି ରହିଛି। ଏହି ସମୟରେ ରାଷ୍ଟ୍ରପତିଙ୍କ ଗସ୍ତ ବହୁ ଗୁରୁତ୍ବପୂର୍ଣ୍ଣ ବୋଲି ମଧ୍ୟ କୁହାଯାଉଛି।

   Related Posts