Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୧୦୫ କରୋନା ସଂକ୍ରମିତ, ୧୦୫୦୩୫୪ରେ ପହଞ୍ଚିଲା ସଂଖ୍ୟା
  • ||
  • ରାଜ୍ୟରେ ଆଉ ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୨୩କୁ ବୃଦ୍ଧି
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୮ ହଜାରରୁ ଅଧିକ କରୋନା ପଜିଟିଭ୍, ୨୧୧ ମୃତ
  • ||
  • ଗୁଜୁରାଟରେ ଓମିକ୍ରନ ଗଞ୍ଜାମକୁ ବିପଦ : ବଢିବ ସଂକ୍ରମଣ ! ସତର୍କ କଲା ପ୍ରଶାସନ
  • ||
  • ଡ୍ରାଇଭରଙ୍କୁ ମାଗିଲେ ଲାଞ୍ଚ, ନଦେବାରୁ ଆକ୍ରମଣ କରି କଲେ ଲହୁଲୁହାଣ
  • ||
  • ଆଉ ବର୍ଷା ନାହିଁ, ବଦଳିବ ପାଗ : ୧୧ରୁ କମିଯିବ ଶୀତ
  • ||
  • ଆସୁଛନ୍ତି ପୁଟିନ : ମୋଦୀଙ୍କୁ ଭେଟିବେ, ବହୁ ଗୁରୁତ୍ୱପୂର୍ଣ୍ଣ ପ୍ରସଙ୍ଗ ଉପରେ ହେବ ଆଲୋଚନା
  • ||

ଉତ୍କଳ ବିଶ୍ୱବିଦ୍ୟାଳୟର ପ୍ରଶଂସାରେ ଶତମୁଖ ରାଷ୍ଟ୍ରପତି ରାମନାଥ କୋବିନ୍ଦ

8/12/2019 at 10:08 PM

ଭୁବନେଶ୍ୱର – ଉତ୍କଳ ବିଶ୍ୱବିଦ୍ୟାଳୟର ପ୍ଲାଟିନମ ଜୁବଲି ଉଦଯାପନୀ ଉତ୍ସବରେ ଯୋଗ ଦେଲେ ରାଷ୍ଟ୍ରପତି ରାମନାଥ କୋବିନ୍ଦ । ନିଜ ଅଭିଭାଷଣରେ ରାଷ୍ଟ୍ରପତି କହିଥିଲେ, ଗଲା ୭୫ ବର୍ଷରେ ବାଣୀବିହାର ପାଲଟିଛି ଶିକ୍ଷାର ମନ୍ଦିର । ଏହା ସହ ପୁରାତନ ଛାତ୍ରଛାତୀଙ୍କୁ ବିଶ୍ୱବିଦ୍ୟାଳୟର ବିକାଶ ଲାଗି ପାଣ୍ଠି ଗଠନର ପ୍ରସ୍ତାବ ଦେଇଛନ୍ତି । ଅନ୍ୟମାନଙ୍କ ମଧ୍ୟରେ ରାଜ୍ୟପାଳ ପ୍ରଫେସର ଗଣେଶୀ ଲାଲ୍, ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ, କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ, ଉଚ୍ଚଶିକ୍ଷା ମନ୍ତ୍ରୀ ଅରୁଣ ସାହୁ ମଧ୍ୟ ଉତ୍ସବରେ ଯୋଗ ଦେଇଥିଲେ ।

ବାଣୀବିହାରରେ ମହାମହିମ । ଉତ୍କଳ ବିଶ୍ୱବିଦ୍ୟାଳୟର ପ୍ରଶଂସାରେ ଶତମୁଖ ରାଷ୍ଟ୍ରପତି ରାମନାଥ କୋବିନ୍ଦ । ବିଶ୍ୱବିଦ୍ୟାଳୟର ପ୍ଲାଟିନମ୍ ଜୁବଲିର ଉଦଯାପନୀ ଉତ୍ସବରେ ମୁଖ୍ୟ ଅତିଥି ଭାବେ ଯୋଗ ଦେଇଥିଲେ ରାଷ୍ଟ୍ରପତି । ସାଥୀରେ ଥିଲେ ସହଧର୍ମିଣୀ ସବିତା କୋବିନ୍ଦ । ରାଜ୍ୟପାଳ ପ୍ରଫେସର ଗଣେଶୀ ଲାଲ୍, ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ, କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ, ଉଚ୍ଚଶିକ୍ଷା ମନ୍ତ୍ରୀ ଅରୁଣ ସାହୁ ମଧ୍ୟ ଯୋଗ ଦେଇଥିଲେ । ନିଜର ଅଭିଭାଷଣରେ ରାଷ୍ଟ୍ରପତି କହିଥିଲେ, ଓଡ଼ିଶା ହେଉଛି ଶାନ୍ତିର ସ୍ଥାନ । ଏ ମାଟିରେ ପାଦ ଦେଇ ସେ ନିଜକୁ ଧନ୍ୟ ମନେ କରୁଛନ୍ତି । ଗଲା ୭୫ ବର୍ଷରେ ବାଣୀବିହାର ଶିକ୍ଷାର ମନ୍ଦିର ପାଲଟି ପାରିଛି । ଏହି ଅବସରରେ ପୁରାତନ ଛାତ୍ରଛାତୀଙ୍କୁ ବିଶ୍ୱବିଦ୍ୟାଳୟର ବିକାଶ ଲାଗି ପାଣ୍ଠି ଗଠନ ଲାଗି ସେ ପ୍ରସ୍ତାବ ଦେଇଛନ୍ତି । ଅନ୍ୟପକ୍ଷରେ, ରାଜ୍ୟପାଳ ପ୍ରଫେସର ଗଣେଶୀ ଲାଲଙ୍କ ଓଡ଼ିଆରେ ବକ୍ତବ୍ୟ ଥିଲା ଆକର୍ଷଣୀୟ । ବିଶ୍ୱଦରବାରରେ ବାଣୀବିହାର ଜ୍ଞାନ ଉତ୍କର୍ଷତାରେ ପ୍ରତିଷ୍ଠିତ ହେବ ବୋଲି ସେ ଆଶା ବ୍ୟକ୍ତି କରିଥିଲେ ।

ଅନ୍ୟମାନଙ୍କ ମଧ୍ୟରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ନିଜ ବକ୍ତବ୍ୟରେ ଛାତ୍ର ଓ ଶିକ୍ଷକ ମଧ୍ୟର ଉତ୍ତମ ସଂପର୍କ ଉପରେ ଗୁରୁତ୍ୱାରୋପ କରିଥିଲେ । ସମସ୍ତେ ସାଥୀ ହୋଇ ବିଶ୍ୱବିଦ୍ୟାଳୟକୁ ଶ୍ରେଷ୍ଠ କରିବାକୁ ସେ ଆହ୍ୱାନ ଦେଇଥିଲେ । ସେପଟେ କେନ୍ଦ୍ର ମନ୍ତ୍ରୀ ତଥା ପୁରାତନ ଛାତ୍ର ଧର୍ମେନ୍ଦ୍ର ପ୍ରଧାନ କହିଥିଲେ, ଯଦି ସେ ବାଣୀବିହାରର ଛାତ୍ର ହୋଇ ନ ଥାନ୍ତେ, ତା ହେଲେ ଆଜି ଯାହା ହୋଇଛନ୍ତି, ତାହା ସମ୍ଭବ ହୋଇପାରି ନ ଥାନ୍ତା ।

ସଭା ଆରମ୍ଭରୁ ରାଷ୍ଟ୍ରପତି ଉତ୍କଳର ବରପୁତ୍ର ମଧୁ ବାବୁ, ଗୋପବନ୍ଧୁ ଦାସ, ମହାରାଜା କୃଷ୍ଣଚନ୍ଦ୍ର ଗଜପତି ପ୍ରମୁଖଙ୍କ ସ୍ମୃତିଚାରଣ କରିଥିଲେ । ଏହା ସହ ଋଷା ଭବନର ଭିତ୍ତିପ୍ରସ୍ତର ଶୁଭ ଦେଇଥିଲେ । ବାଣୀବିହାର କ୍ୟାମ୍ପସକୁ ଆସିବାରେ ରାମନାଥ କୋବିନ୍ଦ ହେଉଛନ୍ତି ଚତୁର୍ଥ ରାଷ୍ଟ୍ରପତି । ପୂର୍ବରୁ ରାଜେନ୍ଦ୍ର ପ୍ରସାଦ, ସର୍ବପଲ୍ଲୀ ରାଧାକ୍ରିଷ୍ଣନ ଓ ପ୍ରଣବ ମୁଖାର୍ଜୀ ଉତ୍କଳ କ୍ୟାମ୍ପସକୁ ଆସିଛନ୍ତି ।

   Related Posts