Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଦେଶରେ ୨୪ ଘଣ୍ଟାରେ ବାହାରିଲେ ୧୮ ହଜାରରୁ ଅଧିକ କରୋନା ପଜିଟିଭ୍, ୧୭୯ ମୃତ
  • ||
  • ରାଜ୍ୟରେ କମୁଛି କରୋନା ଗ୍ରାଫ୍: କୋଭିଡ୍ ନେଲା ଆଉ ୭ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୫୪୫ କୋଭିଡ୍ ପଜିଟିଭ୍
  • ||
  • ରାଜ୍ୟରେ ଏବେ କମିବନି ବର୍ଷା, ଆସୁଛି ଆଉ ଏକ ଲଘୁଚାପ
  • ||
  • ବଳଙ୍ଗା ଥାନାରେ ବିସ୍ଫୋରଣ : ଫାଟିଗଲା କାନ୍ଥ, ଆସବାବପତ୍ର ନଷ୍ଟ
  • ||
  • କମିଶନରେଟ ପୋଲିସ ପଞ୍ଝାରେ ୩ ଲୁଟେରା, ବାଇକ୍ ଓ ବନ୍ଧୁକ ଜବତ
  • ||
  • ସିଆରପିଏଫ କ୍ୟାମ୍ପ ଉପରେ ନକ୍ସଲ ଆକ୍ରମଣ, ୨ ଘଣ୍ଟା ଧରି ଚାଲିଲା ଗୁଳି ବିନିମୟ
  • ||
  • ଗାଁରେ ପଶିଲା ଭାଲୁ, ଆକ୍ରମଣ କରି ଜଣଙ୍କୁ ଘାଇଲା କଲା…
  • ||
  • ଭୋଟ୍‌ର ୨ ଦିନ ପୂର୍ବରୁ ପିପିଲିରେ ହିଂସା, ବିଜେପି ଅଫିସ ଉପରେ ବୋମାମାଡ଼ କଲେ ଦୁର୍ବୃତ୍ତ
  • ||
  • ୨୦ ଲକ୍ଷ ଟଙ୍କାର ଗଞ୍ଜେଇ ଜବତ, ବାତ୍ୟା ସମୟରେ ହେଉଥିଲା ଚାଲାଣ
  • ||

ବେନିନରେ ରାଷ୍ଟ୍ରପତି ରାମନାଥ କୋବିନ୍ଦଙ୍କ ସହ କେନ୍ଦ୍ରମନ୍ତ୍ରୀ ପ୍ରତାପ ଷଡଙ୍ଗୀ, ୧୦୦ ମିଲିୟନ ଆମେରିକୀୟ ଡଲାର ଋଣ ପ୍ରସ୍ତାବ ଦେଲା ଭାରତ

30/07/2019 at 3:00 PM

ନୂଆଦିଲ୍ଲୀ ୩୦|୭: ପଶ୍ଚିମ ଆଫ୍ରିକୀୟ ରାଷ୍ଟ୍ର- ବେନିନ, ଗାମ୍ବିୟା ଓ ଗୁଏନା ଗସ୍ତରେ ରାଷ୍ଟ୍ରପତି ରାମନାଥ କୋବିନ୍ଦ । ତାଙ୍କ ସହ କେନ୍ଦ୍ରମନ୍ତ୍ରୀ ପ୍ରତାପ ଷଡଙ୍ଗୀ ମଧ୍ୟ ଯାଇଛନ୍ତି । ପ୍ରତାପ ଷଡଙ୍ଗୀଙ୍କ ଏହା ଦ୍ବିତୀୟ ବିଦେଶ ଗ୍ରସ୍ତ । ପ୍ରଥମେ ସେ ନେପାଳର ଏକ ଦର୍ଶନୀୟ ସ୍ଥାନ ବୁଲିଯାଇଥିଲେ । କେନ୍ଦ୍ରମନ୍ତ୍ରୀ ପ୍ରତାପ ବେନିନର ବୈଦେଶିକ ମନ୍ତ୍ରାଳୟର ଅଧିକାରୀଙ୍କ ସହ ଆମଦାନୀ, ରପ୍ତାନି ଓ ଅର୍ଥ କାରବାର ନେଇ ଏମଓୟୁ ଚୁକ୍ତି ସ୍ବାକ୍ଷର କଲେ।

ଗତ ୨୮ ଜୁଲାଇରେ ରାଷ୍ଟ୍ରପତି ରାମନାଥ କୋବିନ୍ଦ ବେନିନର କୁଟୋନୁରେ ପହଁଚିଥିଲେ । ଭାରତର ପ୍ରଥମ ରାଷ୍ଟ୍ରମୁଖ୍ୟ ଭାବେ ସେ ଏହି ତିନୋଟି ରାଷ୍ଟ୍ରକୁ ଗସ୍ତ କରିଛନ୍ତି । ଆଜି ଅର୍ଥାତ୍ ଜୁଲାଇ ୨୯ ତାରିଖରେ ରାଷ୍ଟ୍ରପତି କୁଟୋନୁର  ମାରିନାରେ ଥିବା  ରାଷ୍ଟ୍ରପତି  ଭବନରେ ପ୍ରତିପକ୍ଷ ପାଟ୍ରିକ ଟାଲୋନଙ୍କୁ ଭେଟିଥିଲେ । ରାଷ୍ଟ୍ରପତିଙ୍କୁ ସେଠାରେ ରାଜକୀୟ ସ୍ବାଗତ କରାଯାଇଥିଲା।

ରାଷ୍ଟ୍ରପତିଙ୍କ ଅଧ୍ୟକ୍ଷତାରେ ଦୁଇ ଦେଶ ମଧ୍ୟରେ ପ୍ରତିନିଧିସ୍ତରୀୟ ଆଲୋଚନା ହୋଇଥିଲା । ଏହି ଅବସରରେ ରାଷ୍ଟ୍ରପତି କହିଥିଲେ ଯେ, ଭାରତ ଏବଂ ବେନିନ ମଧ୍ୟରେ ଉଦାର ଓ ବନ୍ଧୁତ୍ବପୂର୍ଣ୍ଣ ସମ୍ପର୍କ ରହିଛି । ଭାରତ ବେନିନ ସହିତ ଆର୍ଥିକ ଭାଗୀଦାରୀ ପାଇଁ ଆଗ୍ରହୀ । ଦ୍ବିପାକ୍ଷିକ ବାଣିଜ୍ୟରେ ଭାରତ ବେନିନର ସର୍ବବୃହତ ଭାଗୀଦାର  ବୋଲି ସେ  ଖୁସିର  ସହ  କହିଥିଲେ ।  ଏହି  ବାଣିଜ୍ୟ  କାରବାର  ଏବେ  ୮୦୦  ମିଲିୟନ ଆମେରିକୀୟ  ଡଲାର  ଟପିଯାଇଛି ।  ବେନିନରେ  ପାଖାପାଖି  ୧୦୦ଟି  ଭାରତୀୟ  କିମ୍ବା  ଭାରତୀୟ ମାଲିକାନାରେ ଥିବା କମ୍ପାନୀ କାରବାର କରୁଛନ୍ତି । ବେନିନର ବଜାରରେ ବିଶେଷ କରି ଖଣି କ୍ଷେତ୍ରରେ ଅଧିକ  ସଂଖ୍ୟକ  ଭାରତୀୟ  କମ୍ପାନୀ  ପ୍ରବେଶ  କରିବା  ଲାଗି  ଆଗ୍ରହୀ  ଅଛନ୍ତି ।  ସେମାନଙ୍କ  ବ୍ୟବସାୟର ଅଭିବୃଦ୍ଧି ଲାଗି ଭାରତ ବେନିନର ସହାୟତା ଚାହୁଁଛି ।

ରାଷ୍ଟ୍ରପତି  କହିଥିଲେ  ଯେ,  ବେନିନର  ଅଭିବୃଦ୍ଧି  ଏବଂ  ବିକାଶ  ଲାଗି  ସହାୟତା  କରିବା  ନିମନ୍ତେ  ଭାରତ ସଂକଳ୍ପବଦ୍ଧ ।  ବେନିନର  ୧୦୩ଟି  ଗ୍ରାମରେ  ଜଳଯୋଗାଣ  ଯୋଜନାର  ଉନ୍ନତିକରଣ  ଲାଗି  ୪୨.୬ ମିଲିୟନ ଆମେରିକୀୟ ଡଲାରର ଋଣ ସହାୟତା କାର୍ଯ୍ୟକାରୀ ହେବା ନେଇ ସେ ଖୁସି ବ୍ୟକ୍ତ କରିଥିଲେ । ଏହା ଭଲ ଭାବେ ଅଗ୍ରଗତି କରୁଛି । ବେନିନରେ ବିକାଶମୂଳକ ପ୍ରକଳ୍ପ ଲାଗି ଅତିରିକ୍ତ ୧୦୦ ମିଲିୟନ ଆମେରିକୀୟ  ଡଲାରର  ଋଣ  ସହାୟତା  ସମ୍ପର୍କରେ  ସେ  ଘୋଷଣା  କରିଥିଲେ ।  ବେନିନକୁ  ଇ-ଭିସା ସୁବିଧାର ସମ୍ପ୍ରସାରଣ ସମ୍ପର୍କରେ ସେ ଘୋଷଣା କରିଥିଲେ । ଭାରତ-ବେନିନ ବ୍ୟବସାୟିକ ସମ୍ପର୍କକୁ ଏହା ବୃହତ ପ୍ରୋତ୍ସାହନ ଯୋଗାଇବ ବୋଲି ସେ କହିଥିଲେ । ୧୫ହଜାର ବେନିନ ଛାତ୍ରଛାତ୍ରୀଙ୍କୁ ମାଗଣା ଟେଲି ଶିକ୍ଷା ପାଠ୍ୟକ୍ରମ ଏବଂ ଆଫ୍ରିକାର ୧ହଜାର ଡାକ୍ତର ଓ ସ୍ୱାସ୍ଥ୍ୟକର୍ମୀଙ୍କୁ ମାଗଣା ଟେଲି ମେଡିସିନ ପାଠ୍ୟକ୍ରମ ଶିକ୍ଷା ଦେବା ଲାଗି ଭାରତ ପକ୍ଷରୁ ପ୍ରସ୍ତାବ ଦିଆଯାଇଛି । ଏଥିସହିତ ଉଭୟ ପକ୍ଷ ପ୍ରତିରକ୍ଷା ଏବଂ ନିରାପତା ସହଯୋଗ ସମ୍ପର୍କରେ ଆଲୋଚନା କରିଥିଲେ । ଜଳଦସ୍ୟୁ ନିରୋଧୀ କ୍ଷମତା ବୃଦ୍ଧି କରିବା ଲାଗି ବେନିନକୁ ତାଲିମ ଦେବା ନିମନ୍ତେ ଭାରତ ପକ୍ଷରୁ ପ୍ରସ୍ତାବ ଦିଆଯାଇଥିଲା ।

ମିଳିତ ଜାତିସଂଘ ସୁରକ୍ଷା ପରିଷଦରେ ଭାରତର ସ୍ଥାୟୀ ସଦସ୍ୟତା ପାଇଁ ବେନିନର ସମର୍ଥନ ଲାଗି ଭାରତ ପକ୍ଷରୁ ଧନ୍ୟବାଦ ଜ୍ଞାପନ କରାଯାଇଥିଲା ।  ଆତଙ୍କବାଦ  ଓ  ଜଳଦସ୍ୟୁ  ସମସ୍ୟା  ବିରୋଧରେ  ବିଶ୍ବର ଲଢ଼େଇରେ ମିଳିତ ଭାବେ ଛିଡ଼ା ହେବା ଲାଗି ଉଭୟ ରାଷ୍ଟ୍ରର ସେମାନଙ୍କ ପ୍ରତିବଦ୍ଧତାକୁ ଦୋହରାଇଥିଲେ । ଅନ୍ତର୍ଜାତୀୟ ସୌର ମେଣ୍ଟ ଜରିଆରେ ଜଳବାୟୁ ପରିବର୍ତନ ବିରୋଧରେ ଲଢ଼ିବା ଲାଗି ସେମାନେ ମଧ୍ୟ ରାଜି ହୋଇଥିଲେ ।

ଦୁଇ ରାଷ୍ଟ୍ରପତିଙ୍କ ଉପସ୍ଥିତିରେ ଉଭୟ ରାଷ୍ଟ୍ର ମଧ୍ୟରେ ବୁଝାମଣାପତ୍ର ଓ ରାଜିନାମା ସ୍ବାକ୍ଷରିତ ହୋଇଥିଲା ।

୧. ୨୦୧୯-୨୦୨୩ ପର୍ଯ୍ୟନ୍ତ ଦୁଇ ଦେଶ ମଧ୍ୟରେ ସାଂସ୍କୃତିକ ବିନିମୟ କାର୍ଯ୍ୟକ୍ରମ

୨. ରପ୍ତାନୀ ଋଣ ଏବଂ ନିବେଶୀ ବୀମା କ୍ଷେତ୍ରରେ ସହଯୋଗ ଲଗ୍ଧାଗି ବୁଝାମଣାପତ୍ର

୩. ଭାରତ  ସରକାରଙ୍କ  ବୈଦେଶିକ  ବ୍ୟାପାର  ମନ୍ତ୍ରଣାଳୟ  ଅଧୀନ  ଇ-ଭିବିଏବି  ନେଟୱାର୍କ  ପ୍ରକଳ୍ପ (ପ୍ୟାନ  ଆଫ୍ରିକା  ଇ-ନେଟୱାର୍କ  ପ୍ରକଳ୍ପ  (ପିଏଇଏନପି)-ପର୍ଯ୍ୟାୟ-୧ର  ପ୍ରଯୁକ୍ତି  ଉନ୍ନୟନ)ରେ ଅଂଶଗ୍ରହଣ ଲାଗି ବେନିନ ଓ ଟେଲିକମ୍ୟୁନିକେସନ୍ସ କନସଲଟାଂଟ ଇଣ୍ଡିଆ ଲିଃ (ଟିସିଆଇଏଲ) ମଧ୍ୟରେ ବୁଝାମଣାପତ୍ର

୪. କୂଟନୈତିକ, ସରକାରୀ/ସେବା ପାସପୋର୍ଟଧାରୀଙ୍କ  ପାଇଁ  ଭିସା  ଆବଶ୍ୟକତାର  ଆପୋସ  ଛାଡ଼ ନିମନ୍ତେ ରାଜିନାମା ଉଭୟ ରାଷ୍ଟ୍ର ମଧ୍ୟରେ ସ୍ବାକ୍ଷରିତ ହୋଇଥିଲା ।

ଏହାପରେ ପୋର୍ଟୋ ନୋଭୋଠାରେ ଥିବା ବେନିନର ଜାତୀୟ ସଂସଦରେ ରାଷ୍ଟ୍ରପତିଙ୍କର ଉଦବୋଧନ ଦେବାର କାର୍ଯ୍ୟକ୍ରମ ରହିଛି । ସେ  ମଧ୍ୟ  ବେନିନ  ରାଷ୍ଟ୍ରପତିଙ୍କ  ଦ୍ବାରା  ଆୟୋଜିତ ପ୍ରୀତିଭୋଜନ କାର୍ଯ୍ୟକ୍ରମରେ ଯୋଗ ଦେବେ ।

   Related Posts