Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ତୁରେଇକେଲା ବ୍ଲକରେ ମାତିଲେ ୩୦ ଟିକିଆ ହାତୀପଲ, ଭାଙ୍ଗିଦେଲେ ଘର ଛପର
  • ||
  • ରାଜ୍ୟରେ ଆଉ ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୨୪କୁ ବୃଦ୍ଧି
  • ||
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୧୫୧ କରୋନା ସଂକ୍ରମିତ, ୧୦୫୦୫୦୫ରେ ପହଞ୍ଚିଲା ସଂଖ୍ୟା
  • ||
  • ରାସ୍ତା କଡକୁ ଖସି ପଡିଲା ଆମ୍ବୁଲାନ୍ସ, ଅଳ୍ପକେ ବର୍ତ୍ତିଲେ କର୍ମଚାରୀ
  • ||
  • ଏଜାଜ ପଟେଲଙ୍କୁ ସ୍ୱତନ୍ତ୍ର ଉପହାର ଦେଲା ଟିମ୍ ଇଣ୍ଡିଆ, ଗୋଟିଏ ଇନିଂସରେ ସବୁ ବ୍ୟାଟରଙ୍କୁ କରିଥିଲେ ଆଉଟ୍
  • ||
  • ସୁଙ୍କି ଘାଟିରେ ଦୁର୍ଘଟଣା, ମୁହାଁମୁହିଁ ଧକ୍କା ହେଲେ ୨ ଟ୍ରକ୍
  • ||
  • ଗଜପତି : ଭିଜିଲାନ୍ସ ଜାଲରେ ନୂଆଗଡ଼ ଫରେଷ୍ଟର, ଏକକାଳୀନ ୪ଟି ସ୍ଥାନରେ ରେଡ୍
  • ||
  • ତେଲକୋଇ ରେଞ୍ଜରେ ହାତୀ ଆତଙ୍କ, ସନ୍ଧ୍ୟା ହେଲେ ଗାଁରେ ପଶି ନଷ୍ଟ କରୁଛନ୍ତି ଫସଲ
  • ||
  • ରାଜ୍ୟରେ ଏବେ ବର୍ଷା ନାହିଁ, ଶୁଖିଲା ଓ ଖରାଟିଆ ରହିବ ପାଗ
  • ||

କାଲି ବିଧାନସଭା : ଲୋକସେବା ଭବନରେ ଘଣ୍ଟାଏ ଚାଲିବ ଗୃହ, ରାଜ୍ୟ ବଜେଟ୍ ସହ ବିଭିନ୍ନ ବିଭାଗର ଖର୍ଚ୍ଚ ଦାବି ପାରିତ ହେବ

29/03/2020 at 6:57 PM

ଭୁବନେଶ୍ବର ୨୯।୦୩: ସୋମବାର ବସିବ ଦିନିକିଆ ବିଧାନସଭା  ଅଧିବେଶନ  । ବିଭିନ୍ନ ବିଭାଗର ଖର୍ଚ୍ଚ ଦାବି ପାରିତ ହେବା  ସହ ରାଜ୍ୟ ବଜେଟ ପାସ୍ ହେବ । କରୋନା ସଂକ୍ରମଣ ଓ ଲକଡାଉନ ଯୋଗୁ ମାତ୍ର ଘଣ୍ଟାକ ଲାଗି  ବିଧାନସଭା ବୈଠକ ବସିବ । ସେଥିପାଇଁ ବୈଠକ ପୂର୍ବରୁ  ଲୋକସେବା ଭବନ ସାନିଟାଇଜ କରାଯାଛି ।

ଲୋକସେବା ଭବନ କନଫରେନ୍ସରେ ହଲରେ ସୋମବାର ବସିବ ବିଧାନସଭା ବୈଠକ । ସେଥିପାଇଁ କନଫରେନ୍ସ ହଲର ଚାଲିଛି ସାନିଟାଇଜ । କରୋନା ସଂକ୍ରମକୁ ଦୃଷ୍ଟିରେ ରଖି କନଫରେନ୍ସ ହଲ ଭିତର ଓ ବାହାରକୁ ସାନିଟାଇଜ କରାଯାଉଛି। କାମରେ ଲାଗିଛନ୍ତି ବିଏମସି ସ୍ବାସ୍ଥ୍ୟ  ବିଭାଗ ଏବଂ ଅଗ୍ନିଶମ କର୍ମଚାରୀ । ଏଥିସହିତ ଲୋକସେଭା ଭବନ କନଫରେନ୍ସ ହଲର ସୁରକ୍ଷା ବ୍ୟବସ୍ଥାକୁ ମଧ୍ୟ କରାଯାଇଛି । ରାଜ୍ୟର ତୃତୀୟ କରୋନା ପଜିଟିଭ ରୋଗୀ ଜଣଙ୍କ ବିଧାନସଭା ଡାକ୍ତରଖାନାକୁ ଚିକିତ୍ସା ଲାଗି ଯାଇଥିଲେ । ଏହା ସହ ବିଧାନଭାର ୭ କର୍ମଚାରୀ ମାଧ୍ୟ ସେହି ତୃତୀୟ ରୋଗୀଙ୍କ ସଂପର୍ଶରେ ଆସିଥିଲେ । ଏଥିପାଇଁ ବାଚସ୍ପତି ବିଧାନସଭାର ସମସ୍ତ କର୍ମଚାରୀଙ୍କୁ କ୍ବାରେଣ୍ଟାଇନରେ ରହିବାକୁ ନିର୍ଦେଶ ଦେବା ସହ ବିଧାନସଭା ବୈଠକ ନକରି ଲୋକସେବା ଭବନରେ ବୈଠକ କରିବାକୁ ସ୍ଥିର କରିଛନ୍ତି । ବୈଠକ ପୂର୍ବରୁ କନଫରେନ୍ସ ହଲକୁ ଆଜି ସାନିଟାଇଜ କରାଯାଇଛି ଓ କାଲି ମଧ୍ୟ ବୈଠକ ବସିବା ଆଗରୁ ପୁଣି ଥରେ ସାନିଟାଇଜ କରାଯିବ । ବିଧାୟକମାନେ ବୈଠକକୁ ଯିବା ପୂର୍ବରୁ କିପରି ଭଲ ଭାବରେ ହାତଧୋଇ ସାନିଟାଇଜ ହୋଇ ଭିତରକୁ ଯିବେ ତାର ବ୍ୟବସ୍ଥା ହୋଇଛି ।

ଆସନ୍ତାକାଲି ସକାଳ ୧୦ଟା ୩୦ରେ ବୈଠକ ବସିବ  । ବୈଠକରେ ପ୍ରଶ୍ନ ଉତ୍ତର ହେବ ନାହିଁ । ସିଧାସଳଖ ବିଭିନ୍ନ ବିଭାଗର ଖର୍ଚ୍ଚ ଦାବିକୁ ଗିଲୋଟିନ ରେ ପାରିତ କରାଯିବ । ଏହାପରେ  ବ୍ୟୟମଞ୍ଜୁରୀ ବିଲ ଆଗତ ହୋଇ ବଜେଟ ପାରିତ କରାଯିବ । ଘଣ୍ଟାଏ ଭିତରେ ଏହା ସାରିବାକୁ ସମୟ ନିର୍ଘଣ୍ଟ ହୋଇଛି । ସେପଟେ କରୋନା ସ୍ଥିତି ଲାଗି ସର୍ବଦଳୀୟ ବୈଠକର ଆବଶ୍ୟକତା ଥିବା ବିରୋଧୀଦଳ ନେତା କହିଥିବା ବେଳେ ବିଜେଡି କହିଛି ସେପରି ସ୍ଥିତି ହେଲେ ବିଚାର କରାଯିବ ।

କରୋନା ସଂକ୍ରମଣ ଲାଗି କାଲି ବିଧାନସଭା ବୈଠକରେ ସାମାଜିକ ଦୂରତା ଉପରେ ଗୁରୁତ୍ବ ଦିଆଯିବ । ବିଧାୟକ ମାନେ ନିଜ ନିଜ ଭିତରେ ସାମାଜିକ ଦୂରତାରେ ବସିବା ଲାଗି ବ୍ୟବସ୍ଥା ହୋଇଛି । ସେଥିପାଇଁ ସବୁଦଳର ୩୦ ପ୍ରତିଶତ ବିଧାୟକଙ୍କୁ ନେଇ  ବୈଠକୁ ଆସିବା ଲାଗି ସବୁ ବିଧାୟକ ଦଳର ଦଳର ନେତାଙ୍କୁ ବାଚସ୍ପତି ପରାମର୍ଶ ଦେଇଛନ୍ତି ।

   Related Posts