Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ବର : ଗତ ଦୁଇ ବର୍ଷରେ ମାପ ଓ ଓଜନ ନିୟମ ଉଲଂଘନକାରୀଙ୍କଠୁ ଆଦାୟ ହୋଇଛି ୨ କୋଟି ୮୩ ଲକ୍ଷ ଟଙ୍କା : ମନ୍ତ୍ରୀ ରଣେନ୍ଦ୍ର ପ୍ରତାପ ସ୍ବାଇଁ
  • ||
  • ଭୁବନେଶ୍ବର : ଡିସେମ୍ବର ୯ରେ ବିଧାନସଭା ଘେରାଉ କରିବ ବିଜେପି ଯୁବମୋର୍ଚ୍ଚା : ଇରାଶିଷ୍ ଆଚାର୍ଯ୍ୟ
  • ||
  • ଭୁବନେଶ୍ବର : ଡ୍ରଗ୍ସ ମାଫିଆ ଶେଖ୍ ଆଜବାହାର ବାଲେଶ୍ଵର କୋର୍ଟରେ ହାଜର, ରାଜ୍ୟ ବାହାରେ ସମ୍ପତ୍ତି ଥିବା ନେଇ ମିଳିଛି ପ୍ରମାଣ
  • ||
  • ଅନୁଗୋଳ : ଆଖୁ ଖାଇବାକୁ ଆସି କୂଅରେ ଖସିପଡିଲା ଭାଲୁ, ବନ ବିଭାଗ କଲା ଉଦ୍ଧାର
  • ||
  • ଭୁବନେଶ୍ବର : କ୍ରାଇମବ୍ରାଞ୍ଚ ଏସଟିଏଫ୍‌ ଟାର୍ଗେଟ୍‌ରେ ବନ୍ୟପ୍ରାଣୀ ମାଫିଆ, ପ୍ରସ୍ତୁତ ହେଲା ମୋଷ୍ଟ ୱାଣ୍ଟେଡ ତାଲିକା
  • ||
  • ଚେନ୍ନାଇ : ତାମିଲନାଡୁ କୁନ୍ନୁରରେ ସିଡିଏସ୍ ବିପିନ ରାଓ୍ବତଙ୍କ ହେଲିକପ୍ଟର କ୍ରାସ୍
  • ||
  • ଭୁବନେଶ୍ବର : କୃଷି ଋଣ ଛାଡ ସହ ଫସଲ କ୍ଷୟକ୍ଷତି ଲାଗି ସ୍ବତନ୍ତ୍ର ପ୍ୟାକେଜ ଦାବି କଲା କଂଗ୍ରେସ
  • ||
  • ଭାରତୀୟ ବାୟୁସେନାର ବଢିବ ଶକ୍ତି, ଚାନ୍ଦୀପୁର ଘାଟିରୁ ‘ବ୍ରହ୍ମୋସ’ର ସଫଳ ପରୀକ୍ଷଣ
  • ||
  • କଟକ : ଟ୍ରେନିଂ ପାଇଁ ଦିଲ୍ଲୀରୁ ଆସି କଟକ ଷ୍ଟେସନରେ ଯବାନ ନିଖୋଜ, ସ୍ବିଚ୍ ଅଫ୍ ଆସୁଛି ମୋବାଇଲ୍
  • ||
  • ଝାରସୁଗୁଡା : ଝାରସୁଗୁଡା କୋଲାବିରା ଅଞ୍ଚଳରେ ହାତୀ ଉପଦ୍ରବ, ଭାଙ୍ଗିଲେ ଘର ପାଚେରୀ
  • ||

ବାରବାଟୀରେ ଇଣ୍ଡିଆ-ଓ୍ବେଷ୍ଟଇଣ୍ଡିଜ୍ ଦିନିକିଆ ପାଇଁ ଚାଲିଛି ପ୍ରସ୍ତୁତି, ଷ୍ଟାଡିୟମ୍‌ର ଆଉଟ୍‌ଫିଲ୍ଡ ଏବଂ ପିଚ୍ କାମକୁ ଗୁରୁତ୍ବ

6/12/2019 at 4:27 PM

କଟକ ୬।୧: ସଜେଇ ହେଉଛି ବାରବାଟୀ ଷ୍ଟାଡିୟମ । ଆସନ୍ତା ୨୨ ତାରିଖରେ ହେବାକୁ ଥିବା ଇଣ୍ଡିଆ-ଓ୍ବେଷ୍ଟଇଣ୍ଡିଜ୍ ଦିନିକିଆ ମ୍ୟାଚ୍ ପାଇଁ ଏବେ ପ୍ରସ୍ତୁତି ଜୋରସୋରରେ ଚାଲିଛି । ଫୋନି ପ୍ରଭାବରେ ବ୍ୟାପକ କ୍ଷୟକ୍ଷତି ହୋଇଥିବା ବାରବାଟୀ ଷ୍ଟାଡିୟମ ପୁନଃଉଦ୍ଧାର କାର୍ଯ୍ୟ ଚାଲିଛି । ଷ୍ଟାଡିୟମ୍ର ଆଉଟ୍‌ପିଲ୍ଡ ଏବଂ ପିଚ୍‌ କାମକୁ ମଧ୍ୟ ଗୁରୁତ୍ବ ଦିଆଯାଇଛି । ନିର୍ଦ୍ଧାରିତ ସମୟ ଭିତରେ ଷ୍ଟାଡିୟମର କାମ ଶେଷ ହେବ ବୋଲି ଓସିଏ କର୍ତ୍ତୃପକ୍ଷ କହିଛନ୍ତି ।

ବାରାବଟୀ ଷ୍ଟାଡିୟମ ଏବେ ଖୁବ୍ ଚଳଚଞ୍ଚଳ । ୨୨ ତାରିଖର ହେବାକୁ ଥିବା ମ୍ୟାଚ୍ କୁ ଆଖିରେ ରଖି  ପ୍ରସ୍ତୁତି ଚାଲିଛି । ଦିନକୁ ପ୍ରାୟ ୩ ଶହରୁ ଅଧିକ କାରିଗର ଏବଂ ଶ୍ରମିକ ବାରବାଟୀର ନବୀକରଣ କାମରେ ଲାଗିଛନ୍ତି । ସମସ୍ତ ଗ୍ୟାଲେରୀକୁ ରଙ୍ଗ କରାଯିବା ସହିତ, କେତେକ ସ୍ଥାନରେ ନୂଆ କିଛି କରାଯାଉଛି ।

କେତୋଟି ବିଶେଷ ଘଟଣାକୁ ଛାଡିଦେଲେ ଇଣ୍ଟରନ୍ୟାସନାଲ କ୍ରିକେଟ୍ ଆୟୋଜନରେ ବାରବାଟୀ ଷ୍ଟାଡିୟମର ବେଶ୍ ସୂନାମ ରହିଛି । କାରଣ ବାରବାଟୀର ଆଉଟଫିଲ୍ଡ ଏବଂ ପିଚ୍‌ ଇଷ୍ଟ ଇଣ୍ଡିଆର ସମସ୍ତ ଗ୍ରାଉଣ୍ଡଠାରୁ ଭଲ ବୋଲି ପୂର୍ବରୁ ଅନେକ କ୍ରିକେଟ୍ ସମୀକ୍ଷକ ମତ ରଖିଛନ୍ତି । ତେଣୁ ୨୨ ତାରିଖରେ ହେବାକୁ ଥିବା ମ୍ୟାଚ୍ ଲାଗି ବାରବାଟୀର ପିଚ୍‌କୁ ଏକ ପ୍ରକାର ପ୍ରସ୍ତୁତ କରିସାରିଲେଣି ଆୟୋଜକ । କିନ୍ତୁ ପ୍ରତିଦିନ ଆଉଟ୍‌ଫିଲ୍ଡରେ କିଛି ନା କିଛି କାମ ଚାଲିଛି ।

ପ୍ରାୟ ୨ ସପ୍ତାହ ତଳୁ ବାରବାଟୀର ଫ୍ଲଡ୍ ଲାଇଟ୍‌ ଗୁଡିକର ମରାମତି କାମ ଶେଷ ହୋଇଛି । କିନ୍ତୁ ପ୍ରେସ ଗ୍ୟାଲେରୀ, ପ୍ଲେୟାର୍ସ ଡ୍ରେସିଂ ରୁମ୍‌ ଏବଂ ଓଲ୍ଡ ପାଭିଲିଅନର ନବୀକରଣ କାମ ଏବେ ହାତକୁ ନିଆଯାଇଛି । ଯାହା ନିର୍ଦ୍ଧାରିତ ସମୟ ଆଗରୁ ଶେଷ ନହେଲେ ହୁଏତ ମ୍ୟାଚ୍ ବେଳକୁ କିଛିଟା ସମସ୍ୟା ଦେଖାଦେଇପାରେ ବୋଲି ଆଲୋଚନା ହେଉଛି । କିନ୍ତୁ ୧୫ରୁ ୧୭ତାରିଖ ଭିତରେ ସମସ୍ତ କାମ ଶେଷ ହେବ ବୋଲି ଦୃଢୋକ୍ତି ପ୍ରକାଶ କରିଛି ଓସିଏ ।  

   Related Posts