Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବାତ୍ୟା ‘ଜଓ୍ଵାଦ’ ପ୍ରଭାବ: ଆସନ୍ତାକାଲି ୧୯ ଜିଲ୍ଲାରେ ସ୍କୁଲ ଛୁଟି
  • ||
  • ରାଜଧାନୀ ଦିଲ୍ଲୀରେ ‘ଓମିକ୍ରନ’ ଆତଙ୍କ ! ବିଦେଶ ଫେରନ୍ତା ୧୨ ରୋଗୀ LNJPରେ ଭର୍ତ୍ତି
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୯ ହଜାରରୁ ଅଧିକ କରୋନା ପଜିଟିଭ୍, ୩୯୧ ମୃତ
  • ||
  • ଓ୍ୱାଙ୍ଖଡେ ଟେଷ୍ଟରେ ମୁହାଁମୁହିଁ ହେବେ ଭାରତ ଓ ନ୍ୟୁଜିଲାଣ୍ଡ : ଫେରିଲେ ବିରାଟ, ଦେଖିବାକୁ ମିଳିବ ରୋମାଞ୍ଚକର ଫାଇଟ୍
  • ||
  • ପାଟଣା ରେଞ୍ଜରେ ହାତୀ ଆତଙ୍କ, ନଷ୍ଟ କରୁଛନ୍ତି ପାଚିଲା ଧାନ
  • ||
  • ଓଡିଶାରେ ବିରଳ ଘଟଣା : ଯୁବକଙ୍କ ପେଟରୁ ବାହାରିଲା ଭ୍ରୂଣ, ୫ ଘଣ୍ଟାର ଅପରେସନ ପରେ ବାହାର କଲେ ଡାକ୍ତର
  • ||
  • ଚିନ୍ତା ବଢାଇଲା ଓମିକ୍ରନ, ଦକ୍ଷିଣ ଆଫ୍ରିକାରେ ଲକଡାଉନ୍: ଭାରତରେ ମଧ୍ୟ ସ୍ଥିତି ସାଂଘାତିକ
  • ||
  • ଓଡିଶାରେ ଘସି ହୋଇଯିବ ଜଓ୍ୱାଦ ! ଉପକୂଳରେ ପ୍ରବଳ ବର୍ଷା, ୯୦ କିମି ବେଗରେ ବହିବ ପବନ
  • ||
  • ଚୋରା କାରବାରରେ ନାବାଳକ : ନବମ ଶ୍ରେଣୀ ଛାତ୍ରଙ୍କ ବ୍ୟାଗରୁ ମିଳିଲା ୨ କେଜି ଅଫିମ
  • ||

ସନ୍ଦେହରୁ ପ୍ରେମିକାକୁ ହାଣି ଦେଇଥିଲା ପ୍ରେମିକ : ୧୪ ବର୍ଷ ପରେ ହତ୍ୟାକାରୀ ମାନିଲା, କିନ୍ତୁ ବୁଲେଇ ବଙ୍କେଇ କହିଲା

22/06/2020 at 9:25 AM

ପଦ୍ମପୁର ୨୨।୬: ବରଗଡ ଜିଲ୍ଲା ପଦ୍ମପୁର ଉପଖଣ୍ଡ ପାଇକମାଲ ଥାନା ଛେଲିଆପାଲିଠାରେ ଗତ ୨୦୦୬ ମସିହା ୨୧ ତାରିଖରେ ହୋଇଥିବା ହତ୍ୟାକାଣ୍ଡର ହତ୍ୟାକାରୀକୁ ଧରିବାରେ ସଫଳ ହୋଇଛି ପୋଲିସ । ହତ୍ୟାକାରୀ ହେଉଛି ସେହି ଛେଲିଆମାଲ ଗ୍ରାମର ତରଣୀ ମହାକୁଡ । ପ୍ରେମ ଓ ସନ୍ଦେହ କାରଣରୁ ଏହି ହତ୍ୟାକାଣ୍ଡଟି ଘଟାଇଥିବା ତରଣୀ ସ୍ଵୀକାର କରିଛି ।

ତରଣୀ ବୟାନ ଅନୁସାରେ, ୫ ବର୍ଷ ହେବ ଉଭୟଙ୍କ ମଧ୍ୟରେ ପ୍ରେମ ସମ୍ପର୍କ ଗଢିଉଠିଥିଲା । ଉଭୟ ବିବାହ କରିବା ପାଇଁ ମଧ୍ୟ ମନସ୍ଥ କରିଥିଲେ । ହେଲେ ଘର ଲୋକେ ଏଥିରେ ରାଜି ନଥିଲେ । କିନ୍ତୁ ଦୁହେଁ ଦୁହିଁଙ୍କଠୁ ଅଲଗା ହେବାକୁ ଚାହୁଁନଥିଲେ । ଫଳରେ ଉଭୟଙ୍କ ମଧ୍ୟରେ ପ୍ରେମ ସମ୍ପର୍କ ବଜାୟ ରହିଥିଲା ।

ଏମିତି କିଛି ଦିନ ଗଲା ପରେ ସମ୍ପର୍କୀୟ ଭିଣୋଇଙ୍କ ସହ ଫୋନରେ ଯୁବତୀ ଜଣଙ୍କ କଥା ହେଉଥିବା ତରଣୀ ସନ୍ଦେହ କରିଥିଲେ । ଏହାପରେ ସେ ଯୁବତୀଙ୍କୁ ତାଙ୍କ ଭିଣୋଇଙ୍କ ସହ କଥା ନ ହେବାକୁ ବାରମ୍ବାର ତାଗିଦ କରିଥିଲେ । ତାରଣୀ ସନ୍ଦେହ ଧୀରେ ଧୀରେ ଦୁହିଁଙ୍କ ଭିତରେ ତିକ୍ତତାର କାରଣ ପାଲଟିଗଲା ।

ଘଟଣା ଦିନ ଯୁବତୀ ଜଣଙ୍କ ନିଜ କ୍ଷେତକୁ ଯାଇଥିବା ବେଳେ ତରଣୀ ତାଙ୍କ ବିଲରେ ଚାଷ କରୁଥିଲେ । ସେହି ସମୟରେ ତରଣୀ ଚକ୍ରାନ୍ତ କରି ଯୁବତୀଙ୍କୁ ନିକଟସ୍ଥ ଏକ ନାଳକୁ ଡାକିଥିଲେ । ସେଠାରେ ଉଭୟଙ୍କ ମଧ୍ୟରେ କଥାବାର୍ତ୍ତା ସମୟରେ ବଚସା ହୋଇଥିଲା । ତରଣୀ ଯୁବତୀଙ୍କୁ ମାରିଦେବି ବୋଲି କହି ଧମକ ମଧ୍ୟ ଦେଇଥିଲା । ହେଲେ ଯୁବତୀ ଜଣଙ୍କ ତରଣୀଙ୍କ କଥାକୁ ମଜାକ ଭାବି ନିଜ ବେକକୁ ଦେଖାଇ ଦେଇଥିଲେ । ଏପଟେ ସନ୍ଦେହରେ ବୁଡି ରହିଥିବା ପ୍ରେମିକ ତରଣୀ ସତକୁ ସତ ଟାଙ୍ଗିଆରେ ଯୁବତୀଙ୍କ ବେକକୁ ବାରମ୍ବାର ଚୋଟ ମାରି ହତ୍ୟା କରିଥିଲା ।

ପାଇକମାଲ ପୋଲିସ ଘଟଣାର ତଦନ୍ତ କରି ହତ୍ୟାକାରୀ ତରଣୀ ମହାକୁଡକୁ ଗିରଫ କରି କୋର୍ଟ ଚାଲାଣ କରିଛି । ଏହାସହ ହତ୍ୟାରେ ବ୍ୟବହୃତ ଟାଙ୍ଗିଆ, ଯୁବତୀଙ୍କ ମୋବାଇଲ ତଥା ଅନ୍ୟାନ୍ୟ ଜିନିଷ ଜବତ କରାଯାଇଥିବା ପଦ୍ମପୁର ଉପଖଣ୍ଡ ପୋଲିସ ଅଧିକାରୀ ସୂଚନା ଦେଇଛନ୍ତି ।

   Related Posts