Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରେମ ପାଇଁ ଝିଅରୁ ପୁଅ ହୋଇଗଲେ ଯୁବତୀ, ବାନ୍ଧବୀଙ୍କୁ କଲେ ବିବାହ

ମାଲକାନଗିରି୭/୨: ପ୍ରେମ ମଣିଷକୁ ବଦଳାଇ ଦିଏ। ପ୍ରେମ ପାଇଁ ଝିଅର ପୁଅ ବନିଗଲେ ଯୁବତୀ। ଏମିତି ଏକ ଘଟଣା ମାଲକାନାଗିରିରେ ଦେଖିବାକୁ ମିଳିଛି। ବି.ଟେକ୍‌ ଛାତ୍ରୀ ଝିଅରୁ ପୁଅ ହୋଇଛନ୍ତି। ଛାତ୍ରୀଙ୍କ ଲିଙ୍ଗ ପରିବର୍ତ୍ତନ କରିବାର ଉଦେଶ୍ୟ ସଫଳ ହୋଇଛି। ଯାହାଙ୍କୁ ସେ ପ୍ରେମ କରୁଥିଲେ ଶେଷରେ ତାଙ୍କୁ ହିଁ ବିବାହ କରିଛନ୍ତି ଯୁବତୀ।

ମାଲକାନଗିରି ଜିଲ୍ଳାର ୨ ଯୁବତୀ ପରସ୍ପରଙ୍କୁ ଭଲ ପାଉଥିଲେ। ଉଭୟଙ୍କ ସମଲିଙ୍ଗୀ ସମ୍ପର୍କକୁ ସମାଜ କାଳେ ସ୍ବୀକୃତି ନ ଦେବ ସେଥିଲାଗି ୨ଜଣଙ୍କ ମଧ୍ୟରୁ ଜଣେ ନିଜର ଲିଙ୍ଗ ପରିବର୍ତ୍ତନ କରିଛନ୍ତି। ବର୍ଷକ ତଳେ ସେମାନେ ଦିଲ୍ଲୀ ଚାଲିଯାଇଥିଲେ। ଜଣେ ଯୁବତୀ ସେଠାରେ ଅପରେଶନ ଜରିଆରେ ଝିଅରୁ ପୁଅ ହୋଇଥିଲେ। ନିକଟରେ ଉଭୟେ ପରସ୍ପରକୁ ଜୀବନ ସାଥୀ ରୂପେ ଗ୍ରହଣ କରିବା ଲାଗି ବିବାହ ବନ୍ଧନରେ ବାନ୍ଧି ହୋଇଛନ୍ତି।

ରୀତି ନୀତି ଅନୁସାରେ ଦିଲ୍ଲୀରେ ସେମାନଙ୍କର ବିବାହ ସମ୍ପନ୍ନ ହୋଇଛି। ବର୍ତ୍ତମାନ ଭାଲେଣ୍ଟାଇନ୍ସ ସପ୍ତାହ ଚାଲିଥିବାବେଳେ ଏହି ଘଟଣା ବେଶ୍‌ ଚର୍ଚ୍ଚାର ବିଷୟ ପାଲଟିଛି।

   Related Posts