Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଗଞ୍ଜାମ ଦିଗପହଣ୍ଡିରେ ଅପରାଧୀର ଛୁରା ମାଡରେ ଅପରାଧୀ ମୃତ
  • ||
  • ବାଙ୍କୀରେ ପୂର୍ବ ଶତ୍ରୁତାକୁ କେନ୍ଦ୍ର କରି ବୋମାମାଡରେ ଜଣଙ୍କର ମୃତ୍ୟୁ
  • ||
  • କେନ୍ଦୁଝର ନୟାକୋଟରେ ସ୍ତ୍ରୀକୁ ଟାଙ୍ଗିଆରେ ହାଣିଲା ସ୍ବାମୀ
  • ||
  • ଗୁଜୁରାଟରେ ସ୍ତ୍ରୀକୁ ହତ୍ୟା ପରେ ଦୁଇ ସନ୍ତାନ ସହ ନିଜ ଦେହରେ ପେଟ୍ରୋଲ ଢାଳି ନିଆଁ ଲଗାଇଦେଲେ ଯୁବକ
  • ||
  • ରାଜ୍ୟରେ ଆଉ ୧୫ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୬୯୫ କରୋନା ସଂକ୍ରମିତ
  • ||
  • ଆସୁଛି ଆଉ ଏକ ଲଘୁଚାପ ! ନଭେମ୍ବର ପହିଲାରୁ ପୁଣି ବର୍ଷାର ସମ୍ଭାବନା
  • ||
  • ଆମେରିକୀୟ ନୌସେନା ବିମାନ ଦୁର୍ଘଟଣାଗ୍ରସ୍ତ, ଦୁଇ ପାଇଲଟଙ୍କ ମୃତ୍ୟୁ
  • ||
  • ଭୁଆସୁଣୀ ଛକରେ ସିରିଜ୍ ଦୁର୍ଘଟଣା, ୨ ଗୁରୁତର
  • ||

ପୁଣି ଜନନୀ ଯନ୍ତ୍ରଣା : ରାସ୍ତା ନଥିବାରୁ ଆସିଲାନି ଆମ୍ବୁଲାନ୍ସ, ଗର୍ଭ ଯନ୍ତ୍ରଣାରେ ଛଟପଟ ପ୍ରସୂତୀ ଚାଲି ଚାଲି ଗଲେ ୨ କି.ମି.

10/10/2020 at 10:24 AM

ମାଲକାନଗିରି ୧୦।୧୦: ମାଲକାନଗିରି ଜିଲ୍ଲାରେ ଥମିବାର ନାଁ ଧରୁନି ଜନନୀ ଯନ୍ତ୍ରଣା । ପୁଣି ପାହାଡିଆ ଘାଟି ରାସ୍ତାରେ ୨ କିଲୋମିଟର ଚାଲିଲେ ଜଣେ ପ୍ରସୂତୀ ମହିଳା । ଏପରି ଏକ ଅଭାବନୀୟ ଦୃଶ୍ୟ ଦେଖିବାକୁ ମିଳିଛି କୋରୁକୋଣ୍ଡା ବ୍ଲକ ଅନ୍ତର୍ଗତ ନାକାମାମୁଡି ପଞ୍ଚାୟତର ତେନ୍ତୁଳିପଦର ଗାଁରେ ।

ସୂଚନାଯୋଗ୍ୟ ଯେ, ଶୁକ୍ରବାର ବିଳମ୍ବିତ ରାତିରେ ତେନ୍ତୁଳିପଦର ଗାଁର ଦନାଇ ଖରା ନାମକ ଜଣେ ମହିଳା ପ୍ରସବ ଯନ୍ତ୍ରଣାରେ ଛଟ ପଟ ହେଉଥିବା ବେଳେ ଗାଁର ଆଶା ଦିଦି ୧୦୮ ଆମ୍ବୁଲାନ୍ସକୁ ଫୋନ କରିଥିଲେ । ହେଲେ ତେନ୍ତୁଳିପଦର ଗାଁକୁ ଯିବା ଲାଗି କୌଣସି ରାସ୍ତା ନଥିବାରୁ ଆମ୍ବୁଲାନ୍ସ ଡ୍ରାଇଭର ଭୋର ସମୟରୁ ଗାଡି ନେଇ ପାହାଡ ତଳେ ଜଗି ରହିଥିଲେ । ପରେ ପ୍ରସୂତୀଙ୍କ ସ୍ବାମୀ ବୁଦୁରାମ ଖରା ଓ କିଛି ସଂପର୍କୀୟ ଲୋକେ ଦୀର୍ଘ ୨ କିଲୋମିଟର ପାହାଡିଆ ରାସ୍ତାରେ ଚଲେଇ ଚଲେଇ ତଳକୁ ଆଣିଥିଲେ ।

ପରେ ସେଠାରେ ଅପେକ୍ଷା କରିଥିବା ମହିଳା ସ୍ବାସ୍ଥ୍ୟକର୍ମୀ ଓ ଆଶା ଦିଦି ୧୦୮ ଆମ୍ବୁଲାନ୍ସ ଜରିଆରେ ପ୍ରସୂତୀ ମହିଳାଙ୍କୁ ଚିତ୍ରକୋଣ୍ଡା ଡାକ୍ତରଖାନାକୁ ନେଇଥିଲେ । ସେଠାରେ ତାଙ୍କର ଏକ ପୁତ୍ର ସନ୍ତାନ ଜନ୍ମ ହୋଇଥିବା ବେଳେ ଉଭୟ ମା’ ଓ ପୁଅ ସୁସ୍ଥ ରହିଥିବା ଜଣାପଡିଛି । ତେବେ ମାଲକାନଗିରି ଜିଲ୍ଲାରୁ ବାରମ୍ବାର ଏଭଳି ଦୃଶ୍ୟ ସାମ୍ନାକୁ ଆସୁଥିବା ବେଳେ ଚିତ୍ର କିନ୍ତୁ ବଦଳୁନାହିଁ ।

   Related Posts