ସୁବର୍ଣ୍ଣପୁର ୨୦।୧୦: ସ୍ବାସ୍ଥ୍ୟ ସେବାର କରୁଣ ଚିତ୍ର । ପୁଣି ଖଟିଆରେ ବୁହା ହେଲେ ଗର୍ଭବତୀ । ସୁବର୍ଣ୍ଣପୁର ଜିଲ୍ଲା ମଶିଣାପାଲି ଗାଁରେ ଘଟିଛି ଏଭଳି ଘଟଣା । ଗାଁର ଲଳିତା ଭୋଇଙ୍କୁ ଡାକ୍ତରଖାନା ନେବା ପାଇଁ ଆଶା ଦିଦି ୧୦୮ ଆମ୍ବୁଲାନ୍ସକୁ ଫୋନ୍ କରିଥିଲେ । କିନ୍ତୁ ମଶିଣାପାଲି ଠାରୁ ଠେଙ୍ଗୋ ଡ୍ୟାମ୍ ରାସ୍ତା ଖରାପ ଥିବାରୁ ଆମ୍ବୁଲାନ୍ସ ଆସିପାରିନଥିଲା । ତେଣୁ ବାଧ୍ୟ ହୋଇ ପରିବାର ଲୋକ ତାଙ୍କୁ ଦୁଇ କିଲୋମିଟର ଖଟିଆରେ ବୋହି ଆମ୍ବୁଲାନ୍ସ ନିକଟରୁ ନେଇଥିଲେ । ସେଠାରୁ ତାଙ୍କୁ ଡାକ୍ତରଖାନା ନିଆଯାଇଥିଲା ।