Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମିଶନ କାଶ୍ମୀର ଉପରେ ୧୪ ନେତାଙ୍କ ସହ ପିଏମ ମୋଦୀଙ୍କ ମହାବୈଠକ ଶେଷ
  • ||
  • ବରି​‌ଷ୍ଠ ଆଇପିଏସ୍‌ ସ୍ତରରେ ଅଦଳବଦଳ
  • ||
  • ଦ୍ବାଦଶ ଶ୍ରେଣୀ ପରୀକ୍ଷା: ୩୧ ଜୁଲାଇ ସୁଦ୍ଧା ରେଜଲ୍ଟ ପ୍ରକାଶ କରିବାକୁ ରାଜ୍ୟକୁ ସୁପ୍ରିମକୋର୍ଟଙ୍କ ନିର୍ଦ୍ଦେଶ
  • ||
  • ରାଇରଙ୍ଗପୁର : ଅଣ୍ଡା ବଣ୍ଟନରେ ପାତର ଅନ୍ତର, ଅଭିଯୋଗ କଲେ ନାଁ କାଟିଦେବାକୁ ଅଙ୍ଗନବାଡି ଦିଦି ଦେଉଛନ୍ତି ଧମକ
  • ||
  • ସାଲେପୁର : ନଦୀ ପଠାରେ ପଡିଛି ଅଜଣା ଯୁବକଙ୍କ ମୃତଦେହ, କାରଣ ଅସ୍ପଷ୍ଟ
  • ||
  • ଚିନ୍ତା ବଢାଉଛି ମୃତ୍ୟୁସଂଖ୍ୟା : ରାଜ୍ୟରେ ଗତ ୨୪ଘଣ୍ଟାରେ କରୋନା ନେଲା ୪୪ ଜଣଙ୍କ ଜୀବନ
  • ||
  • ଆଜି ୧୦ ଜିଲ୍ଲାରେ ଅତିପ୍ରବଳ ବର୍ଷା ସମ୍ଭାବନା, ୨୭ ଯାଏଁ ଛେଚିବ
  • ||
  • ହ୍ରାସ ପରେ ପୁଣି ବଢୁଛି ସଂକ୍ରମଣ, ରାଜ୍ୟରେ ୨୪ ଘଣ୍ଟାରେ ୩୬୫୦ କୋଭିଡ୍ ପଜିଟିଭ୍ ଚିହ୍ନଟ
  • ||

ପ୍ରସବ ପାଇଁ ହସ୍ପିଟାଲରେ ଭର୍ତ୍ତି ହୋଇଥିବା ମହିଳାଙ୍କ ଗୋଟିଏ କିଡନୀ କାଢିନେଲେ ଡାକ୍ତର

18/01/2019 at 2:55 PM

ସୁପୋଲ ୧୮/୧ : ବିହାରର ସୁପୋଲ ଜିଲ୍ଲାରେ ପ୍ରସବ ପାଇଁ ନର୍ସିଙ୍ଗହୋମରେ ଭର୍ତ୍ତି ହୋଇଥିବା ଜଣେ ମହିଳାଙ୍କ କିଡନୀ କାଢି ନିଆଯାଇଛି | ମହିଳାଙ୍କ କିଡନୀ କଢ଼ା ଯାଇଥିବା ମହିଳା କିମ୍ବା ତାଙ୍କ ପ୍ରତିବାରଲୋକେ ଜାଣିନଥିଲେ | ଅଚାନକ ମହିଳାଙ୍କ ପେଟରେ ଭୀଷଣ ଯନ୍ତ୍ରଣା ହେବାରୁ ତାଙ୍କର ଅଲଟ୍ରାସାଉଣ୍ଡ କରାଯାଇଥିଲା | ଅଲଟ୍ରାସାଉଣ୍ଡ କରାଯିବାରୁ ଜଣାପଡିଥିଲା ଯେ, ମହିଳାଙ୍କର ଗୋଟିଏ କିଡନୀ ନାହିଁ | ପୀଡିତା ମହିଳାଙ୍କ ପରିବାରଲୋକେ ଏନଇ ଜିଲ୍ଲା ମାଜିଷ୍ଟ୍ରେଟ, ମୁଖ୍ୟମନ୍ତ୍ରୀ ଏବଂ ସଦର ଥାନାରେ ଜଣାଇ ନ୍ୟାୟ ପାଇଁ ଗୁହାରି କରିଛନ୍ତି |


ବୈରୋ ଗାଁରେ ରହୁଥିବା ଆଶା ଦେବୀ କହିଛନ୍ତି ଯେ, ପ୍ରସବ ପାଇଁ ସେ ସଦର ବଜାର ସ୍ଥିତ ଏକ ହସ୍ପିଟାଲରେ ଭର୍ତ୍ତି ହୋଇଥିଲେ | ୨୦୧୭ ମସିହା ଜୁଲାଇ ୨୭ ତାରିଖରେ ଡାକ୍ତର ଶୀଲା ରାଣାଙ୍କ ନେତୃତ୍ୱରେ ଅପରେସନ ହୋଇଥିଲା | ପ୍ରସବର କିଛି ଦିନ ପରେ ପୀଡିତାଙ୍କ ପେଟରେ ଯନ୍ତ୍ରଣା ଆରମ୍ଭ ହୋଇଥିଲା | ଯନ୍ତ୍ରଣା ହେବାରୁ ମହିଳା ସେଠାକାର ଜଣେ ସ୍ଥାନୀୟ ଡାକ୍ତରଙ୍କୁ ଦେଖାଇଥିଲେ | ଡାକ୍ତର ପ୍ରଥମେ କିଛି ଔଷଧ ଦେଇଥିଲେ | କିନ୍ତୁ ଯନ୍ତ୍ରଣା ନକମିବାରୁ ସେ ମହିଳାଙ୍କୁ ଅଲଟ୍ରାସାଉଣ୍ଡ କରିବ ପାଇଁ କହିଥିଲେ |

ଅଲଟ୍ରାସାଉଣ୍ଡ କରିବା ପରେ ଜଣାପଡିଥିଲା ଯେ, ଆଶା ଦେବୀଙ୍କର ଗୋଟିଏ ହିଁ କିଡନୀ ଅଛି | ଆଉ ଗୋଟିଏ କିଡନୀ ନାହିଁ | ଏହା ଶୁଣି ପରିବାରଲୋକଙ୍କ ହୋଶ ଉଡ଼ିଗଲା | ରିପୋର୍ଟ ଉପରେ ଘରଲୋକ ବିଶ୍ୱାସ ନକରି ଅନ୍ୟ ଏକ ଜାଗାରେ ଅଲଟ୍ରାସାଉଣ୍ଡ କରାଇଥିଲେ | କିନ୍ତୁ ସେଠାରେ ମଧ୍ୟ ସମାନ ରିପୋର୍ଟ ଆସିଥିଲା | ଦୁଇଟି ଯାକ ଜାଗାରେ ସମାନ ରିପୋର୍ଟ ଆସିବା ପରେ ଘରଲୋକେ ବିଶ୍ୱାସ କରିଥିଲେ | ଏହାପରେ ଘରଲୋକେ ସଦର ଥାନାରେ ଏକ ମାମଲା ଦାଏର କରିଥିଲେ | ହସ୍ପିଟାଲର ଡାକ୍ତର ଏହି ମାମଲାରେ ପ୍ରତିକ୍ରିୟା ଦେବାକୁ ମନା କରିଦେଇଥିଲେ |


ଘରଲୋକେ ଅଭିଯୋଗ କରିଥିଲେ ଯେ, ମହିଳା ଗର୍ଭବତୀ ଥିବାବେଳେ ଯେତେବେଳେ ତାଙ୍କର ଅଲଟ୍ରାସାଉଣ୍ଡ କରାଯାଇଥିଲା ତାଙ୍କର ଦୁଇଟି କିଡନୀ ଥିଲା | କିନ୍ତୁ ପ୍ରସବ ପରେ ମହିଳାଙ୍କ ସ୍ୱାସ୍ଥ୍ୟ ବିଗିଡ଼ିବା ଆରମ୍ଭ ହୋଇଥିଲା | ପାଖାପାଖି ୧୩ ମାସ ପରେ ମହିଳାଙ୍କ ଗୋଟିଏ କିଡନୀ କଢ଼ାଯାଇଥିବା ଘଟଣା ସାମ୍ନାକୁ ଆସିଥିଲା |


ପରିବାରଲୋକେ ଅଭିଯୋଗ କରିଛନ୍ତି ଯେ, ଡାକ୍ତର ରାଣା କିଡନୀ ଧନ୍ଦା କରୁଛନ୍ତି | ଅପରେସନ ବାହାନାରେ ରୋଗୀଙ୍କ କିଡନୀ କାଢି ବିକ୍ରି କରିଦେଉଛନ୍ତି | ଘଟଣାକୁ ଗମ୍ଭୀରତାର ସହ ନେବା ସହ ପୋଲିସ ଘଟଣାର ତଦନ୍ତ ଆରମ୍ଭ କରିଛି | ମହିଳାଙ୍କ ଅନ୍ୟ କିଡନୀରେ ଷ୍ଟୋନ ହୋଇଥିବା ଯୋଗୁଁ ତାଙ୍କ ପେଟରେ ସବୁବେଳେ ଯନ୍ତ୍ରଣା ହେଉଥିବା ଶୁଣିବାକୁ ମିଳିଛି |


କିଡନୀ ଗାୟବ ମାମଲାରେ ସିଭିଲ ସର୍ଜନ ଡାକ୍ତର ଘନଶ୍ୟାମ ଝା କହିଛନ୍ତି ଯେ, ପ୍ରାଥମିକ ଯାଞ୍ଚରୁ ଡାକ୍ତରଖାନା ଅଧିକାରୀ ଏବଂ ଡାକ୍ତରଙ୍କ ବିରୋଧରେ କରାଯାଇଥିବା ଅଭିଯୋଗ ସତ ଭଳି ଜଣାପଡୁଛି | ଯାଞ୍ଚରେ ଡାକ୍ତରଙ୍କ ଦୋଷ ପ୍ରମାଣିତ ହେଲେ ତାଙ୍କ ବିରୋଧରେ କଡା କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ମୁଖ୍ୟ ସିଭିଲ ସର୍ଜନ କହିଛନ୍ତି |

   Related Posts