Tuesday, April 23, 2019

News7

Prameya News7, News7 Odia, Odisha Latest News, Odisha Current Headlines, Odisha News Online

୪ ବର୍ଷର ଶିଶୁକୁ ସ୍କୁଲର ମହିଳା କର୍ମୀ କରୁଥିଲେ ଯୌନ ଶୋଷଣ : ପ୍ରାଇଭେଟ ପାର୍ଟରେ ମାରିଥିଲେ ପଥର

ହାଇଦ୍ରାବାଦ ୧୫/୪ : ତେଲେଙ୍ଗାନା ହାଇଦ୍ରାବାଦରୁ ଏକ ଲଜ୍ଜାଜନକ ଘଟଣା ସାମ୍ନାକୁ ଆସିଛି | ହାଇଦ୍ରାବାଦ ଅନ୍ତର୍ଗତ ମାଧପୁରର ଏକ ଘରୋଇ ସ୍କୁଲରେ ଜଣେ ଶିଶୁ ସହ ଯୌନ ଶୋଷଣ ଅଭିଯୋଗ ହୋଇଛି | ସ୍କୁଲର ୨ଜଣ ମହିଳା କର୍ମୀ ଶିଶୁଙ୍କୁ ଯୌନ ଶୋଷଣ କରି ପ୍ରାଇଭେଟ ପାର୍ଟରେ ପଥର ମାରିଦେଇଥିବା ଅଭିଯୋଗ ହୋଇଛି | ସାଢେ ୪ ବର୍ଷର ଶିଶୁର ପରିବାର ଲୋକେ ଏନେଇ ସ୍କୁଲର ୨ ମହିଳା କର୍ମଚାରୀଙ୍କ ବିରୋଧରେ ମାମଲା ରୁଜ୍ଜୁ କରିଛନ୍ତି | ମହିଳା କର୍ମଚାରୀଙ୍କ ବିରୋଧରେ ଯୌନ ଉତ୍ପୀଡ଼ନ ମାମଲା ରୁଜ୍ଜୁ କରିଛନ୍ତି ଶିଶୁଙ୍କ ପରିବାର ଲୋକେ | ଅଭିଯୁକ୍ତଙ୍କ ବିରୋଧରେ ପୋକସୋ ଆକ୍ଟ ଆଧାରରେ ମାମଲା ରୁଜ୍ଜୁ ହୋଇଛି |


ପୋଲିସ ସୂଚନା ଅନୁଯାୟୀ, ଏପ୍ରିଲ ୧୦ ତାରିଖରେ ଶିଶୁଙ୍କ ମା’ ଥାନାରେ ମାମଲା ରୁଜ୍ଜୁ କରିଥିଲେ | ଶିଶୁଙ୍କ ମା’ ଅଭିଯୋଗ କରିଥିଲେ ସ୍କୁଲର ୨ ଜଣ ମହିଳା କର୍ମଚାରୀ ତାଙ୍କ ଶିଶୁର ଯୌନାଙ୍ଗରେ ପଥର ପୁରାଇ ଦେଇଥିଲେ | ପୀଡିତା ଶିଶୁକୁ ମେଡିକାଲ ଯାଞ୍ଚ ପାଇଁ ପଠାଇ ଦିଆଯାଇଛି | ପ୍ରାଥମିକ ରିପୋର୍ଟ ଅନୁଯାୟୀ, ଏବେ ସୁଦ୍ଧା ଯୌନ ଆକ୍ରମଣର କୌଣସି ପ୍ରମାଣ ମିଳିନାହିଁ | ଘଟଣାର ତଦନ୍ତ ଜାରି ରହିଛି | ୨ ମହିଳା କର୍ମଚାରୀ ଫେରାର ଅଛନ୍ତି | ପୋଲିସ ଉଭୟଙ୍କୁ ଖୋଜୁଛି |

313 Views

   ସମ୍ବନ୍ଧିତ ଖବର