ବ୍ରହ୍ମପୁର ୩୧|୧: ବ୍ରହ୍ମପୁରରେ ଦିନିକିଆ ପ୍ରାକ୍ ନିର୍ବାଚନୀ ପ୍ରସ୍ତୁତି ଓ ତାଲିମ୍ ଶିବିର ଅନୁଷ୍ଠିତ ହୋଇଛି। ଦକ୍ଷିଣାଞ୍ଚଳ ପୋଲିସ ଡିଆଇଜିଙ୍କ କାର୍ଯ୍ୟାଳୟ ସମ୍ମିଳନୀ କକ୍ଷରେ ଆୟୋଜିତ ଏହି ଶିବିରରେ ଉଭୟ ଦକ୍ଷିଣାଞ୍ଚଳ ଓ ଦକ୍ଷିଣ ପଶ୍ଚିମାଞ୍ଚଳର ୯ଟି ଜିଲ୍ଲାର ଏସପି ଓ ୮୦ରୁ ଅଧିକ ବରିଷ୍ଠ ପୋଲିସ ଅଧିକାରୀ ଯୋଗଦେଇଛନ୍ତି। ଏହି ତାଲିମ ଶିବିରକୁ ରାଜ୍ୟ ସହକାରୀ ମୁଖ୍ୟ ନିର୍ବାଚନ ଅଧିକାରୀ ସଚିନ ଯାଦବ ଉଦଘାଟନ କରିଥିଲେ।
{"id":80097}ଏଥିରେ ଆଇଜି ଆଇନ ଶୃଙ୍ଖଳା ଅମିତାଭ ଠାକୁର ଓ ଦକ୍ଷିଣାଞ୍ଚଳ ପୋଲିସ ଡିଆଇଜି ଆଶିଷ କୁମାର ସିଂ ଉପସ୍ଥିତ ଥିଲେ। ଏହି ଶିବିରରେ ମୁଖ୍ୟ ନିର୍ବାଚନ ଆୟୋଗଙ୍କ ଦ୍ବାରା ନିଯୁକ୍ତ ସ୍ବତନ୍ତ୍ର ତାଲିମ ପ୍ରାପ୍ତ ପ୍ରଶିକ୍ଷକ ଜାନକୀ ବଲ୍ଲଭ ମିଶ୍ର ଓ ରବି ସାହୁ ଯୋଗଦେଇ କିପରି ଆଗାମୀ ନିର୍ବାଚନକୁ ଅବାଧ ଓ ନିରପେକ୍ଷ କରାଯାଇପାରିବ ସେନେଇ ପ୍ରଶିକ୍ଷଣ ପ୍ରଦାନ କରିଛନ୍ତି। ଏହି ଶିବିରରୁ ତାଲିମ ପାଇବା ପରେ ଏମାନେ ଜିଲ୍ଲା ସ୍ତରରେ ଯାଇ ପ୍ରଶିକ୍ଷଣ ଦେବେ।