Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବିଜେଡିରେ ମିଶିବେ ପ୍ରଦୀପ ମାଝୀ, କହିଲେ ନବୀନଙ୍କ ହାତମୁଠା ଟାଣ କରିବି
  • ||
  • ଆଇଆଇଟି ଜମ୍ମୁର ନୂତନ ଗୃହ ଲୋକାର୍ପଣ କରିବେ ଗୃହମନ୍ତ୍ରୀ ଅମିତ ଶାହ, ଉପସ୍ଥିତ ରହିବେ କେନ୍ଦ୍ର ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନ
  • ||
  • ରାଜ୍ୟରେ କମୁଛି କରୋନା ଗ୍ରାଫ୍: କୋଭିଡ୍ ନେଲା ଆଉ ୪ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୪୪୭ କୋଭିଡ୍ ପଜିଟିଭ୍
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୧୫ ହଜାରରୁ ଅଧିକ କରୋନା ପଜିଟିଭ୍, ୫୬୧ ମୃତ
  • ||
  • ଚିଲିକାକୁ ଆସିଲେଣି ବିଦେଶୀ ପକ୍ଷୀ, ସୁରକ୍ଷା ପାଇଁ ବନ ବିଭାଗ ପ୍ରସ୍ତୁତ
  • ||
  • ଲକ୍ଷ୍ମୀପୁର ହିଂସାର ମୁଖ୍ୟ ଅଭିଯୁକ୍ତ ଆଶିଷ ମିଶ୍ରାଙ୍କୁ ଡେଙ୍ଗୁ, ଚିକିତ୍ସା ପାଇଁ ହସ୍ପିଟାଲରେ ଭର୍ତ୍ତି
  • ||
  • କମୁଛି ତାପମାତ୍ରା, ଦାରିଙ୍ଗିବାଡିରେ ୧୧ ଡିଗ୍ରୀକୁ ଖସିଲା ପାରଦ
  • ||
  • ସୁପର ସଣ୍ଡେରେ ସୁପର ମୁକାବିଲା : ଟି୨୦ ବିଶ୍ୱକପରେ ଭାରତ-ପାକିସ୍ତାନ ହାଇଭୋଲଟେଜ୍ ଫାଇଟ୍
  • ||

୪୪ ବର୍ଷ ହେଲା ତ୍ୟାଗ କରିଛନ୍ତି ଅନ୍ନ, ରାମ ମନ୍ଦିର ନିର୍ମାଣ ପାଇଁ ୧୨ ବର୍ଷ କରିଥିଲେ ମୌନ ବ୍ରତ : ମାଘ ମେଳାରେ ଚର୍ଚ୍ଚାର କେନ୍ଦ୍ରବିନ୍ଦୁ ମୌନୀ ବାବା

29/01/2021 at 4:24 PM

ପ୍ରୟାଗରାଜ ୨୯/୦୧ : ଉତ୍ତର ପ୍ରଦେଶର ସଙ୍ଗମ ନଗରୀ ପ୍ରୟାଗରାଜରେ ଚାଲିଥିବା ମାଘ ମେଳାକୁ ବିଭିନ୍ନ ସ୍ଥାନରୁ ଅନେକ ସଂଖ୍ୟାରେ ସନ୍ଥ ଆସି ପହଞ୍ଚିଛନ୍ତି । କିନ୍ତୁ ସମସ୍ତଙ୍କ ମଧ୍ୟରେ ଆକର୍ଷଣର କେନ୍ଦ୍ରବିନ୍ଦୁ ପାଲଟିଛନ୍ତି ଶିବଯୋଗୀ ମୌନୀ ମହାରାଜ । ମୌନୀ ବାବାଙ୍କୁ ଲୋକମାନେ ରୁଦ୍ରାକ୍ଷ ବାବା ନାମରେ ମଧ୍ୟ ଜାଣିଛନ୍ତି । ତାଙ୍କୁ ଦେଖିବା ପାଇଁ ମାଘ ମେଳାରେ ଅନେକ ସଂଖ୍ୟାରେ ଭକ୍ତଙ୍କର ସମାଗମ ହେଉଛି । ଏହାର କାରଣ ମଧ୍ୟ ଚମକାଇଦେବା ଭଳି ।

ମୌନୀ ବାବା ଗତ ୪୪ ବର୍ଷ ହେଲା ଅନ୍ନ ଏବଂ ଲୁଣ ତ୍ୟାଗ କରିଛନ୍ତି । ବିଗତ ୩୦ ବର୍ଷ ହେଲା ସେ ପ୍ରତିଦିନ ପ୍ରାୟ ୧୧ ହଜାର ଦୀପ ମଧ୍ୟ ଜାଳନ୍ତି । ଶରୀରରେ ସେ ପ୍ରାୟ ୫ଶହ ରୁଦ୍ରାକ୍ଷ ମାଳ ପିନ୍ଧନ୍ତି । ସେ ଦିନକୁ କେବଳ ଥରେ ମାତ୍ର ଖାଦ୍ୟ ଖାଆନ୍ତି । ପ୍ରତିଦିନ ଖାଦ୍ୟରେ ସେ କେବଳ ଫଳମୂଳ ଖାଇବା ଛଡା ଅନ୍ୟ କିଛି ଖାଦ୍ୟ ଗ୍ରହଣ କରନ୍ତି ନାହିଁ । ପ୍ରତିଦିନ ସନ୍ଧ୍ୟାରେ ସେ କିଛି ଫଳମୂଳ ଖାଆନ୍ତି ଏବଂ ଦିନକୁ ଥରେ ମାତ୍ର ପାଣି ପିଅନ୍ତି ।

ମୌନୀ ବାବାଙ୍କର ଅନ୍ନ ତ୍ୟାଗ କରିବାର କାରଣ ମଧ୍ୟ ସାମ୍ନାକୁ ଆସିଛି । ଦେଶରେ ଏକତା, ଅଖଣ୍ଡତା ଏବଂ ଆତଙ୍କବାଦର ସମୂଳ ନାଶ ପାଇଁ ସେ ଗତ ୪୪ ବର୍ଷ ହେଲା ଅନ୍ନ ତ୍ୟାଗ କରିବା କଥା କହିଛନ୍ତି । ୩୦ ବର୍ଷ ପୂର୍ବରୁ ଯେତେବେଳେ ଅଯୋଧ୍ୟାରେ ରାମ ମନ୍ଦିର ନିର୍ମାଣ ପାଇଁ ସଂଘର୍ଷ ଏବଂ ଆନ୍ଦୋଳନ ଜାରି ରହିଥିଲା ସେତେବେଳୁ ହିଁ ମୌନୀ ମହାରାଜ ଦିନକୁ ପ୍ରାୟ ୧୧ ଶହ ଦୀପ ଜାଳିବା ପାଇଁ ସଙ୍କଳ୍ପ କରିଥିଲେ ।

ଆଶ୍ଚର୍ଯ୍ୟର କଥା ହେଉଛି ରାମ ମନ୍ଦିର ନିର୍ମାଣ ପାଇଁ ସେ ବର୍ତ୍ତମାନ ସୁଦ୍ଧା ପ୍ରାୟ ସାଢେ ୪ କୋଟି ରୁ ଉର୍ଦ୍ଧ୍ବ ଦୀପ ଜାଳିସାରିଲେଣି । ଏହା ବାଦ ସେ ମନ୍ଦିର ନିର୍ମାଣ ପାଇଁ ଏବେ ଯାଏଁ ପ୍ରାୟ ୪୮୯ ମହାଯଜ୍ଞ ମଧ୍ୟ ଆୟୋଜନ କରିଛନ୍ତି ।

ଅଯୋଧ୍ୟାରେ ରାମ ମନ୍ଦିର ନିର୍ମାଣ ଆରମ୍ଭ ହୋଇଛି । କିନ୍ତୁ ମୌନି ବାବାଙ୍କର ସଙ୍କଳ୍ପ ଏବେ ମଧ୍ୟ ଜାରି ରହିଛି । ତାଙ୍କର କହିବା କଥା ରାମ ମନ୍ଦିର ନିର୍ମାଣ ଶେଷ ଏବଂ ମହାପ୍ରଭୁ ଶ୍ରୀରାମଚନ୍ଦ୍ରଙ୍କୁ ଦର୍ଶନ କରିବା ପରେ ଯାଇ ସଙ୍କଳ୍ପ ପୁରା କରିବେ । ତାଙ୍କା ନାମ ମୌନି ବାବା ରଖଯିବାର ଏକ ରହସ୍ୟ ମଧ୍ୟ ରହିଛି । ସେ ରାମ ମନ୍ଦିର ପାଇଁ ୧୨ ବର୍ଷ ପର୍ଯ୍ୟନ୍ତ ମୌନ ବ୍ରତ ଧାରଣ କରିଥିଲେ । ମୌନ ରହିବା କାରଣରୁ ଲୋକମାନେ ତାଙ୍କୁ ମୌନୀ ବାବା ଡାକୁଛନ୍ତି ।

   Related Posts