Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଝଲସିବ ଅର୍କ କ୍ଷେତ୍ର : ନୂଆ ରୂପ ପାଇବ କୋଣାର୍କ ସୂର୍ଯ୍ୟ ମନ୍ଦିର, ପର୍ଯ୍ୟଟକଙ୍କୁ ମିଳିବ ବିଶ୍ୱସ୍ତରୀୟ ସୁବିଧା
  • ||
  • ଆଜି ବସୁଛି କଂଗ୍ରେସର ସିଡବ୍ଲ୍ୟୁସି ବୈଠକ, ଅଧ୍ୟକ୍ଷ ନିର୍ବାଚନ ନେଇ ହେବ ଆଲୋଚନା !
  • ||
  • ଏଥର ନିଜ ସ୍କୁଲରେ ଛାତ୍ରଛାତ୍ରୀ ଦେବେ ମାଟ୍ରିକ ପରୀକ୍ଷା, ୨ ଘଣ୍ଟାରେ ଲେଖିବାକୁ ପଡିବ ଉତ୍ତର
  • ||
  • ଶୀତ ଖେଳୁଛି ଲୁଚକାଳି : ଆଜି ବଢିବ ଥଣ୍ଡା, କିନ୍ତୁ କାଲି କମିଯିବ
  • ||
  • ମହାପ୍ରଭୁ ଜଗନ୍ନାଥଙ୍କୁ ଦର୍ଶନ କଲେ ମୁଖ୍ୟ ଶାସନ ସଚିବ
  • ||
  • ଜି.ଉଦୟଗିରି: ମିନିବସରେ ଲାଗିଲା ନିଆଁ
  • ||
  • ଟାଙ୍ଗୀ: ବାଲିନାଶିରେ ୨ ଭାଇଙ୍କୁ ଗୋଡ଼େଇ ଗୋଡ଼େଇ ହାଣିଲେ ଦୁର୍ବୃତ୍ତ, ଗୁରୁତର ଅବସ୍ଥାରେ ଏମ୍ସରେ ଭର୍ତ୍ତି
  • ||
  • ବଲାଙ୍ଗୀର: ବେଆଇନ୍ ବାଲି ବୋଝେଇ ଟ୍ରାକ୍ଟର ଜବତ, ମାଲିକଙ୍କ ଉପରେ ୨୦ ହଜାର ଟଙ୍କାର ଫାଇନ୍ ଲଗାଇଲେ ତହସିଲଦାର
  • ||
  • ରାଇରଙ୍ଗପୁର: କଲୋନୀରେ ଅଗ୍ନିକାଣ୍ଡ, ଜଳି ପାଉଁଶ ହୋଇଗଲା ୨ ବଖରା ଘର
  • ||
  • ନବରଙ୍ଗପୁର : ନିଖୋଜ ଯୁବକଙ୍କ ଗଳିତ ମୃତଦେହ ଉଦ୍ଧାର
  • ||

ପାଠ ଓକିଲାତି-ପେଟ ପାଇଁ କ୍ଷେତରେ ଖଟୁଛନ୍ତି ପ୍ରଭାତୀ: ସହଯୋଗର ହାତ ବଢ଼ାଇଲେ ସାମାଜସେବୀ ଓ ଯବାନ

3/12/2020 at 5:14 PM

ଭଦ୍ରକ୩/୧୨: ଚାଷ ଜମିରେ ଧାନ ପାଚିଲା ଧାନ କାଟିଲେ ଆଇଟିବିପି ଯବାନ ଏବଂ ଜୀବନ ଜ୍ୟୋତି ସଙ୍ଗଠନ ସଦସ୍ୟ। ବାପାଙ୍କ ଦେହାନ୍ତ ପରେ ପିଲାଙ୍କୁ ଟ୍ୟୁସନ କରିବା ସହ ଚାଷ କରି ମାଆ-ଝିଅ ୨ ଜଣ ନିଜର ଗୁରୁରାଣ ମେଣ୍ଟାଉଛନ୍ତି। ଏଭଳି ପରିସ୍ଥିତିରେ ଛାତ୍ରୀଙ୍କୁ ସହଯୋଗର ହାତ ବଢ଼ାଇଛନ୍ତି ସମାଜସେବୀ ସଂଗଠନ ଏବଂ ସେନାର ଯବାନ। ଭଦ୍ରକ ଜିଲ୍ଲା ତିହିଡି ରାଜନଗର ପଞ୍ଚାୟତ ଅନ୍ତର୍ଗତ ଗଦି ଅଞ୍ଚଳର ଜଣେ ଅସହାୟ ଏବଂ ବାପା ଛେଉଣ୍ଡ ଝିଅ ପ୍ରଭାତୀ ନାୟକ ନିଜ ଉଦ୍ୟମ ବଳରେ ପରିବାର ବୋଝ ବୋହି ଚାଲିଛନ୍ତି। ପରିବାର କହିଲେ, ମାଆ-ଝିଅ ୨ ଜଣ।

ପ୍ରଭାତୀଙ୍କ ଇଚ୍ଛାଶକ୍ତି ଆଗକୁ ବଢ଼ିବାକୁ ପ୍ରେରଣା ଦେଇଛି। ବାପା ଚାଲିଯିବା ପରେ ମାଆ-ଝିଅ ୨ ଜଣ ସଂଘର୍ଷ କରି ବଞ୍ଚିବା ଶିଖୁଛନ୍ତି। ପରିବାରର ଏଭଳି ଅଭାବ-ଅନଟନ ଦେଖି ପ୍ରଭାତୀ ଚାଷ କରିଥିଲେ। ପାଖରେ ପଇସା ନ ଥିବାରୁ, ଜମିରେ ଲୋକ ପକାଇ ପାରିନଥିଲେ । ତେଣୁ ବହୁ କଷ୍ଟରେ ନିଜେ ପାଚିଲା ଧାନ କାଟୁଛନ୍ତି।  ଟ୍ୟୁସନ କରି ବହୁ କଷ୍ଟରେ ସେ ଆଇନ୍ ବା ଲ, ପାସ୍‌ କରିଛନ୍ତି।  ଆଉ ବର୍ତ୍ତମାନ ନିଜେ ଜଣେ ସୁଦକ୍ଷ ଓକିଲ ହେବା ପାଇଁ ପ୍ରଚେଷ୍ଟା ଜାରି ରଖିଛନ୍ତି।

ଏହି ଖବର ଜାଣିବା ପରେ ତିହିଡି ଅଞ୍ଚଳର ଆଇଟିବିପି ଯବାନ ଜ୍ୟୋତିର୍ମୟ ପାଣ୍ଡଵ ଓ ତିହିଡିର ଜୀବନ ଜ୍ୟୋତି ସଙ୍ଗଠନ ଉକ୍ତ ଜମିରେ ପହଞ୍ଚି ପ୍ରଭାତୀଙ୍କୁ ସହଯୋଗର ହାତ ବଢାଇଛନ୍ତି। ଚାଷ ଜମିରେ ପ୍ରଭାତୀଙ୍କ ସାଙ୍ଗରେ ପାଚିଲା ଧାନ କାଟିଥିଲେ । ଯେଉଁଥିପାଇଁ ଝିଅର କଷ୍ଟ ହାଲକା କରିବାରେ ସକ୍ଷମ ହୋଇଛନ୍ତି। ବାପା ଛେଉଣ୍ଡ ଝିଅଟି ନିଜେ ସଂଘର୍ଷ କରି ଧାନ କାଟିବା, ଅନ୍ୟମାନଙ୍କ ପାଇଁ ଉଦାହରଣ ସାଜିଛନ୍ତି।

ଏଥିସହ ତାଙ୍କୁ ଏହି ଧାନ କଟାରେ ସହଯୋଗ କରିଥିବା ଆଇଟିବିପିର ଯବାନ ଓ ଜୀବନ ଜ୍ୟୋତି ସଙ୍ଗଠନର କର୍ମକର୍ତ୍ତାମାନଙ୍କୁ ଧନ୍ୟବାଦ ଦେବା ସହ ସରକାରୀ ଆର୍ଥିକ ସହାୟତା ମିଳିପାରିଲେ ଓକିଲାତି କରିବା ଲକ୍ଷ୍ୟ ପୂରଣ ହେବ ବୋଲି ପ୍ରଭାତୀ କହିଛନ୍ତି।   

   Related Posts