Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • LICର ଏମ୍‌ଡି ହେଲେ ଓଡ଼ିଆ ପୁଅ ସିଦ୍ଧାର୍ଥ ମହାନ୍ତି, ଫେବୃଆରୀ ୧ରୁ ସମ୍ଭାଳିବେ ଦାୟିତ୍ବ
  • ||
  • ଜାନୁଆରୀ ୨୭, ସକାଳେ ଜେଲ୍‌ରୁ ମୁକୁଳିପାରନ୍ତି ଭି.କେ. ଶଶିକଳା
  • ||
  • ନେତାଜୀ ଜନ୍ମସ୍ଥାନ ସଂଗ୍ରହାଳୟ ଖୋଲିଵାକୁ ସରକାରଙ୍କ ନିଷ୍ପତ୍ତି
  • ||
  • କଟକ:କାଲିଠାରୁ ଖୋଲିଵ ନେତାଜୀ ସଂଗ୍ରହାଳୟ
  • ||
  • ରାଇରଙ୍ଗପୁର: ଗୋରୁମହିଷାଣି ପୋଲିସର ସଡକ ସୁରକ୍ଷା ସଚେତନ କାର୍ଯ୍ୟକ୍ରମ, ସାମିଲ ଥିଲେ ସ୍ଥାନୀୟ ଲୋକେ
  • ||
  • ବଲାଙ୍ଗୀର: ପୁଣି ରକ୍ତ ରଞ୍ଜିତ ହେଲା ଶୁଲିଆ ପୀଠ, ଗଡିଲା ଶହ ଶହ ପଶୁ-ପକ୍ଷୀଙ୍କ ମୁଣ୍ଡ
  • ||
  • ଭୁବନେଶ୍ବରରେ ପହଞ୍ଚିଲା ୨ୟ ପର୍ଯ୍ୟାୟ କୋଭିଡ ଟିକା: ସ୍ପାଇସ୍ ଜେଟ୍‌ରେ ଆସିଲା ଟିକା
  • ||
  • ଭାଙ୍ଗିଲା ୩୩ ବର୍ଷର ରେକର୍ଡ୍‌ : ବ୍ରିସବେନ ଟେଷ୍ଟରେ ଭାରତର ଐତିହାସିକ ବିଜୟ, ଅଷ୍ଟ୍ରେଲିଆକୁ ୩ ଓ୍ବିକେଟ୍‌ରେ ହରାଇ ସିରିଜ କବଜା କଲା ଟିମ୍ ଇଣ୍ଡିଆ
  • ||
  • ମାଲକାନଗିରି : ସୀମାନ୍ତରେ ଏନ୍‌କାଉଣ୍ଟର, ୧୦ରୁ ଅଧିକ ମାଓ କ୍ୟାମ୍ପ ଧ୍ୱଂସ
  • ||
  • ସମ୍ବଲପୁର : ଫୋକସ୍‌ରେ ପଶ୍ଚିମ ଓଡିଶା, ମା’ ସମଲେଶ୍ବରୀଙ୍କ ମନ୍ଦିର ବୁଲି ସମୀକ୍ଷା କଲେ 5-T ସଚିବ
  • ||

ବୈଜୟନ୍ତ ଜଣେ ସୁବିଧାବାଦୀ ନେତା : ପ୍ରତାପ ଦେବ

5/03/2019 at 4:02 PM

ଭୁବନେଶ୍ବର ୫/୩:ବିଜେଡ଼ିର ପୂର୍ବତନ ସାଂସଦ ବୈଜୟନ୍ତ ପଣ୍ଡା ବିଜେପିରେ ଯୋଗ ଦେବାପରେ ବିଜେଡିରେ ବିଭିନ୍ନ ପ୍ରତିକ୍ରିୟା ପ୍ରକାଶ ପାଇଛି । ବୈଜୟନ୍ତ ଜେଣ ସୁବିଧାବାଦୀ ରାଜନେତା ବୋଲି କହିଛନ୍ତି ବିଜେଡିର ମୁଖ୍ୟ ମୁଖପାତ୍ର ତଥା ସାଂସଦ ପ୍ରତାପ ଦେବ । ସେ କହିଛନ୍ତି ଯେ ବୈଜୟନ୍ତ କେନ୍ଦ୍ରାପଡ଼ାର ଲୋକ ନୁହଁନ୍ତି ତେଣୁ ସେ କେଉଁଦଳକୁ ଗଲେ ତାକୁ ନେଇ କେନ୍ଦ୍ରାପଡ଼ାରେ କିଛି ପରିବର୍ତ୍ତନ ହେବାର ନାହିଁ। ୨୦୦୮ ମସିହା ପୂର୍ବରୁ କେନ୍ଦ୍ରାପଡ଼ା ଲୋକେ ବୈଜୟନ୍ତଙ୍କୁ ଚିହ୍ନି ନଥିଲେ। ସେ ଦଳ ମଧ୍ୟରେ ଅନ୍ତର୍ଘାତୀ କାମ କରିଥିଲେ । ସେଥିପାଇଁ ଦଳ ତାଙ୍କୁ ନିଲମ୍ବନ କରିଥିଲା । ବୈଜୟନ୍ତ କେନ୍ଦ୍ରାପଡ଼ା ଲୋକଙ୍କୁ ବୋକା ବନାଇ ପାରିବେ ନାହିଁ। ବିଜେପିରେ ମିଶିବା ପାଇଁ ବୈଜୟନ୍ତଙ୍କର ଆରମ୍ଭରୁ ଏଜେଣ୍ଡା ଥିଲା ବୋଲି ପ୍ରତାପ ଦେବ କହିଛନ୍ତି । ଗତକାଲି ମଧ୍ୟ ଦଳର ଯୁବନେତା ଅରୁଣ ସାହୁ ସମାନ ଢଂଗରେ ପ୍ରତିକ୍ରିୟା ରଖିଥିଲେ । ବୈଜୟନ୍ତ ବିଜେପିରେ ଯୋଗ ଦେବା ତାଙ୍କ ପାଇଁ କ୍ଷତିକାରକ ହେବ ବୋଲି ଅରୁଣ ଭବିଷ୍ୟବାଣୀ କରିଥିଲେ ।

ସୂଚନାଯୋଗ୍ୟ ଯେ, ଗତକାଲି ସଂଧ୍ୟାରେ ଦିଲ୍ଲୀଠାରେ ବିଜେପିର କେନ୍ଦ୍ରୀୟ କାର୍ଯ୍ୟାଳୟରେ ଅନୁଷ୍ଠିତ ମିଶ୍ରଣ ପର୍ବରେ ବୈଜୟନ୍ତ ପଣ୍ଡା ବିଜେପିରେ ଯୋଗ ଦେଇଥିଲେ । କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ, ଜୁଏଲ ଓରାମ, ବିଜେପିର ଓଡିଶା ପ୍ରଭାରୀ ଅରୁଣ ସିଂ, ରାଜ୍ୟ ସଭାପତି ବସନ୍ତ ପଣ୍ଡା, ବିଧାୟକଦଳ ନେତା କେଭି ସିଂଦେଓ ପ୍ରମୁଖ ଏହି ଉତ୍ସବରେ ଉପସ୍ଥିତ ଥିଲେ । ଏହି କାର୍ଯ୍ୟକ୍ରମରେ ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଅମିତ ଶାହା ଯୋଗ ଦେବେ ବୋଲି ପୂର୍ବରୁ ସ୍ଥିର ହୋଇଥିଲେ ହେଁ ଅମିତ ଶାହା ଉତ୍ସବକୁ ଆସିନଥିଲେ । ପରେ ବୈଜୟନ୍ତ ଅମିତ ଶାହାଙ୍କୁ ତାଙ୍କ ବାସଭବନରେ ସାକ୍ଷାତ କରିଥିଲେ । ବିଜେପିରେ ବୈଜୟନ୍ତ ଯୋଗ ଦେବାପରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ବୈଜୟନ୍ତଙ୍କୁ ସ୍ବାଗତ କରିବା ସହ ବୈଜୟନ୍ତଙ୍କ ଯୋଗଦାନ ଫଳରେ ଓଡିଶାରେ ବିଜେପି ଆହୁରି ଶକ୍ତିଶାଳୀ ହେଲା ବୋଲି କହିଥିଲେ । ଅପରପକ୍ଷରେ ବୈଜୟନ୍ତ କହିଥିଲେ ଯେ, ସେ ୨୨ବର୍ଷ ତଳୁ ବିଜେପିରେ ଯୋଗ ଦେବାକୁ ଚାହୁଁଥିଲେ , ଯାହା ଏବେ ସାକାର ହେଲା । ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ନେତୃତ୍ବରେ ପ୍ରଭାବିତ ହୋଇ ସେ ବିଜେପିରେ ଯୋଗ ଦେବାକୁ କହିଥିଲେ ।

ବୈଜୟନ୍ତଙ୍କ ଏହି ୨୨ ବର୍ଷ ତଳୁ ବିଜେପିରେ ଯୋଗ ଦେବାକୁ ଚାହୁଁଥିବା ବିବୃତ୍ତି ଅତୀତର ବହୁ ରାଜନୈତିକ ସମୀକରଣ ଆଡକୁ ଇଂଗିତ କରିବା ସହ ତାଙ୍କୁ ସମାଲୋଚନା ପାଇଁ ଖୋରାକ ଯୋଗାଇଛି ।

   Related Posts