Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ହରିୟାଣା : ଚଳନ୍ତା କାର ଉପରେ ଓଲଟି ପଡିଲା କଣ୍ଟେନର, ୩ ମୃତ
  • ||
  • ଅଷ୍ଟ୍ରେଲିଆକୁ ଆଉ ଏକ ଝଟକା, ଷ୍ଟାର୍କ ଆହତ, ପ୍ରଥମ ଟି୨୦ରୁ ପଡିବେ ବାଦ୍ !
  • ||
  • ବରଗଡ : ଟ୍ରକ୍‌ ସହ ଧକ୍କା ହେଲା ବରଯାତ୍ରୀ ବୋଲେରୋ, ୩ ମୃତ, ୪ ଗୁରୁତର
  • ||
  • ଭୁବନେଶ୍ୱର : ରାଜ୍ୟରେ ଆଉ ୫ କରୋନା ସଂକ୍ରମିତ ପ୍ରାଣ ହରାଇଲେ, ୧୭୫୫ରେ ପହଞ୍ଚିଲା ମୃତକଙ୍କ ସଂଖ୍ୟା
  • ||
  • ଭୁବନେଶ୍ୱର : ରାଜଧାନୀରୁ ପୁଣି ବ୍ରାଉନସୁଗାର ଜବତ, ୪ ଗିରଫ
  • ||
  • ଭୁବନେଶ୍ୱର : ରାଜ୍ୟରେ ଚିହ୍ନଟ ହେଲେ ୪୩୪ କରୋନା ସଂକ୍ରମିତ, ୩୨୦୦୧୭ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ନୂଆଦିଲ୍ଲୀ : MDH ମସଲାର ପ୍ରତିଷ୍ଠାତା ଧର୍ମପାଲ ଗୁଲାଟୀଙ୍କ ପରଲୋକ
  • ||
  • ଗୋପ : ଜୀବନ ଯୁଦ୍ଧରେ ହାରିଗଲେ କରୋନା ଯୋଦ୍ଧା, କୋଭିଡ୍ ପଜିଟିଭ୍ ହୋଇ ଶେଷ ନିଶ୍ୱାସ ତ୍ୟାଗ କଲେ ଏଏସଆଇ
  • ||
  • ସୋର : ଘରେ ପଶିଲେ ଦୁର୍ବୃତ୍ତ, ବାପ-ପୁଅଙ୍କୁ ଗୋଡାଇ ଗୋଡାଇ ହାଣିଲେ
  • ||
  • କୋରାପୁଟ : ମିଳିଲାନି ଜାମିନ୍, ନିଜ ବେକ କାଟିଦେଲେ କଏଦୀ, ଗୁରୁତର ଅବସ୍ଥାରେ ମେଡିକାଲରେ ଭର୍ତ୍ତି
  • ||

୨୮ରୁ ଦୂରଦର୍ଶନରେ ‘ରାମାୟଣ’ : ଲୋକଙ୍କ ଦାବି ପରେ ମନ୍ତ୍ରୀଙ୍କ ଘୋଷଣା, ଦିନକୁ ଦୁଇ ଥର ପ୍ରଦର୍ଶିତ ହେବ ଲୋକପ୍ରିୟ ଧାରାବାହିକ

27/03/2020 at 4:03 PM

ନୂଆଦିଲ୍ଲୀ ୨୭/୩: କରୋନା ଭାଇରସର ଆତଙ୍କ ଯୋଗୁଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଦେଶକୁ ୨୧ ଦିନଯାଏଁ ଲକଡାଉନର ଆଦେଶ ଦେଇଥିଲେ। ଏହି ଆଦେଶ ସାମନାକୁ ଆସିବା ପରେ ହିଁ ସୋସିଆଲ ମିଡିଆରେ ହଠାତ୍ ୟୁଜର୍ସ ରାମାନନ୍ଦ ସାଗରଙ୍କ ରାମାୟଣ ଏବଂ ବିଆର ଚୋପ୍ରାଙ୍କ ମହାଭାରତ ପୁଣି ଥରେ ପ୍ରସାରଣ କରିବାକୁ ଦାବି କରିଥିଲେ। ଏପରି ପରିସ୍ଥିତିରେ ସେହି ସବୁ ଦର୍ଶକଙ୍କ ପାଇଁ ଏକ ବଡ଼ ଖବର ସାମନାକୁ ଆସିଛି। ଜନତାଙ୍କ ଦାବିରେ ମାର୍ଚ୍ଚ ୨୮ତାରିଖରୁ ‘ରାମାୟଣ’ର ପ୍ରସାରଣ ପୁଣି ଦୂରଦର୍ଶନର ନ୍ୟାସନାଲ୍ ଚ୍ୟାନେଲରେ ଆରମ୍ଭ ହେବ। ପ୍ରଥମ ଏପିସୋଡ ସକାଳ ୯ଟାବେଳେ ଏବଂ ଦ୍ବିତୀୟ ଏପିସୋଡ ରାତି ୯ଟାରେ ପ୍ରସାରିତ ହେବ। କେନ୍ଦ୍ର ମନ୍ତ୍ରୀ ପ୍ରକାଶ ଜାଭଡେକର ନିଜେ ସୋସିଆଲ ମିଡିଆରେ ଏହା ବିଷୟରେ ସୂଚନା ଦେଇଛନ୍ତି।

ରାମାନନ୍ଦ ସାଗରଙ୍କ ରାମାୟଣ ୧୯୮୭ମସିହାରେ ପ୍ରଥମ ଥର ଦୂରଦର୍ଶନରେ ଆରମ୍ଭ ହୋଇଥିଲା। ସେହିପରି ବି.ଆର ଚୋପ୍ରାଙ୍କ ମହାଭାରତ ମଧ୍ୟ ୧୯୮୮ମସିହାରେ ପ୍ରଥମ ଥର ଦୂରଦର୍ଶନରେ ଆରମ୍ଭ ହୋଇଥିଲା। ରାମାୟଣ ଏବଂ ମହାଭାରତକୁ ଲୋକେ ଏତେ ମନପ୍ରାଣ ଦେଇ ଦେଖୁଥିଲେ ଯେ ରାସ୍ତାଘାଟ ଶୁନଶାନ ହୋଇଯାଉଥିଲା। ଏହି ଧାର୍ମିକ କାର୍ଯ୍ୟକ୍ରମର ପ୍ରସାରଣ ସମୟରେ ବାହାରେ ରାସ୍ତାଘାଟର ମାହୋଲ୍ ପୂରା କର୍ଫ୍ୟୁ ଭଳି ଲାଗୁଥିଲା।

ରାମାୟଣରେ ଭଗବାନ ରାମଚନ୍ଦ୍ରଙ୍କ ଭୂମିକାରେ ଅରୁଣ ଗୋଭିଲ୍ ଅଭିନୟ କରିଥିଲେ। ସେହିପରି ସୀତା ଭୂମିକାରେ ଅଭିନୟ କରିଥିବା ଦୀପିକା ଚିଖଲାଇଙ୍କୁ ମଧ୍ୟ ଆଜିବି ସୀତା ରୂପରେ ସ୍ମରଣ କରାଯାଏ। ଦାରା ସିଂହ ହନୁମାନଙ୍କ ଭୂମିକାରେ ଅଭିନୟ କରିଥିଲେ। ସେହିପରି ରାବଣ ଭୂମିକାରେ ଅଭିନୟ କରି ଅରବିନ୍ଦ ତ୍ରିବେଦୀ ବେଶ୍ ଲୋକପ୍ରିୟତା ହାସଲ କରିଥିଲେ।

   Related Posts