Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଆଉ ୮ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୫୦କୁ ବୃଦ୍ଧି
  • ||
  • ରାଜ୍ୟରେ କମିଲା ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୫୯୦୧ କୋଭିଡ୍ ପଜିଟିଭ୍, ୧୨୩୧୧୬୯ରେ ପହଞ୍ଚିଲା ସଂଖ୍ୟା
  • ||
  • ଜିଲ୍ଲା ପରିଷଦ ନିର୍ବାଚନ ଲଢୁଛନ୍ତି ଡାକ୍ତରାଣୀ, ଚର୍ଚ୍ଚାରେ ବିଜେପି ପ୍ରାର୍ଥୀ ମୋନାଲିସା
  • ||
  • ବିସ୍ଫୋରଣ କରି ଟ୍ରେନ୍ ଲାଇନ ଉଡାଇଲେ ନକ୍ସଲ, ପୋଷ୍ଟରରେ ଦେଲେ ଧମକ
  • ||
  • କୁହୁଡିର ଚାଦରରେ ଜଗତସିଂହପୁର, ଗମନାଗମନ ବାଧାପ୍ରାପ୍ତ
  • ||

ଚିତ୍ରକୋଣ୍ଡା ସ୍ବାଭିମାନ ଅଞ୍ଚଳରେ ପୁଣି ପ୍ରଜାମେଳି, ଦୁଇ ଭାଗ ହେଲେ ଆଦିବାସୀ

31/01/2020 at 2:39 PM

ମାଲକାନଗିରି ୩୧।୧: ମାଲକାନଗିରି ଜିଲ୍ଲା ଚିତ୍ରକୋଣ୍ଡା ସ୍ବାଭିମାନ ଅଞ୍ଚଳରେ ପୁଣି ପ୍ରଜାମେଳି । ଜନ୍ତୁରାଇ ଗାଁରେ ନକ୍ସଲଙ୍କ ସହ ସଂଘର୍ଷ ପରେ ଦୁଇ ଭାଗ ହୋଇଛନ୍ତି ବିଚ୍ଛିନ୍ନାଞ୍ଚଳର ଆଦିବାସୀ । ଗୋଟିଏ ଗୋଷ୍ଠୀ ପ୍ରଶାସନ ବିରୋଧରେ ପଣଷପୁଟ ପଞ୍ଚାୟତରେ ପ୍ରଜାମେଳି କରିଥିବା ବେଳେ ଆଉ ଗୋଟିଏ ଗୋଷ୍ଠୀ ଜୋଡାମ୍ବ ପଞ୍ଚାୟତରେ ସରକାରଙ୍କ ସପକ୍ଷରେ ପ୍ରଜାମେଳି କରିଛନ୍ତି ।

ଗତ ୨୫ ତାରିଖ ରାତିରେ ଜନ୍ତୁରାଇ ଗାଁର ମହିଳା ମାନେ ଦୁଇ ଜଣେ ନକ୍ସଲପନ୍ଥୀଙ୍କୁ କାବୁ କରି ନେଇଥିବା ବେଳେ ଜଣଙ୍କୁ ପିଟି ପିଟି ମାରିଦେଇଥିଲେ । ଏହାର ଦିନକ ପରେ ଅର୍ଥାତ୍ ୨୬ ତାରିଖ ଦିନ ନକ୍ସଲପନ୍ଥୀଙ୍କ କଥାରେ ପଣଷପୁଟ ଓ ଅଣ୍ଡ୍ରାପାଲ୍ଲି ପଞ୍ଚାୟତର ଶତାଧିକ ଲୋକେ ଜୋଡାମ୍ବ ପଞ୍ଚାୟତରେ ବ୍ୟାପକ ପୋଡାଜଳା କରିଥିଲେ । ଏହି ରାଗରେ ଜୋଡାମ୍ବ ଲୋକେ ପଣଷପୁଟ ଓ ଅଣ୍ଡ୍ରାପାଲ୍ଲି ପଞ୍ଚାୟତକୁ ବିଦ୍ୟୁତ୍ ସଂଯୋଗକୁ କାଟି ଦେଇଥିଲେ ।

ଗତ କିଛି ଦିନ ଧରି ସ୍ବାଭିମାନ ଅଞ୍ଚଳରେ ଉତ୍ତେଜନା ଲାଗିରହିଥିବା ବେଳେ ଗତକାଲି ଆଦିବାସୀ ଲୋକ ପ୍ରଜାମେଳି କରି ନିଜ ନିଜ ଭିତରେ ସମାଧାନର ରାସ୍ତା ଖୋଜିଛନ୍ତି । ତେବେ ଜୋଡାମ୍ବ ପଞ୍ଚାୟତ ଲୋକେ ଏବେ ପଣଷପୁଟ, ଯନ୍ତ୍ରୀ ଓ ଅଣ୍ଡ୍ରାପାଲି ଲୋକଙ୍କୁ ବିରୋଧ କରୁଥିବା ବେଳେ ଜରୁରିକାଳୀନ ସେବା ଲାଗି ନିର୍ମାଣଧିନ ରାସ୍ତାରେ ଯିବାକୁ ମଧ୍ୟ ଦେଉନାହାନ୍ତି । ତେଣୁ ଜିଲ୍ଲା ପ୍ରଶାସନ ଏଥିରେ ହସ୍ତକ୍ଷେପ କରି ତୁରନ୍ତ ଏହାର ସମାଧାନ କରିବା ଲାଗି ଚିତ୍ରକୋଣ୍ଡା ବିଡିଓଙ୍କୁ ଏକ ଦାବିପତ୍ର ଦେଇଛନ୍ତି ।    

   Related Posts