Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବିଏସଏଫର ବଡ କାର୍ଯ୍ୟାନୁଷ୍ଠାନ, ବାଂଲାଦେଶ ସୀମାରେ ୮୨ ନକଲି ଡ୍ରାଇଭିଂ ଲାଇସେନ୍ସ ଜବତ
  • ||
  • ୟୁପି ସମର: ଅଖିଳେଶଙ୍କ ପାଇଁ ପ୍ରଚାର କରିବେ ମମତା, ଫେବୃଆରୀ ୮ରେ ଲକ୍ଷ୍ନୌରେ ଭର୍ଚୁଆଲ ରାଲି
  • ||
  • ଆସନ୍ତାକାଲି ପ୍ରଥମ ଦିନିକିଆ: କିଏ କରିବ ଓପନିଂ ? ଖୁଲାସା କଲେ ରାହୁଲ, ୫ ବର୍ଷ ପରେ ଦିନିକିଆକୁ ପ୍ରତ୍ୟାବର୍ତ୍ତନ କରିବେ ଏହି ଖେଳାଳି
  • ||
  • କାରିଗରଙ୍କଠୁ ଲାଞ୍ଚ ନେବା ମହଙ୍ଗା ପଡିଲା, ଭିଜିଲାନ୍ସ ଦ୍ଵାରା ବନ୍ଧା ହେଲେ ହସ୍ତଶିଳ୍ପ ନିଗମର ସହ-ନିର୍ଦ୍ଦେଶକ ଓ କ୍ରାପ୍ଟମ୍ୟାନ୍
  • ||
  • କଲେଜ୍ରେ ନିର୍ବାଚନୀ ସଭା ନେଇ କଠୋର ହେଲେ ଏସଇସି: ଏସଡିପିଓ ଏବଂ ପ୍ରିନ୍ସିପାଲଙ୍କୁ ନିଲମ୍ବନ କରିବାକୁ ଦେଲେ ନିର୍ଦ୍ଦେଶ
  • ||
  • IPL 2022: କେଏଲ ରାହୁଲଙ୍କ ସହ ଏହି ଦୁଇ ଖେଳାଳିଙ୍କୁ ନିଜ ଦଳରେ ସାମିଲ୍ କଲା ଲକ୍ଷ୍ନୌ ଫ୍ରାଞ୍ଚାଇଜି
  • ||
  • ମଙ୍ଗଳବାର ପୃଥିବୀର ନିକଟତର ହେବ ବିରାଟ ଗ୍ରହାଣୁ : ମାଡ ହେଲେ ଘଟାଇବ ବିନାଶ !
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୨ ଲକ୍ଷ ୩୮ ହଜାରରୁ ଅଧିକ କରୋନା ପଜିଟିଭ୍, ୩୧୦ ମୃତ
  • ||
  • ରାଜ୍ୟରେ ଆଉ ୪ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୪୮୮କୁ ବୃଦ୍ଧି
  • ||
  • ରାଜ୍ୟରେ ୧୧ ହଜାର ଉପରେ ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୧୧୦୮୬ କୋଭିଡ୍ ପଜିଟିଭ୍, ୧୧୫୫୪୮୭ରେ ପହଞ୍ଚିଲା ସଂଖ୍ୟା
  • ||

ପିପିଇ-ମାସ୍କ ପଲିଟିକ୍ସ: ଦୁର୍ନୀତିକୁ ସ୍ୱାସ୍ଥ୍ଯମନ୍ତ୍ରୀଙ୍କ ଅଗ୍ରାହ୍ୟ, କହିଲେ କେନ୍ଦ୍ର ନିୟମରେ ମାସ୍କ କିଣିଛୁ, ତଥାପି ଆଇଏଏସ୍‌ଙ୍କ ଅବ୍ୟାହତି ନେଇ ବିରୋଧିଙ୍କ ପ୍ରଶ୍ନ

6/06/2020 at 8:08 PM

ଭୁବନେଶ୍ୱର, ୦୬|୦୬:  କରୋନା ପାଇଁ ପର୍ସନାଲ୍ ପ୍ରୋଟେକ୍‌ଟିଭ୍‌ କିଟ୍‌ ବା ପିପିଇ ଓ ମାସ୍କ କିଣା ନେଇ ଦୁର୍ନୀତି ଅଭିଯୋଗ ଆସିବା ପରେ ସ୍ବାସ୍ଥ୍ୟମନ୍ତ୍ରୀ ନବ ଦାସ  ମୁହଁ ଖୋଲିଛନ୍ତି । ସମସ୍ତ ଅଭିଯୋଗକୁ ଅଗ୍ରାହ୍ୟ କରି କହିଛନ୍ତି, ମାସ୍କ କିଣାରେ କୌଣସି ଦୁର୍ନୀତି ହୋଇନାହିଁ । କେନ୍ଦ୍ରର ଗାଇଡ୍‌ଲାଇନ୍‌ ଅନୁସାରେ ମାସ୍କ କିଣା ଯାଇଛି । ହେଲେ ପିପିଇ କଥା ଉଠାଇ ନାହାନ୍ତି ସ୍ବାସ୍ଥ୍ୟ ମନ୍ତ୍ରୀ । ସେପଟେ ବିରୋଧୀ ଅଡି ବସିଛନ୍ତି, ଘଟଣାର ପୁଙ୍ଖାନୁପୁଙ୍ଖ ତଦନ୍ତ ହେଉ ।   

ମାସ୍କ ଓ ପିପିଇ କିଟ କିଣା ଦୁର୍ନୀତି ଆଭିଯୋଗ  ନେଇ ପ୍ରଶାସନିକ ସ୍ତରରେ ହଲଚଲ ଚାଲିଥିବା ବେଳେ ମାସ୍କ କିଣାରେ କୌଣସି ଦୁର୍ନୀତି  ହୋଇନଥିବା ସ୍ବାସ୍ଥ୍ୟ ମନ୍ତ୍ରୀ ସ୍ପଷ୍ଟ କରିଛନ୍ତି । ତଥ୍ୟ ଓ ଯୁକ୍ତି ସହ ମନ୍ତ୍ରୀ କହିଛନ୍ତି, କେନ୍ଦ୍ରର ଗାଇଡଲାଇନ ଅନୁସାରେ  ମାସ୍କ କିଣା ଯାଇଛି। ପ୍ରଥମେ ୧୦ ଟଙ୍କା ଓ ପରେ ୧୬ ଟଙ୍କାରେ ମାସ୍କ କିଣିବାକୁ କେନ୍ଦ୍ର ସରକାର କହିଥିଲେ । ସେହି ଅନୁସାରେ ରାଜ୍ୟ ସରକାର ନିଷ୍ପତ୍ତି ନେଇଥିଲେ । ନବୀନ ସରକାର ଦୁର୍ନୀତିକୁ ପ୍ରଶୟ ଦିଅନ୍ତି ନାହିଁ । ବିରୋଧୀଙ୍କ ଏଭଳି ଅଭିଯୋଗ  କରୋନା ଯୋଦ୍ଧାଙ୍କ ମନୋବଳ ଭାଙ୍ଗିଦେବ ବୋଲି ନବ ଦାସ କହିଛନ୍ତି ।

ସେପଟେ ପିପିଇ ଓ ମସ୍କ କିଣା ଦୁର୍ନୀତି ଅଭିଯୋଗରେ କେବଳ ଆଇଏଏସ ଅଫିସରଙ୍କୁ ଦାୟିତ୍ବରୁ କାଢ଼ି ଦେଲେ ହେବନି ବୋଲି ବିରୋଧୀ ଅଡି ବସିଛନ୍ତି । ଏ ଦୁର୍ନୀତିର ପରିମାଣ କେତେ ଓ ତଳୁ ଉପର ପର୍ଯ୍ୟନ୍ତ କିଏ କିଏ ସଂଶ୍ଲିଷ୍ଟ ଅଛନ୍ତି ସେଥିପାଇଁ ସରକାର ସ୍ବାଧୀନ ସଂସ୍ଥା ଦ୍ବାରା ୨୪ ଘଣ୍ଟା ମଧ୍ୟରେ ତଦନ୍ତ  କରିବାକୁ ନିର୍ଦ୍ଦେଶ ଦିଅନ୍ତୁ ଦାବି କରିଛି ବିଜେପି ।  କଂଗ୍ରେସ କହିଛି ସରକାର ସ୍ପଷ୍ଟୀକରଣ ଦିଅନ୍ତୁ କାହିକିଁ ୯ ଆଇଏଏସ ଅଫିସରଙ୍କୁ ଅଚାନକ ଦାୟିତ୍ବରୁ ବାହାର କଲେ।

 ତେବେ ମାର୍ଚ୍ଚ ୨୧ରେ କେନ୍ଦ୍ର ସରକାର କରିଥିବା ବିଜ୍ଞପ୍ତି ଅନୁଯାୟୀ ତିନି ଥାକିଆ ମାସ୍କ ଦାମ ୧୦ଟଙ୍କାରୁ କମ୍‌ ଓ ଦୁଇ ଥାକିଆ ମାସ୍କର ଦାମ ୮ ଟଙ୍କାରୁ କମ ହେବା କଥା ।  ତଥାପି ସରକାର କହୁଛନ୍ତି ପିପିଇ ଓ ମାସ୍କ କିଣା​ ଅନିୟମିତତା ହୋଇନି ।

   Related Posts