ନବରଙ୍ଗପୁର ୨୭।୦୭: ନବରଙ୍ଗପୁରରେ ରାସ୍ତାକଡରେ ପଡିଛି ବ୍ୟବହୃତ ପିପିଇ କିଟ୍ । ଏହାକୁ ଦେଖି କରୋନା ବ୍ୟାପିବା ଭୟରେ ଲୋକେ ଆତଙ୍କିତ ହୋଇ ପଡିଛନ୍ତି ।
ନବରଙ୍ଗପୁର ପୋଲିସ ରିଜର୍ଭ ବାଟାଲିଅନକୁ ଯାଉଥିବା ରାସ୍ତାରେ ୨ଟି ପିପିଇ କିଟ ପଡିଥିବା ଦେଖିବାକୁ ମିଳିଛି । କଲଭର୍ଟରେ ଜମିଥିବା ପାଣିରେ ଗୋଟିଏ ଏବଂ ଅନ୍ୟଟି ରାସ୍ତା କଡରେ ଫିଙ୍ଗା ଯାଇଛି । କରୋନା ଯୁଦ୍ଧରେ ସାମିଲ ଥିବା କିଛି କର୍ମଚାରୀଙ୍କୁ ପିପିଇ କିଟ୍ ପ୍ରଦାନ କରାଯାଇଥିଲା ଯାହାକୁ ବ୍ୟବହାର କରାଯିବା ପରେ ଫିଙ୍ଗାଯାଇଥିବା ସନ୍ଦେହ କରାଯାଉଛି । ନିୟମ ଅନୁସାରେ ଏହା ବ୍ୟବହାର ପରେ ତାକୁ ସ୍ଵତନ୍ତ୍ର ଭାବେ ଏକ ସ୍ଥାନରେ ନଷ୍ଟ କରିବାକୁ ନିର୍ଦ୍ଦେଶ ଥିବା ବେଳେ ତାକୁ କିଭଳି ରାସ୍ତା କଡ଼ରେ ଫିଙ୍ଗାଯାଇଛି ତାକୁ ନେଇ ପ୍ରଶ୍ନବାଚୀ ସୃଷ୍ଟି କରିଛି ।