Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ବର : ମନୀଷ ଅନୁରାଗ ମୃତ୍ୟୁ ମାମଲା : ବଦଳିଲେ ତମାଣ୍ଡୋ ଥାନା IIC, ଚନ୍ଦକା ଥାନାର ସବ୍ ଇନ୍ସପେକ୍ଟର ତୁଲାଇବେ ଦାୟିତ୍ବ
  • ||
  • ଭୁବନେଶ୍ବର : ମନୀଷ ଅନୁରାଗ ମୃତ୍ୟୁ ମାମଲା, କନେଷ୍ଟବଳ ପ୍ରସନ୍ନ ବେହେରା ନିଲମ୍ବିତ
  • ||
  • ଜଗତସିଂହପୁର : ଦେବୀ ନଦୀରେ ବୁଡି ୫ମ ଶ୍ରେଣୀ ଛାତ୍ରଙ୍କ ମୃତ୍ୟୁ, ଅନ୍ୟ ୩ଜଣ ଉଦ୍ଧାର
  • ||
  • ବ୍ରହ୍ମପୁର : ବ୍ରହ୍ମପୁରରେ ସ୍ବର୍ଣ୍ଣିମ ବିଜୟ ବର୍ଷ ପାଳିତ, ପୋଲିସ ରିଜର୍ଭ ଗ୍ରାଉଣ୍ଡରେ ପହଞ୍ଚିଲା ମଶାଲ
  • ||
  • ଭୁବନେଶ୍ବର : ତେଲ ଟ୍ୟାଙ୍କରରେ ଗଞ୍ଜେଇ ଚାଲାଣ, ଅଢେଇ କ୍ବିଣ୍ଟାଲ ଗଞ୍ଜେଇ ସହ ୨ ଜଣଙ୍କୁ ଗିରଫ କଲା ଏନ୍‌ସିବି
  • ||
  • ବାଲିପାଟଣା : ବୃଦ୍ଧଙ୍କୁ ଚାପିଦେଲା ହାଇଓ୍ବା, ଘଟଣାସ୍ଥଳରେ ଚାଲିଗଲା ଜୀବନ
  • ||
  • ସୁନ୍ଦରଗଡ : ଗଛରୁ ଉଦ୍ଧାର ହେଲା ଯୁବକଙ୍କ ଝୁଲନ୍ତା ମୃତଦେହ, ଆତ୍ମହତ୍ୟା ସନ୍ଦେହ
  • ||
  • ବାରିପଦା : ମୟୁରଭଞ୍ଜରେ ସ୍ବାସ୍ଥ୍ୟ ସ୍ମାର୍ଟ କାର୍ଡ ବାଣ୍ଟିଲେ ମୁଖ୍ୟମନ୍ତ୍ରୀ, ବିଭିନ୍ନ ଉନ୍ନୟନମୂଳକ ପ୍ରକଳ୍ପର ଉଦଘାଟନ ଓ ଶିଳାନ୍ୟାସ
  • ||
  • ଭୁବନେଶ୍ବର : ବିନା ଛୁଞ୍ଚିରେ ଟିକା ନେବେ ଶିଶୁ, ଦୁଇଟି ଡୋଜ୍ ନେବା ପାଇଁ ପରାମର୍ଶ
  • ||
  • ଅନୁଗୋଳ : ପ୍ରାତଃ ଭ୍ରମଣରେ ଯାଇଥିବା ବେଳେ ପଡିଗଲେ ହାତୀ ହାବୁଡରେ, ଚାଲିଗଲା ଜୀବନ
  • ||

ମଧ୍ୟପ୍ରଦେଶକୁ ନେଇ ପାୱାର ଛାନିଆ, ଡାକିଲେ ବିଧାୟକ ଦଳ ବୈଠକ, କଂଗ୍ରେସ କହିଲା ମହାରାଷ୍ଟ୍ରରେ ନାହିଁ ଡର

11/03/2020 at 4:13 PM

ମୁମ୍ବାଇ ୧୧।୩: ଏନସିପି ମୁଖିଆ ଶରଦ ପାୱାର ବୁଧବାର ସନ୍ଧ୍ୟାରେ ତାଙ୍କ ଦଳର ବିଧାୟକମାନଙ୍କ ଏକ ବୈଠକ ଡାକିଛନ୍ତି। ହୁଏତ ଏହି ବୈଠକରେ ମାର୍ଚ୍ଚ୨୬ ରାଜ୍ୟସଭା ନିର୍ବାଚନ ଲାଗି ବିଚାରବିମର୍ଷ ହୋଇପାରେ। ତେବେ ମଧ୍ୟପ୍ରଦେଶରେ ଉପୁଜିଥିବା ପରିସ୍ଥିତିରେ ପାୱାରଙ୍କ ବିଧାୟକ ଦଳ ବୈଠକ ଆହ୍ୱାନକୁ ଏବେ ଗୁରୁତ୍ୱପୂର୍ଣ୍ଣ ମନେ କରାଯାଉଛି। 

ତେବେ ଜନୈକ ବରିଷ୍ଠ ଏନସିପି ନେତାଙ୍କ ଅନୁସାରେ ଦ୍ୱିବାର୍ଷିକ ରାଜ୍ୟସଭା ନିର୍ବାଚନରେ ଏନସିପି ଏଥର ୨ଟି ପ୍ରାର୍ଥୀ ଦେବ। ଏଥିରେ ନିଜେ ଶରଦ ପାୱାର ପ୍ରାର୍ଥୀ ହୋଇଥିବା ବେଳେ ପୂର୍ବତନ ଏନସିପି ମନ୍ତ୍ରୀ ଫଉଜିଆ ଖାନ ମଧ୍ୟ ପ୍ରାର୍ଥୀ ହୋଇଛନ୍ତି। ଏଥିଲାଗି ସେମାନେ ବୁଧବାର ପ୍ରାର୍ଥୀପତ୍ର ଦାଖଲ ବି କରିଛନ୍ତି। ଏଣୁ ସନ୍ଧ୍ୟାରେ ଶରଦ ରାଜ୍ୟସଭା ନିର୍ବାଚନରେ ଦଳର ରଣନୀତି ନିର୍ଦ୍ଧାରଣ ଲାଗି ଏହି ବିଧାୟକ ଦଳ ବୈଠକ ଡାକିଥାଇପାରନ୍ତି ବୋଲି କହିଛନ୍ତି।

ସେପଟେ ମଧ୍ୟପ୍ରଦେଶ ରାଜନୀତିରେ ଦେଖା ଦେଇଥିବା ଉଠାପକା ପରିସ୍ଥିତିକୁ ଏବେ ଦେଶର ବିଭିନ୍ନ ରାଜନୈତିକ ଦଳ ବିଜେପିର ଉପଜ ବୋଲି ଭାବୁଛନ୍ତି। ହୁଏତ ମଧ୍ୟପ୍ରଦେଶରେ ବିଜେପି ଖେଳିଥିବା ଅପରେସନ ‘ଲୋଟସ’ ଏବେ ମହାରାଷ୍ଟ୍ରରେ ବି ହୋଇପାରେ ବୋଲି ଆଶଙ୍କା କରାଯାଉଛି। ତେବେ ଏଭଳି ଆଶଙ୍କାକୁ କିନ୍ତୁ ନିରାଧାର କହିଛନ୍ତି ଏନସିପି ନେତାମାନେ। ମଧ୍ୟପ୍ରଦେଶରେ ଦେଖାଦେଇଥିବା ପରିସ୍ଥିତି ଦିନେ ଦୁଇଦିନରେ ଉପୁଜିଛି। ହେଲେ ଏନସିପିର ଏହି ବୈଠକ ଏନେକ ଦିନରୁ ସ୍ଥିରିକୃତ ହୋଇଥିଲା ବୋଲି ନେତାମାନେ କହିଛନ୍ତି।

ସେପଟେ ମହାରାଷ୍ଟ୍ର କଂଗ୍ରେସ ନେତାମାନେ ବିକାଶ ଅଗାଢି ସରକାର ବେଶ୍ ମଜଭୁତ ଥିବା କହିଛନ୍ତି। ରାଜ୍ୟ ପିଡବ୍ଲୁଡି ମନ୍ତ୍ରୀ ଅଶୋକ ଚୌହାନ ଶିବସେନା ନେତୃତ୍ୱରେ ବିକାଶ ଅଗାଢି ଲାଗି ସେଭଳି କୌଣସି ଧମକର ଆଶଙ୍କା ନଥିବା କହିଛନ୍ତି। ସେପଟେ ମହାରାଷ୍ଟ୍ର ଓ ମଧ୍ୟପ୍ରଦେଶର ପରିସ୍ଥିତି ଓ ରାଜନୀତିକୁ ଭିନ୍ନ ବୋଲି କହିଛନ୍ତି ମହାରାଷ୍ଟ୍ର ପ୍ରଦେଶ କଂଗ୍ରେସ ସଭାପତି ବାଲ ଶାହେବ ଥରୋଟ। ଏଠାରେ ମେଣ୍ଟ ଦଳଙ୍କ ମଧ୍ୟରେ ଯେପରି ସମନ୍ୱୟ ଓ ସମ୍ପର୍କ ରହିବା କଥା ସେପରି ଅଛି ବୋଲି କହିଛନ୍ତି ଥରୋଟ୍।  

   Related Posts