Tuesday, October 15, 2019

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ବ୍ୟାଙ୍କ ଫିକ୍ସଡ ଡିପୋଜିଟଠାରୁ ମଧ୍ୟ ଲାଭଦାୟକ ଡାକଘର ଜମା ଯୋଜନା, ଖୁବ୍ ଶିଘ୍ର ଡବଲ ହେଉଛି ଜମାରାଶି

ନୂଆଦିଲ୍ଲୀ:  ସାଧାରଣତଃ ନିବେଶ ଲାଗି ଲୋକେ ବ୍ୟାଙ୍କରେ ସ୍ଥାୟୀ ଜମାକୁ ଅଧିକ ସୁରକ୍ଷିତ ମନେ କରିଥାନ୍ତି। ତେବେ ଡାକଘରେ ମିଳିଥୁବା ନିବେଶ ସୁବିଧା ବ୍ୟାଙ୍କଠାରୁ ମଧ୍ୟ ଢେର ଲାଭଦାୟକ ତାହା କ୍ୱଚିତ୍ ଜାଣନ୍ତି। ଡାକଘରେ ମିଳୁଥିବା ଜାତୀୟ ସଞ୍ଚୟ ସାର୍ଟିଫିକେଟ ଏନଏସସିକୁ ଏହାର ଉଦାହରଣ ଭାବେ ଗ୍ରହଣ କରାଯାଇପାରେ। ବ୍ୟାଙ୍କରେ ଆପଣଙ୍କ ସ୍ଥାୟୀ ଜମା ଦୁଇଗୁଣ ହେବାକୁ ଯେତିକି ସମୟ ଲାଗିଥାଏ ଡାକଘର ଏନଏସସି ତାଠରୁ କମ୍ ସମୟରେ ଦୁଇଗୁଣ ହୋଇଯାଏ।

ଏହି ସଞ୍ଚୟ ସାର୍ଟିଫିକେଟ ବ୍ୟାଙ୍କ ଏଫଡି ଭଳି ରିଟର୍ଣ୍ଣ ଗ୍ୟାରେଣ୍ଟିଯୁକ୍ତ ଓ ବ୍ୟାଙ୍କଠାରୁ ଅଧିକ ସୁଧ ମିଳିଥାଏ। ବ୍ୟାଙ୍କରେ ୫ ବର୍ଷ ପର୍ଯ୍ୟନ୍ତ ସ୍ଥାୟୀ ଜମା ଉପରେ ଏବେ ବାର୍ଷିକ ୬.୫ରୁ ୭ ପ୍ରତିଶତ ହାରରେ ସୁଧ ମିଳୁଛି। ତେବେ ଏନଏସସିରେ ୭.୫ ପ୍ରତିଶତରୁ ୮ ପ୍ରତିଶତ ପର୍ଯ୍ୟନ୍ତ ବାର୍ଷିକ ସୁଧ ପ୍ରଦାନ କରାଯାଉଛି। ଏଥିରୁ ବ୍ୟାଙ୍କ ଅପେକ୍ଷା ଡାକଘର ଏନଏସସି ନିଶ୍ଚିତ ରୂପେ ଲାଭଦାୟ ବୋଲି ବିଚାର କରାଯାଇପାରେ।

ଅନ୍ୟପକ୍ଷରେ ଡାକଘର ଏନଏସସିରେ ନିବେଶର କୌଣସି ସୀମା ନାହିଁ। ୧ଶହ ଟଙ୍କାରୁ ଆରମ୍ଭ କରି ଆପଣ ଯେତେ ଅଧିକ ଟଙ୍କା ଜମା କରିପାରିବେ। ଏଥିରୁ ମିଳୁଥିବା ଲାଭ  ଉପରେଆପଣଙ୍କୁ ଆୟକର ଦେବାକୁ ପଡେ ନାହିଁ। ଏନଏସସିରୁ ସହଜରେ ଋଣ ମଧ୍ୟ ନିଆଯାଇପାରେ। ଏହି ସଞ୍ଚୟ ଜଏଣ୍ଟ ଆକାଉଣ୍ଟରେ ମଧ୍ୟ କରାଯାଇପାରିବ। ପିତାମାତା ଚାହିଁଲେ  ସେମାନଙ୍କର ୧୮ ବର୍ଷରୁ କମ୍ ବୟସର ନାବାଳକ ପିଲାଙ୍କ ପାଇଁ ମଧ୍ୟ ଏହି ସାର୍ଟିଫିକେଟ କ୍ରୟ କରିପାରିବେ।

320 Views

   ସମ୍ବନ୍ଧିତ ଖବର