Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପରୀ ହତ୍ୟା ମାମଲା, SIT ତଦନ୍ତରେ ହାଇକୋର୍ଟ ସନ୍ତୁଷ୍ଟ- ବିଜେଡି
  • ||
  • ଶଙ୍ଖ ନଦୀରେ ବୁଡ଼ି ଜଣେ ଯୁବକ ନିଖୋଜ, ୪ ଜଣ ହସ୍ପିଟାଲରେ ଭର୍ତ୍ତି
  • ||
  • ତାଳପଦର ବିଜୁ ସେତୁ ଭୁଶୁଡିବା ଘଟଣା: ଗ୍ରାମ୍ୟ ଉନ୍ନୟନ ବିଭାଗ ଏସ୍‌ଡିଓ ଅସିତ ପାତ୍ର ଗିରଫ
  • ||
  • ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୯୦୦ ଛୁଇଁଲା ମୃତକଙ୍କ ସଂଖ୍ୟା
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୮୩ କୋଭିଡ୍ ସଂକ୍ରମିତ, ୩୩୩୩୧୦ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଦେଶରେ କମୁଛି କୋଭିଡ଼ ସଂକ୍ରମଣ, ଗତ ୨୪ଘଣ୍ଟାରେ ୧୫,୧୪୪ କରୋନା ସଂକ୍ରମିତ ଚିହ୍ନଟ
  • ||
  • ଜୟପୁର : ଚଳନ୍ତା ବସ୍‌ରେ ଲାଗିଲା ବିଦ୍ୟୁତ ତାର ; ୬ ମୃତ , ୧୭ ଗୁରୁତର
  • ||
  • ଅପରେସନ ଗ୍ରୀନ କ୍ଲିନ, ପ୍ରାୟ ୧୨ କୋଟି ଟଙ୍କାର ଗଞ୍ଜେଇ ଚାଷ ନଷ୍ଟ
  • ||
  • ଦିଲ୍ଲୀ: କରୋନା ଟିକା ନେବା ପରେ ୫୧ ଜଣଙ୍କ ଠାରେ ଦେଖାଗଲା ପାର୍ଶ୍ବ ପ୍ରତିକ୍ରିୟା
  • ||

ଆସିଲା ନିକିତାଙ୍କ ଶବ ବ୍ୟବଚ୍ଛେଦ ରିପୋର୍ଟ, ଶାଶୂ ଶ୍ବଶୁରଙ୍କୁ ହାଜର ପାଇଁ ପୋଲିସ ଜାରି କଲା ନୋଟିସ୍, ଆଗୁଆ ଜାମିନ୍ ଆବେଦନ କରି ଫେରାର ହେଲେ ଲିପନ୍‌ଙ୍କ ବାପା ମା

9/01/2019 at 3:57 PM

କଟକ ୯|୧: ଉଚ୍ଚ ସ୍ଥାନରୁ ପଡି ଅଭିନେତ୍ରୀ ନିକିତାଙ୍କର ମୃତ୍ୟୁ ହୋଇଛି । ନିକିତାଙ୍କ ପୋଷ୍ଟମର୍ଟମ ରିପୋର୍ଟରୁ ଏହା ସ୍ପଷ୍ଟ ହୋଇଛି । କିନ୍ତୁ ନିକିତାଙ୍କୁ ସ୍ବାମୀ ଲିପନ୍ ଠେଲି ଦେଇଥିଲେ ନା ଠେଲାପେଲାରୁ ସେ ପଡି ଯାଇଥିଲେ । ଏହା ଏବେ ରହସ୍ୟ ଘେରରେ । ଏହି ରହସ୍ୟରୁ ପରଦା ହଟାଇବ ପୋଲିସ । ସେଥିପାଇଁ ଲିପନର ବାପା ମାଙ୍କୁ ଥାନାରେ ହାଜର ହେବାକୁ ପୋଲିସ ନୋଟିସ୍ ଜାରି କରିଛି । ସେପଟେ କିନ୍ତୁ ଲିପନଙ୍କ ବାପା ମା ଫେରାର ହୋଇଯାଇଛନ୍ତି ।

ଆସିଲା ଟେଲି ଅଭିନେତ୍ରୀ ନିକିତାଙ୍କ ପୋଷ୍ଟମର୍ଟମ ରିପୋର୍ଟ । ଉଚ୍ଚ ସ୍ଥାନରୁ ପଡି ନିକିତା ଓରଫ ଲକ୍ଷ୍ମୀପ୍ରିୟା ବେହେରାଙ୍କର ମୃତ୍ୟୁ ହୋଇଛି । କିନ୍ତୁ ଏହି ରିପୋର୍ଟ ପୋଲିସ ତଦନ୍ତରେ ସହାୟକ ହୋଇପାରିବନି । କାରଣ ନିକିତା ଆତ୍ମହତ୍ୟା କରିଛନ୍ତି ନା ତାଙ୍କୁ ଠେଲି ହତ୍ୟା କରାଯାଇଛି ତାହା ରିପୋର୍ଟରେ ଉଲ୍ଲେଖ ନାହିଁ । ସେଥିପାଇଁ ଏବେ ବି ନିକିତାଙ୍କ ମୃତ୍ୟୁ ରହସ୍ୟମୟ ହୋଇ ରହିଛି । ଠେଲାପେଲାରୁ ତଳେ ପଡି ନିକିତାଙ୍କର ମୃତ୍ୟୁ ହୋଇଥିବା ସ୍ବାମୀ ଲିପନ ସ୍ବୀକାର କରିବା ପରେ ତାଙ୍କୁ ଗିରଫ କରି କୋର୍ଟ ଚାଲାଣ କରିଛି ପୋଲିସ । କିନ୍ତୁ ଗିରଫଦାରୀ ଭୟରେ ଫେରାର ହୋଇଯାଇଛନ୍ତି ଲିପନଙ୍କ ବାପା, ମା । ଥାନାରେ ହାଜର ହେବାକୁ ସେମାନଙ୍କୁ ପୋଲିସ ନୋଟିସ୍ ଜାରି କରିଛି ।

ଗିରଫଦାରୀ ଏଡାଇବାକୁ ବୁଧବାର ହାଇକୋର୍ଟରେ ଆଗୁଆ ଜାମିନ୍ ଆବେଦନ କରିଛନ୍ତି ଲିପନଙ୍କ ବାପା ମା । ସେପଟେ ଘଟଣା ଦିନ ନିକିତା ଘରୁ ରାଗି ଛାତ ଉପରକୁ ପଳାଇଥିଲେ । ତାଙ୍କ ପଛରେ ଲିପନ୍ ଓ ନିକିତାଙ୍କ ପୁରା ପରିବାର ଯାଇଥିଲେ । ସମସ୍ତଙ୍କ ଉପସ୍ଥିତିରେ ନିକିତା ଛାତରୁ ଡେଇଁ ପଡିଥିବା ଲିପନଙ୍କ ଓକିଲ କହିଛନ୍ତି ।ତେଣୁ ନିକିତାଙ୍କ ମୃତ୍ୟୁ ପଛରେ ଲିପନ୍‌ କି ତାଙ୍କ ବାପା-ମାଙ୍କର କୌଣସି ସମ୍ପୃକ୍ତି ନାହିଁ ବୋଲି ସେ ଯୁକ୍ତି ବାଢିଛନ୍ତି ଲିପନ୍‌ଙ୍କ  ଓକିଲ ବିଦ୍ୟାଧର ପ୍ରଧାନ ।

ଠେଲା ପେଲାରୁ ନିକିତା ଛାତରୁ ପଡିଯାଇଥିବା ପୋଲିସ ଆଗରେ ସ୍ବାମୀ ଲିପନ୍ ସ୍ବୀକାର କରିଥିବା ବେଳେ ତାଙ୍କ ଓକିଲ କହୁଛନ୍ତି ନିକିତା ଛାତରୁ ଡେଇଁ ପଡିଥିଲେ । ତେବେ ଏଠି ପ୍ରଶ୍ନ ଉଠୁଛି କାହା କଥା ସତ। ଲିପନଙ୍କ ଓକିଲ ସତ କହୁଛନ୍ତି ନା ଲିପନ ସତ କହୁଛନ୍ତି । ତାହା ତଦନ୍ତ ପରେ ହିଁ ସ୍ପଷ୍ଟ ହେବ ।

   Related Posts