ନୂଆଦିଲ୍ଲୀ ୨୭/୦୫ : ଦେଶରେ କରୋନା ମାମଲା ଲକ୍ଷେ ୫୧ ହଜାରରୁ ଅଧିକ ହେଲାଣି | ୨୪ ଘଣ୍ଟା ମଧ୍ୟରେ ୬ ହଜାର ୩୮୭ ନୂଆ ମାମଲା ସାମ୍ନାକୁ ଆସିଛି | ୨୪ ଘଣ୍ଟାରେ ୧୭୦ ସଂକ୍ରମିତଙ୍କ ମୃତ୍ୟୁ ହୋଇଛି | ମାତ୍ର ୧୦ ଦିନରେ କରୋନା ସଂକ୍ରମଣ ମାମଲା ଲକ୍ଷେରୁ ଦେଢ଼ ଲକ୍ଷକୁ ବୃଦ୍ଧି ପାଇଛି | ୨୪ ଘଣ୍ଟାରେ ସବୁଠାରୁ ଅଧିକ ସଂକ୍ରମିତଙ୍କ ମୃତ୍ୟୁ ହୋଇଛି |
ବର୍ତ୍ତମାନ ଦେଶରେ ୮୩ ହଜାର ୪ ଆକ୍ଟିଭ ମାମଲା ରହିଛି | ଏବେ ସୁଦ୍ଧା ୪ ହଜାର ୩୩୭ ଜଣ ପ୍ରାଣ ହରାଇ ସାରିଛନ୍ତି | ଅପରପକ୍ଷରେ ୬୪ ହଜାର ୪୨୫ ରୋଗୀ ସୁସ୍ଥ ମଧ୍ୟ ହୋଇଛନ୍ତି | ଆଉ ଜଣେ ବିଦେଶୀ ନାଗରିକ ନିଜ ଦେଶକୁ ଫେରି ଯାଇଛନ୍ତି |
ଦ୍ରୁତ ଗତିରେ ବଢି ଚାଲିଥିବା କରୋନା ମାମଲାରେ ଦେଶ ବର୍ତ୍ତମାନ ଟପ ୧୦ ଦେଶ ମଧ୍ୟରେ ସାମିଲ ହୋଇଛି | ଏହି ତାଲିକାରେ ପ୍ରଥମ ସ୍ଥାନରେ ଅଛି ଆମେରିକା | ଆମେରିକାରେ ଏବେ ସୁଦ୍ଧା ୧୭ ଲକ୍ଷ ୨୫ ହଜାର ୨୭୫ ମାମଲା ରହିଛି | ଦ୍ୱିତୀୟରେ ବ୍ରାଜିଲ(୩ ଲକ୍ଷ ୯୪ ହଜାର ୫୦୭), ଋଷରେ ୩ ଲକ୍ଷ ୬୨ ହଜାର ୩୪୨, ସ୍ପେନରେ ୨ ଲକ୍ଷ ୮୩ ହଜାର ୩୩୯, ବ୍ରିଟେନରେ ୨ ଲକ୍ଷ ୬୫ ହଜାର ୨୨୭, ଇଟାଲୀରେ ୨ ଲକ୍ଷ ୩୦ ହଜାର ୫୫୫, ଫ୍ରାନ୍ସରେ ୧ ଲକ୍ଷ ୮୨ ହଜାର ୭୨୨, ଜର୍ମାନୀରେ ୧ ଲକ୍ଷ ୮୧ ହଜାର ୨୮୮, ତୁର୍କୀରେ ୧ ଲକ୍ଷ 58 ହଜାର ୭୬୨ ମାମଲା ରହିଛି |